KPL
ຂປລ. ພິທີນຳສະເໜີປຶ້ມພະໄຕປີດົກລາວ ສະບັບ ອັກສອນປາລີ ແລະ ອັກສອນລາວ ຈັດຂຶ້ນຢ່າງເປັນທາງການໃນວັນທີ 18 ທັນວາ 2024 ທີ່ຫໍທໍາມະສະພາວັດພະທາດຫລວງເໜືອ ໂດຍການເຂົ້າຮ່ວມຂອງພະອາຈານໃຫຍ່ ມະຫາບຸນມາ ສິມມາພົມ ປະທານ ອົງການພຸດທະສາສະໜາສຳພັນລາວ (ອພສ), ທ່ານ ນາງ ປານີ ຢ່າທໍ່ຕູ້ ຮອງປະທານປະເທດ ແຫ່ງ ສປປ ລາວ, ທ່ານ ສິນລະວົງ ຄຸດໄພທູນ ປະທານສູນກາງແນວລາວສ້າງຊາດ, ທ່ານ ນາງ ນາລີ ສີສຸລິດ ພັນລະຍາປະທານປະເທດ ແຫ່ງ ສປປ ລາວ ພ້ອມດ້ວຍບັນດາຄະນະນຳ ແລະ ແຂກຖືກເຊີນເຂົ້າຮ່ວມ.
ຂປລ. ພິທີນຳສະເໜີປຶ້ມພະໄຕປີດົກລາວ ສະບັບ ອັກສອນປາລີ ແລະ ອັກສອນລາວ ຈັດຂຶ້ນຢ່າງເປັນທາງການໃນວັນທີ 18 ທັນວາ 2024 ທີ່ຫໍທໍາມະສະພາວັດພະທາດຫລວງເໜືອ ໂດຍການເຂົ້າຮ່ວມຂອງພະອາຈານໃຫຍ່ ມະຫາບຸນມາ ສິມມາພົມ ປະທານ ອົງການພຸດທະສາສະໜາສຳພັນລາວ (ອພສ), ທ່ານ ນາງ ປານີ ຢ່າທໍ່ຕູ້ ຮອງປະທານປະເທດ ແຫ່ງ ສປປ ລາວ, ທ່ານ ສິນລະວົງ ຄຸດໄພທູນ ປະທານສູນກາງແນວລາວສ້າງຊາດ, ທ່ານ ນາງ ນາລີ ສີສຸລິດ ພັນລະຍາປະທານປະເທດ ແຫ່ງ ສປປ ລາວ ພ້ອມດ້ວຍບັນດາຄະນະນຳ ແລະ ແຂກຖືກເຊີນເຂົ້າຮ່ວມ.
ປຶ້ມພະໄຕປີດົກລາວ ໄດ້ຖືກຮຽບຮຽງໂດຍ ສູນກາງອົງການພຸດທະສາສະໜາສໍາພັນ ແຫ່ງ ສປປ ລາວ ເຊິ່ງເປັນຄຳພີທີ່ບັນທຶກຄຳສອນ ໃນທາງພຸດທະສາສະໜາ ອອກເປັນສະບັບອັກສອນປາລີລາວ ແລະ ສະບັບອັກສອນລາວ ເພື່ອໃຫ້ພະສົງ-ສາມະເນນ ແລະ ບັນດາຜູ້ທີ່ສົນໃຈໄດ້ສຶກສາຮຽນຮູ້ ເຊິ່ງເປັນສະບັບຂອງຄົນລາວ ທີ່ສົມບູນທີ່ສຸດເທົ່າທີ່ເຄີຍຈັດພິມມາ. ພະໄຕປີດົກ ປະກອບໄປດ້ວຍ 3 ຄຳພີຄື: ພະວິໄນປິດົກ, ພະສູດຕັນຕະປິດົກ ແລະ ພະອະພິທໍາປິດົກ. ປັດຈຸບັນ ໄດ້ມີການຈັດພິມໄປແລ້ວບາງສ່ວນໃນເບື້ອງຕົ້ນ 5.000 ຊຸດ ໃນນີ້, ໄດ້ຈັດພິມສະບັບອັກສອນປາລີລາວ 1.250 ຊຸດ ແລະ ສະບັບອັກສອນລາວ 3.750 ຊຸດ.
ຈຸດປະສົງການຈັດພິມປື້ມພະໄຕປິດົກລາວຄັ້ງນີ້, ເພື່ອສືບທອດອະນຸລັກຮັກສາຄຳສັ່ງສອນ ຂອງພະພຸດທະເຈົ້າ ໃນຮູບແບບພະໄຕປິດົກໃຫ້ຍືນຍາວ, ເພື່ອເປັນການເຜີຍແຜ່ຫລັກທຳຄຳສັ່ງສອນ ຂອງພະພຸດທະເຈົ້າ ແລະ ເພື່ອເປີດໂອກາດໃຫ້ປະຊາຊົນລາວບັນດາເຜົ່າ ໄດ້ເຂົ້າໃຈເຖິງການສຶກສາຮຽນຮູ້ ພະທຳຄຳສັ່ງສອນ ໃນພະພຸດທະສາສະໜາ.
ຂ່າວ: ວຽງສະຫວັນ, ພາບ: ຂັນໄຊ
KPL
