KPL
ໃນ 6 ເດືອນຕົ້ນປີນີ້, ກຳປູເຈຍ ໄດ້ສົ່ງອອກ ເຂົ້າສານ ລວມທັງໝົດ ຫລາຍກວ່າ 387.000 ໂຕນ, ຍອດມູນຄ່າການສົ່ງອອກບັນລຸ ເຖິງ 283 ລ້ານໂດລາສະຫະລັດ, ເພີ່ມຂຶ້ນຫລາຍກວ່າ 14,5% ເມື່ອທຽບໃສ່ ໄລຍະດຽວກັນຂອງປີກາຍ.
ຂປລ.ວິທະຍຸສາກົນແຫ່ງ ສປ ຈີນ, ບົດລາຍງານ ຫລ້າສຸດ ທີ່ສະຫະພັນ ເຂົ້າສານ ກຳປູເຈຍ ປະກາດ ເມື່ອບໍ່ດນມານີ້ວ່າ: ໃນ 6 ເດືອນຕົ້ນປີນີ້, ກຳປູເຈຍ ໄດ້ສົ່ງອອກ ເຂົ້າສານ ລວມທັງໝົດ ຫລາຍກວ່າ 387.000 ໂຕນ, ຍອດມູນຄ່າການສົ່ງອອກບັນລຸ ເຖິງ 283 ລ້ານໂດລາສະຫະລັດ, ເພີ່ມຂຶ້ນຫລາຍກວ່າ 14,5% ເມື່ອທຽບໃສ່ ໄລຍະດຽວກັນຂອງປີກາຍ. ນອກນີ້, ໃນ 6 ເດືອນຕົ້ນປີນີ້, ກຳປູເຈຍ ໄດ້ສົ່ງອອກ ເຂົ້າສານ ໄປຂາຍຢູ່ 63 ປະເທດ ແລະ ເຂດແຄວ້ນ ໃນທົ່ວໂລກ, ຍອດປະລິມານ ການສົ່ງອອກ ເພີ່ມຂຶ້ນ ຫລາຍກວ່າ 14,3% ເມື່ອທຽບໃສ່ ໄລຍະດຽວກັນ ຂອງປີກາຍ. ສປ ຈີນ ແມ່ນໜຶ່ງ ໃນຕະຫລາດ ການສົ່ງອອກ ເຂົ້າສານ ຕົ້ນຕໍ ຂອງກຳປູເຈຍ. ອີງຕາມສະຖິຕິທາງການ, ນັບແຕ່ ເດືອນມັງກອນ ຫາເດືອນມິຖຸນາປີນີ້, ກຳປູເຈຍ ໄດ້ສົ່ງອອກ ເຂົ້າສານໄປ ສປ ຈີນ ເຖິງ 102.500 ໂຕນ, ມູນຄ່າ ການສົ່ງອອກ ຫລາຍກວ່າ 60 ລ້ານໂດລາສະຫະລັດ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
