KPL
ໃນ 6 ເດືອນຕົ້ນປີນີ້, ນັກທ່ອງທ່ຽວ ຕ່າງປະເທດ ເດີນທາງເຂົ້າ ສປ ຈີນ ແບບຍົກເວັ້ນ ວີຊາ ບັນລຸ 13,64 ລ້ານເທື່ອຄົນ, ກວມເອົາ 71,2% ຂອງຍອດຈຳນວນ ຄົນຕ່າງປະເທດ ທີ່ເດີນທາງ ເຂົ້າປະເທດຈີນ, ເພີ່ມຂຶ້ນ 53,9% ເມື່ອທຽບໃສ່ໄລຍະດຽວກັນ ຂອງປີກາຍ.
ຂປລ.ວິທະຍຸສາກົນແຫ່ງ ສປ ຈີນ, ໃນ 6 ເດືອນຕົ້ນປີນີ້, ນັກທ່ອງທ່ຽວ ຕ່າງປະເທດ ເດີນທາງເຂົ້າ ສປ ຈີນ ແບບຍົກເວັ້ນ ວີຊາ ບັນລຸ 13,64 ລ້ານເທື່ອຄົນ, ກວມເອົາ 71,2% ຂອງຍອດຈຳນວນ ຄົນຕ່າງປະເທດ ທີ່ເດີນທາງ ເຂົ້າປະເທດຈີນ, ເພີ່ມຂຶ້ນ 53,9% ເມື່ອທຽບໃສ່ໄລຍະດຽວກັນ ຂອງປີກາຍ. ພາຍຫລັງ ກົມຄຸ້ມຄອງ ຄົນເຂົ້າ-ອອກເມືອງ ແຫ່ງຊາດຈີນ ໄດ້ຈັດກອງປະຊຸມ ຖະແຫລງຂ່າວວ່າ: ໃນ 6 ເດືອນ ຕົ້ນປີນີ້, ສປ ຈີນ ໄດ້ປະຕິບັດ ນະໂຍບາຍ ຍົກເວັ້ນວີຊາ ສຳລັບ ກຸ່ມນັກທ່ອງທ່ຽວ ຈາກປະເທດ ສະມາຊິກ ອາຊຽນ ທີ່ຜ່ານດ່ານ ຢູ່ກິ່ງແຂວງສິບສອງພັ່ນນາ ແຂວງຢຸນນານ ແລະ ເພີ່ມອິນໂດເນເຊຍ ເຂົ້າເປັນປະເທດ ທີ່ສາມາດນຳໃຊ້ ນະໂຍບາຍ ຜ່ານແດນຈີນ ແບບຍົກເວັ້ນ ວີຊາພາຍໃນ 240 ຊົ່ວໂມງ, ກົມຄຸ້ມຄອງ ຄົນເຂົ້າ-ອອກ ເມືອງແຫ່ງຊາດຈີນ ໄດ້ຮ່ວມກັບ ພາກສ່ວນ ທີ່ກ່ຽວຂ້ອງອື່ນໆ ຕັ້ງໜ້າ ຊຸກຍູ້ ການອຳນວຍ ຄວາມສະດວກ ໃຫ້ແກ່ ຄົນຕ່າງປະເທດ ໃນດ້ານການຊຳລະບັນຊີ, ການພັກເຊົາ, ການຄົມມະນາຄົມ ແລະ ອື່ນໆ, ເຊິ່ງໄດ້ຊຸກຍູ້ ການໄປມາ ຫາສູ່ກັນ ແລະ ການຮ່ວມມື ດ້ານເສດຖະກິດ ການຄ້າ ລະຫວ່າງ ປະຊາຊົນຈີນ ກັບປະຊາຊົນ ຕ່າງປະເທດ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
