KPL
ຂປລ. ກົມສົນທິສັນຍາ ແລະ ກົດໝາຍ ກະຊວງການຕ່າງປະເທດ ຈັດກອງປະຊຸມ ກ່ຽວກັບ ການເຊື່ອມໂຍງກົນໄກການຮ່ວມມື ທາງດ້ານກົດໝາຍ ຂອງບັນດາປະເທດແມ່ນໍ້າຂອງ-ແມ່ນໍ້າລ້ານຊ້າງ ໃນການແກ້ໄຂບັນຫາອາຊະຍາກໍາຂ້າມຊາດທີ່ມີການຈັດຕັ້ງ ໃນວັນທີ 19-20 ພະຈິກ 2024 ຢູ່ເມືອງວັງວຽງ ເເຂວງວຽງຈັນ
ຂປລ. ກົມສົນທິສັນຍາ ແລະ ກົດໝາຍ ກະຊວງການຕ່າງປະເທດ ຈັດກອງປະຊຸມ ກ່ຽວກັບ ການເຊື່ອມໂຍງກົນໄກການຮ່ວມມື ທາງດ້ານກົດໝາຍ ຂອງບັນດາປະເທດແມ່ນໍ້າຂອງ-ແມ່ນໍ້າລ້ານຊ້າງ ໃນການແກ້ໄຂບັນຫາອາຊະຍາກໍາຂ້າມຊາດທີ່ມີການຈັດຕັ້ງ ໃນວັນທີ 19-20 ພະຈິກ 2024 ຢູ່ເມືອງວັງວຽງ ເເຂວງວຽງຈັນ ໂດຍການເປັນປະທານຂອງ ທ່ານ ທອງຜ່ານ ສະຫວັນເພັດ ຮອງລັດຖະມົນຕີ ກະຊວງການຕ່າງປະເທດ, ມີຜູ້ຕາງໜ້າຈາກ ກະຊວງພາຍໃນຂອງ ຣາຊະອານາຈັກ ກໍາປູເຈຍ, ກະຊວງກົດໝາຍຂອງ ສສ ມຽນມາ, ກະຊວງຍຸຕິທຳຂອງ ຣາຊະອານາຈັກໄທ, ກະຊວງ ປ້ອງກັນຄວາມສະຫງົບຂອງ ສສ ຫວຽດນາມ ແລະ ຜູ້ຕາງ ໜ້າຈາກສະຖານ ຈີນ ປະຈໍາ ລາວ, ຜູ້ຕາງໜ້າຈາກບັນດາກະຊວງ, ອົງການ ທີ່ກ່ຽວຂ້ອງ ເຂົ້າຮ່ວມ.
ກອງປະຊຸມຄັ້ງນີ້, ເພື່ອແລກປ່ຽນບົດຮຽນກ່ຽວກັບກົນໄກ ແລະ ພາກປະຕິບັດທີ່ດີໃນການຈັດ ຕັ້ງປະຕິບັດວຽກງານຊ່ວຍເຫລືອເຊິ່ງກັນ ແລະ ກັນທາງດ້ານກົດໝາຍໃນບັນຫາອາຍາ ເພື່ອແກ້ໄຂບັນ ຫາອາຊະຍາກຳຂ້າມຊາດທີ່ມີການຈັດຕັ້ງ ໂດຍໃສ່ກົດໝາຍພາຍໃນ ແລະ ສົນທິສັນຍາພາກພື້ນ ແລະ ສາກົນ ເປັນຕົ້ນ ສົນທິສັນຍາ ສປຊ ວ່າດ້ວຍການຕ້ານອາຊະຍາກຳຂ້າມຊາດທີ່ມີການຈັດຕັ້ງ (UNTOC), ສົນທິສັນຍາທີ່ກ່ຽວຂ້ອງກັບ ການຕ້ານການກໍ່ການຮ້າຍ ແລະ ຄ້າຂາຍຢາເສບຕິດ, ສົນທິສັນຍາວ່າດ້ວຍການຊ່ວຍເຫລືອເຊິ່ງກັນ ແລະ ກັນໃນບັນຫາອາຍາ (ASEAN MLAT). ທັງນີ້, ແນໃສ່ເສີມສ້າງຄວາມເຂັ້ມແຂງ ໃຫ້ແກ່ເຈົ້າໜ້າທີ່ບັງຄັບ ປະຕິບັດກົດໝາຍ ພາຍໃຕ້ກົນໄກ ຂອງສົນທິສັນ ຍາ ທີ່ເປັນພາຄີ ລວມທັງການປືກສາຫາລື ກ່ຽວກັບການເສີມຂະຫຍາຍ ກົນໄກການຮ່ວມມື ໃນວຽກງານຕ້ານອາຊະຍາກໍາຂ້າມຊາດ ທີ່ມີການຈັດຕັ້ງທີ່ມີຢູ່ ແລະ ແນວຄິດລິເລີ່ມໃນການສ້າງຕັ້ງກົນໄກ ການຮ່ວມມືເພີ່ມເຕີມທີ່ມີ ຄວາມວ່ອງໄວຂຶ້ນ ກວ່າເກົ່າ.
ຂ່າວ-ພາບ: ກຕທ
KPL
