ສື່ມວນຊົນລາວເປັນຜູ້ຢັ້ງຢືນທັດສະ ນະທີ່ຖືກຕ້ອງ, ຕໍ່ສູ້ທັດສະນະທີ່ ຜິດເຂວ, ຕີຖອຍຖ້ອຍທຳນອງບິດ ເບືອນ, ການອອກຂ່າວດ້ານດຽວ, ລວງດຽວຂອງຄົນບໍ່ດີນັບມື້ວ່ອງ ໄວ ແລະ ຈະແຈ້ງຂຶ້ນ. ຖັນແຖວ ພະນັກງານທີ່ເຮັດວຽກສື່ມວນຊົນ ໄດ້ມີຄວາມເສຍສະລະສູງ ໃນແຕ່ລະ ໄລຍະປະຫວັດສາດ, ຖັນແຖວນັກ ຂ່າວໄດ້ເຕີບໃຫຍ່, ເຂັ້ມແຂງ ແລະ ມີຄຸນນະພາບ, ມີທັດສະນະການ ເມືອງຈະແຈ້ງ, ມີຄວາມສະດຸ້ງໄວຕໍ່ສະພາບການ, ມີຄວາມຊໍານານ ງານໃນດ້ານວິຊາການເພີ່ມຂຶ້ນ, ການນໍາໃຊ້ຄວາມກ້າວໜ້າທາງ ດ້ານວິທະຍາສາດເຕັກໂນໂລຊີໃນ ການເກັບກຳຂ່າວ, ຂຽນຂ່າວ, ໂຄ ສະນາຂົນຂວາຍ ໃນບັ້ນສໍາຄັນຂອງ ພັກ-ຂອງຊາດ ກໍມີຫລາຍຮູບຫລາຍ ສີ, ຫລາຍເນື້ອໃນ, ຫລາຍວີທີການ ທີ່ອຸດົມສົມບູນ ແລະ ສ້າງໄດ້ຄວາມ ເຊື່ອໝັ້ນຈາກພັກ-ລັດ ແລະ ປະຊາ ຊົນເຮັດໃຫ້ມີຈິດໃຈຮັກຊາດຂອງ ຄົນລາວຕໍ່ຊາດລາວ, ຄວາມເອກ ອ້າງທະນົງໃຈໃນຄວາມເປັນເອກະລາດ, ອໍານາດອະທິປະໄຕຂອງ ປະຊາຊົນລາວບັນດາເຜົ່ານັບມື້ໄດ້ ຮັບການເຊີດຊູສູງຂຶ້ນ. ນອກນີ້, ສື່ ມວນຊົນຍັງມີບົດບາດສໍາຄັນໃນ ການສຶກສາອົບຮົມການເມືອງແນວຄິດ, ສ້າງທັດສະນະຫລັກໝັ້ນ ແລະ ຄວາມເຊື່ອໝັ້ນຕໍ່ອຸດົມຄະຕິ ແລະ ການນຳພາຂອງພັກ ໃນການ ຊຸກຍູ້, ປຸກລະດົມທົ່ວປວງຊົນເຮັດ ໜ້າທີ່ປ້ອງກັນຊາດ-ປ້ອງກັນຄວາມ ສະຫງົບ, ຕອບໂຕ້ຖ້ອຍທໍານອງ ຂອງພວກຄົນບໍ່ດີທີ່ຫວັງມ້າງເພ ທໍາລາຍລະບອບໃໝ່ຂອງພວກເຮົາ ທັງຢູ່ພາຍໃນ ແລະ ພາຍນອກ, ເສີມ ສ້າງຄວາມສາມັກຄີປອງດອງທົ່ວ ປວງຊົນທັງຊາດ, ໂຄສະນາດຶງດູດ ເອົາການຮ່ວມມື, ການຊ່ວຍເຫລືອ ແລະ ການລົງທຶນຈາກຕ່າງປະເທດ. ທ່ານ ສີວັນ ຫອມໄຊຍະເດດ ຍັງໃຫ້ຮູ້ອີກວ່າ: ໃນຍຸກປັດຈຸບັນ, ຍຸກ AI ຄວາມຮຽກຮ້ອງຕ້ອງການ ຂອງສັງຄົມໃນການຮັບຮູ້ຂໍ້ມູນ ຂ່າວສານນັບມື້ສູງຂຶ້ນ. ສະນັ້ນ, ສື່ ມວນຊົນລາວຕ້ອງເອົາໃຈໃສ່ເຮັດ ໜ້າທີ່ການເມືອງ ຊຶ່ງເປັນກະບອກ ສຽງໃຫ້ແກ່ພັກ-ລັດ ກໍຄືປະຊາຊົນ ເພື່ອໂຄສະນາເຜີຍແຜ່ແນວ ທາງນະໂຍບາຍຂອງພັກ, ແຜນພັດ ທະນາເສດຖະກິດ-ສັງຄົມ, ລະບຽບກົດໝາຍທີ່ລັດວາງອອກໃຫ້ ກວ້າງຂວາງ ແລະ ເລິກເຊິ່ງກວ່າ ເກົ່າ. ພ້ອມນີ້, ການໂຄສະນາເຜີຍ ແຜ່ຂໍ້ມູນຂ່າວສານສື່ພວກເຮົາຕ້ອງ ກຳແໜ້ນຫລັກການ ເພື່ອວິເຄາະ ວິໄຈໃຫ້ຖືກຕ້ອງ, ຊັດເຈນຕິດແທດ ຕົວຈິງຕາມ 4 ລັກສະນະຄື: ລັກ ສະນະຕົວຈິງ, ລັກສະນະສຶກສາອົບ ຮົມ, ລັກສະນະແນະນໍາ ແລະ ລັກ ສະນະຕໍ່ສູ້. ການເຮັດວຽກຂອງສື່ ມວນຊົນ, ສິ່ງສໍາຄັນແມ່ນຕ້ອງກຳ ແໜ້ນ ແລະ ເຂົ້າໃຈແຈ້ງບັນດາມະ ຕິ, ຄຳສັ່ງຕ່າງໆຂອງພັກ, ລັດ ເພື່ອ ຊີ້ແຈງ, ແນະນໍາໃຫ້ສັງຄົມຮັບຮູ້ ເຂົ້າໃຈ ແລະ ຈັດຕັ້ງປະຕິບັດຢ່າງມີ ປະສິດທິພາບ, ປະສິດທິຜົນສູງໃນ ການສ້າງສາພັດທະນາເສດຖະກິດ ແລະ ຍົກສູງຊີວິດການເປັນຢູ່ຂອງ ປະຊາຊົນລາວບັນດາເຜົ່ານັບມື້ດີ ຂຶ້ນ, ສືບຕໍ່ປົກປັກຮັກສາ ແລະ ພັດ ທະນາປະເທດຊາດໃຫ້ນັບມື້ຈະເລີນ ກ້າວໜ້າຢ່າງບໍ່ຢຸດຢັ້ງ. ພ້ອມນີ້, ທ່ານ ສີວັນ ຫອມໄຊ ຍະເດດ ຍັງໄດ້ຍົກໃຫ້ເຫັນເຖິງ ການເຕີບໃຫຍ່ຂະຫຍາຍຕົວຂອງ ສື່ມວນຊົນລາວຕະຫລອດໄລຍະ 76 ປີ ຜ່ານມາ, ພ້ອມທັງຍົກໃຫ້ເຫັນ ການເຕີບໃຫຍ່ຂະຫຍາຍຕົວຂອງ ໜັງສືພິມປະຊາຊົນໃນໄລຍະ 76 ປີ ຜ່ານມາ ຊຶ່ງໄດ້ມີການເຕີບໃຫຍ່ ຂະຫຍາຍຕົວທາງດ້ານປະລິມານ ແລະ ຄຸນນະພາບ, ຮູບການ, ຫລາຍ ຜະລິດຕະພັນ ແລະ ເນື້ອໃນອຸດົມ ສົມບູນສາມາດຕອບສະໜອງຂໍ້ ມູນຂ່າວສານແກ່ສັງຄົມໄດ້ຢ່າງ ກວ້າງຂວາງ. ຂ່າວ-ພາບ: ທະນູທອງ

KPL