KPL
ຂປລ. ພິທີເປີດນຳໃຊ້ບັດຊຳລະຄ່າບໍລິການ (Prepaid Card ) ພາຍໃນໂຮງໝໍມິດຕະພາບ (150 ຕຽງ) ໄດ້ຈັດຂຶ້ນເມື່ອບໍ່ດົນຜ່ານມານີ້, ໂດຍການຮ່ວມມືກັນລະຫວ່າງ ທະນາຄານພັດທະນາລາວ ຈຳກັດ ແລະ ໂຮງໜໍມິດຕະພາບ ໂດຍມີ ທ່ານ ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ, ທ່ານ ສິດທິສອນ ເທບພາສີ ປະທານສະພາບໍລິຫານທະນາຄານພັດທະນາລາວ ຈຳກັດ, ມີຜູ້ອຳ ນວຍການໂຮງໝໍ, ຜູ້ອຳນວຍການທະນາຄານພັດທະນາລາວ, ພ້ອມດ້ວຍພະນັກງານແພດ-ໝໍ, ພະນັກ ງານຈາກທະນາຄານ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ຂປລ. ພິທີເປີດນຳໃຊ້ບັດຊຳລະຄ່າບໍລິການ (Prepaid Card ) ພາຍໃນໂຮງໝໍມິດຕະພາບ (150 ຕຽງ) ໄດ້ຈັດຂຶ້ນເມື່ອບໍ່ດົນຜ່ານມານີ້, ໂດຍການຮ່ວມມືກັນລະຫວ່າງ ທະນາຄານພັດທະນາລາວ ຈຳກັດ ແລະ ໂຮງໜໍມິດຕະພາບ ໂດຍມີ ທ່ານ ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ, ທ່ານ ສິດທິສອນ ເທບພາສີ ປະທານສະພາບໍລິຫານທະນາຄານພັດທະນາລາວ ຈຳກັດ, ມີຜູ້ອຳ ນວຍການໂຮງໝໍ, ຜູ້ອຳນວຍການທະນາຄານພັດທະນາລາວ, ພ້ອມດ້ວຍພະນັກງານແພດ-ໝໍ, ພະນັກ ງານຈາກທະນາຄານ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ການເປີດນໍາໃຊ້ບັດຊໍາລະຄ່າບໍລິການ (Prepaid Card) ພາຍໃນໂຮງໝໍມິດຕະພາບ ໃນຄັ້ງນີ້, ເພື່ອອໍານວຍຄວາມສະດວກ ໃນການຊຳລະຄ່າບໍລິການພາຍໃນໂຮງໝໍ ກໍຄື ອຳນວຍຄວາມສະດວກໃຫ້ແກ່ມວນຊົນ ທີ່ເຂົ້າມາໃຊ້ບໍລິການ ຢູ່ພາຍໃນໂຮງໝໍ ໃຫ້ມີຄວາມສະດວກສະບາຍ, ວ່ອງໄວ, ປອດໄພ, ທັງເປັນການຫລຸດຜ່ອນການນໍາໃຊ້ເງິນສົດ ເພື່ອຫັນເປັນລະບົບເອເລັກໂຕຣນິກ ໃຫ້ຫລາຍຂຶ້ນ ແລະ ສອດຄ່ອງ ກັບຍຸກສະໄໝໃໝ່ ໃນປັດຈຸບັນ.
ໂອກາດດັ່ງກ່າວ, ທ່ານ ບຸນແຝງ ພູມມະໄລສິດ ໄດ້ສະແດງຄວາມຊົມເຊີຍ ຕໍ່ທະນາຄານພັດທະ ນາລາວ ຈຳກັດ ກໍຄື ໂຮງໜໍມິດຕະພາບ ທີ່ໄດ້ຮ່ວມມືກັນ ເປີດນຳໃຊ້ບັດຊຳລະຄ່າບໍລິການ (Prepaid Card) ຂຶ້ນມາ ເຊິ່ງເປັນການປະກອບສ່ວນສຳຄັນ ເຮັດໃຫ້ການບໍລິການຢູ່ພາຍໃນໂຮງໝໍມິດຕະພາບ ມີຄວາມທັນສະໄໝ ຂຶ້ນຕື່ມ, ທັງມີຄວາມສະດວກສະບາຍ, ວ່ອງໄວ, ຮັກສາໄດ້ຄວາມປອດໄພ ກໍຄື ຮັກສາການຕົກເຮ່ຍເສຍຫາຍເງິນສົດ ຂອງຜູ້ມາໃຊ້ບໍລິການ ຢູ່ພາຍໃນໂຮງໝໍ, ເປັນເປັນການອຳນວຍຄວາມສະດວກ ໃນການກວດສອບບັນຊີ ລາຍຮັບ-ລາຍຈ່າຍ ພາຍໃນໂຮງໝໍ ໃຫ້ມີຄວາມວ່ອງໄວ ແລະ ໂປ່ງໃສ ຂຶ້ນກວ່າເກົ່າ.
ທ່ານໃດທີ່ມີຄວາມສົນໃຈຢາກໃຊ້ບັດແທນເງິນສົດ ສາມາດເຂົ້າໄປສະໝັກນໍາໃຊ້ບັດແທນເງິນ ສົດຟຣີ ໄດ້ທີ່ ທະນາຄານ ພັດທະນາລາວ ໜ່ວຍບໍລິການ ໂຮງໝໍມິດຕະພາບ ໂດຍການແຈ້ງຂໍ້ມູນລາຍລະອຽດຂອງຜູ້ໃຊ້ບັດ ໃຫ້ກັບພະນັກງານ ເພື່ອດໍາເນີນການອອກບັດ, ມອບຈໍານວນເງິນ ທີ່ຕ້ອງການຕື່ມເຂົ້າບັດ, ພາຍຫລັງໄດ້ຮັບບັດແລ້ວ ຜູ້ໃຊ້ຕ້ອງໄດ້ປ່ຽນລະຫັດຜ່ານເຄື່ອງຮູດບັດ ຂອງທະນາຄານ ພັດທະນາລາວ ເຊິ່ງລູກຄ້າສາມາດນໍາໃຊ້ ບັດແທນເງິນສົດ ເພື່ອຊຳລະຄ່າບໍລິການຕ່າງໆ ພາຍໃນໂຮງໝໍ ມິດຕະພາບ ຜ່ານເຄື່ອງຮູດບັດ ທີ່ຈຸດຮັບຊໍາລະ ຂອງໂຮງໝໍມິດຕະພາບ.
ຂ່າວ-ພາບ: ທະນູທອງ
KPL
