KPL
ຂປລ. ພິທີລົງນາມບົດບັນທຶກຄວາມເຂົ້າໃຈ (MOU) ວ່າດ້ວຍການຮ່ວມມືດ້ານວຽກງານ ປ້ອງກັນຊາດ ລະຫວ່າງ ກະຊວງປ້ອງກັນປະເທດແຫ່ງ ສປປ ລາວ ແລະ ແລະ ກະຊວງປ້ອງກັນປະເທດ ສາທາລະນະລັດ ຟິລິບປິນ ຈັດຂຶ້ນໃນວັນທີ 20 ພະຈິກ 2024 ໂດຍການຮ່ວມລົງນາມລະຫວ່າງ ທ່ານ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ແຫ່ງ ສປປ ລາວ ແລະ ທ່ານ ກີວເບີໂຕ ຊີ ທີໂອໂດໂຣ ຈຸເນຍ ລັດຖະມົນຕີກະຊວງປ້ອງກັນປະເທດ ສາທາລະນະລັດ ຟີລິບປິນ ໂດຍມີພາກສ່ວນກ່ຽວຂ້ອງສອງຝ່າຍ ເຂົ້າຮ່ວມ.
ຂປລ. ພິທີລົງນາມບົດບັນທຶກຄວາມເຂົ້າໃຈ (MOU) ວ່າດ້ວຍການຮ່ວມມືດ້ານວຽກງານ ປ້ອງກັນຊາດ ລະຫວ່າງ ກະຊວງປ້ອງກັນປະເທດແຫ່ງ ສປປ ລາວ ແລະ ແລະ ກະຊວງປ້ອງກັນປະເທດ ສາທາລະນະລັດ ຟິລິບປິນ ຈັດຂຶ້ນໃນວັນທີ 20 ພະຈິກ 2024 ໂດຍການຮ່ວມລົງນາມລະຫວ່າງ ທ່ານ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ແຫ່ງ ສປປ ລາວ ແລະ ທ່ານ ກີວເບີໂຕ ຊີ ທີໂອໂດໂຣ ຈຸເນຍ ລັດຖະມົນຕີກະຊວງປ້ອງກັນປະເທດ ສາທາລະນະລັດ ຟີລິບປິນ ໂດຍມີພາກສ່ວນກ່ຽວຂ້ອງສອງຝ່າຍ ເຂົ້າຮ່ວມ.
ໃນພິທີ, ໄດ້ມີການພົບສອງຝ່າຍ ເຊິ່ງ ທ່ານ ພົນເອກ ຈັນສະໝອນ ຈັນຍາລາດ ໄດ້ກ່າວວ່າ: ການພົບປະສອງຝ່າຍໃນຄັ້ງນີ້, ເປັນການປະກອບສ່ວນເຂົ້າໃນການເສີມຂະຫຍາຍ ສາຍພົວພັນມິດຕະ ພາບ ແລະ ການຮ່ວມມື ລະຫວ່າງ ສອງປະເທດ ກໍຄື ສອງກອງທັບ ລາວ-ຟີລິບປິນ. ພ້ອມນີ້, ທັງສອງຝ່າຍ ຍັງໄດ້ຕີລາຄືນກ່ຽວກັບ ຜົນສໍາເລັດ ຂອງພົວພັນຮ່ວມມືຂອງສອງປະເທດ ໂດຍສະເພາະ ຂົງເຂດວຽກງານປ້ອງກັນຊາດ .
ໂອກາດນີ້, ທ່ານ ລັດຖະມົນຕີກະຊວງປ້ອງກັນປະເທດ ສາທາລະນະລັດ ຟີລິບປິນ ກໍໄດ້ສະ ແດງຄວາມຊົມເຊີຍ ຕໍ່ຜົນສຳເລັດການເປັນ ປະທານອາຊຽນຂອງ ສປປ ລາວ ໃນປີ 2024. ພ້ອມທັງ ຢືນຢັນຈະສືບຕໍ່ສົ່ງເສີມ ສາຍພົວພັນມິດຕະພາບ ແລະ ການຮ່ວມມືທີ່ດີ ລະຫວ່າງ ຟີລິບປິນ-ລາວ ໃຫ້ນັບມື້ນັບແຕກ ດອກອອກຜົນຍິ່ງໆຂຶ້ນ ແລະ ນໍາເອົາຜົນປະໂຫຍດສູງສຸດ ມາສູ່ປະຊາຊົນສອງປະເທດ.
ຂ່າວ: ກິດຕາ
KPL
