KPL
ປັດຈຸບັນ, ກະຊວງພະລັງງານ ພວມຢູ່ໃນ ລະຫວ່າງ ການເຈລະຈາ ກັບ ກະຊວງ ການເງິນ ແລະ ທະນາຄານກາງ ເພື່ອອະນຸມັດບ້ວງເງິນ ກອງທຶນ ເພື່ອແກ້ໄຂ ວິກິດການ ໃນຄັ້ງນີ້.
ຂປລ.ອ້າງຕາມຂ່າວ ສີລັງກາ, ວັນທີ 22 ກຸມພາ, ສີລັງກາ ພວມຜະເຊິນກັບ ວິກິດ ການຂາດແຄນ ນໍ້າມັນ ເນື່ອງຈາກ ເງິນຕາ ຕ່າງປະເທດ ຫລຸດລົງ, ທ່ານ ອູດາຍາ ແກມມານພິລາ ລັດຖະມົນຕີ ວ່າການ ກະຊວງ ພະລັງງານ ສີລັງກາ ກ່າວວ່າ: ປັດຈຸບັນ, ກະຊວງພະລັງງານ ພວມຢູ່ໃນ ລະຫວ່າງ ການເຈລະຈາ ກັບ ກະຊວງ ການເງິນ ແລະ ທະນາຄານກາງ ເພື່ອອະນຸມັດບ້ວງເງິນ ກອງທຶນ ເພື່ອແກ້ໄຂ ວິກິດການ ໃນຄັ້ງນີ້. ສະຖານີ ບໍລິການ ນໍ້າມັນ ຫລາຍແຫ່ງ ໃນສີລັງກາ ມີລົດໃຫຍ່ ຢ່າງຫລວງຫລາຍ ພວມເຂົ້າແຖວ ເພື່ອລໍຖ້າຊື້ ນໍ້າມັນ ຫລັງຈາກ ລັດຖະມົນຕີ ພະລັງງານ ໄດ້ອອກມາເຕືອນ ກ່ຽວກັບ ພາວະຂາດແຄນ ນໍ້າມັນ ເນື່ອງຈາກ ເງິນຕາ ຕ່າງປະເທດ ໄດ້ຫລຸດລົງ. ທັງນີ້, ສີລັງກາ ພະຍາຍາມ ຈັດຫາ ບ້ວງເງິນ 35 ລ້ານໂດລາ ສະຫະລັດ ເພື່ອໃຊ້ເຂົ້າໃນຈ່າຍຄ່ານໍ້າມັນ 40.000 ໂຕນ ທີ່ສົ່ງມາຍັງ ທ່າກຳປັ່ນ ນະຄອນຫລວງ ໂກໂລມບີ ເມື່ອບໍ່ດົນມານີ້. ໃນຂະນະທີ່ ນໍ້າມັນສຳຮອງ ພາຍໃນ ປະເທດ ຈະມີພໍໃຊ້ ໄດ້ອີກພຽງ ບໍ່ເທົ່າໃດວັນ. /.
KPL
