KPL
ເຈົ້າໜ້າທີ່ ຫ້ອງການ ຊ່ວຍເຫລືອ ກູ້ໄພ ເກາະບາຫລີ ຂອງອິນໂດເນເຊຍ ກ່າວວ່າ: ເຫດການ ກຳປັ່ນ ໂດຍສານ ຫລົ້ມມີຜູ້ເສຍຊີວິດ 3 ຄົນ, ສາມາດ ຊ່ວຍເຫລືອໄດ້ 4 ຄົນ ແລະ ສູນຫາຍອີກ 58 ຄົນ.
ຂປລ.ວິທະຍຸ ສາກົນ ແຫ່ງ ສປ ຈີນ,ວັນທີ 3 ກໍລະກົດນີ້, ເຈົ້າໜ້າທີ່ ຫ້ອງການ ຊ່ວຍເຫລືອ ກູ້ໄພ ເກາະບາຫລີ ຂອງອິນໂດເນເຊຍ ກ່າວວ່າ: ເຫດການ ກຳປັ່ນ ໂດຍສານ ຫລົ້ມມີຜູ້ເສຍຊີວິດ 3 ຄົນ, ສາມາດ ຊ່ວຍເຫລືອໄດ້ 4 ຄົນ ແລະ ສູນຫາຍອີກ 58 ຄົນ. ນັບມາຮອດ ປັດຈຸບັນ, ບໍ່ມີລາຍງານວ່າ ມີພົນລະເມືອງຈີນ ໃນເຫດການ ກຳປັ່ນຫລົ້ມ ຄັ້ງນີ້. ການລາຍງານຂ່າວເບື້ອງຕົ້ນ ໃຫ້ຮູ້ວ່າ: ກຳປັ່ນລຳນີ້ ມີຜູ້ໂດຍສານ 53 ຄົນ, ພະນັກງານ 12 ຄົນ ແລະ ລົດອີກ 22 ຄັນ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
