ອິນເດຍ ມອບເຄື່ອງຊ່ວຍເຫລືອ ສຸກເສີນ ໄພພິບັດນໍ້າຖ້ວມ ໃຫ້ ສປປ ລາວ

16/09/2024 14:40
Email Print 296
KPL ຂປລ. ພິທີມອບ-ຮັບ ເຄື່ອງຊ່ວຍເຫລືອບັນເທົາທຸກສຸກເສີນ ໄພພິບັດນໍ້າຖ້ວມຈາກ ລັດຖະບານ ແຫ່ງ ສາທາລະນະລັດ ອິນເດຍ ໃຫ້ແກ່ ສປປ ລາວ ຈັດ​ຂຶ້ນໃນວັນທີ 15 ກັນຍາ 2024, ທີ່ ສະໜາມບິນສາກົນວັດໄຕ ໂດຍຕາງໜ້າລັດຖະບານແຫ່ງ ສປປ ລາວ ຮັບໂດຍ ທ່ານ ລີປາວ ຢ່າງ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ແລະ ຕາງໜ້າລັດຖະບານ ແຫ່ງ ສ ອິນເດຍ ມອບໂດຍ ທ່ານ ປຣາຊານ ອາກລາວາລ (Prashant Agrawal) ເອກອັກຄະລັດຖະທູດ ແຫ່ງ ສ ອິນເດຍ ປະຈໍາ ສປປ ລາວ



ຂປລ. ພິທີມອບ-ຮັບ ເຄື່ອງຊ່ວຍເຫລືອບັນເທົາທຸກສຸກເສີນ ໄພພິບັດນໍ້າຖ້ວມຈາກ ລັດຖະບານ ແຫ່ງ ສາທາລະນະລັດ ອິນເດຍ ໃຫ້ແກ່ ສປປ ລາວ ຈັດ​ຂຶ້ນໃນວັນທີ
15 ກັນຍາ 2024, ທີ່ ສະໜາມບິນສາກົນວັດໄຕ ໂດຍຕາງໜ້າລັດຖະບານແຫ່ງ ສປປ ລາວ ຮັບໂດຍ ທ່ານ ລີປາວ ຢ່າງ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ແລະ ຕາງໜ້າລັດຖະບານ ແຫ່ງ ສ ອິນເດຍ ມອບໂດຍ ທ່ານ ປຣາຊານ ອາກລາວາລ (Prashant Agrawal) ເອກອັກຄະລັດຖະທູດ ແຫ່ງ ສ ອິນເດຍ ປະຈໍາ ສປປ ລາວ ​ໂດຍ​ມີພາກສ່ວນກ່ຽວຂ້ອງຂອງສອງຝ່າຍ ເຂົ້າຮ່ວມເປັນສັກຂີພິຍານ.



ເຄື່ອງຊ່ວຍເຫລືອທີ່ ສ ອິນເດຍ ນໍາມາມອບໃນຄັ້ງນີ້, ແມ່ນເຄື່ອງຊ່ວຍເຫລືອດ້ານມະນຸດສະທໍາ ເພື່ອນໍາໃຊ້ເຂົ້າໃນການຊ່ວຍເຫລືອສຸກເສີນ ແກ່ຜູ້ປະສົບໄພພິບັດຕ່າງໆ ​ເຊິ່ງຈະເປັນການປະກອບ ສ່ວນອັນສໍາຄັນໜຶ່ງໃຫ້ແກ່ ສປປ ລາວ ໃນການກຽມຄວາມພ້ອມ ເພື່ອສາມາດຮັບມືກັບ ໄພພິບັດສຸກເສີນໄດ້ຢ່າງວ່ອງໄວ ແລະ ມີປະສິດທິພາບຍິ່ງຂຶ້ນ ໃນການຊ່ວຍເຫລືອຊຸມຊົນ ກໍຄື ປະຊາຊົນທີ່ໄດ້ຮັບຜົນກະທົບຈາກໄພພິບັດ ແລະ ເຫດການສຸກເສີນຕ່າງໆ
ໂດຍສະເພາະກໍແມ່ນຜູ້ທີ່ໄດ້ຮັບຜົນກະທົບ ຈາກໄພນໍາຖ້ວມທີ່ກໍາລັງເກີດຂຶ້ນ ຢູ່ຫລາຍ​ແຂວງຂອງລາວ.

 

ເຄື່ອງຊ່ວຍເຫລືອຄັ້ງນີ້ປະກອບມີ: ເມັດຄລໍຣິນ (
chlorine) ຈໍານວນ 10 ລ້ານເມັດ, ຜົງຟອກຂາວ ຈໍານວນ 1000 ກິ​ໂລກຣາມ, ນໍ້າຢາຂ້າເຊື້ອ ຈໍານວນ 1.000 ລິດ, ເຄື່ອງຕອງນໍ້າ ຈໍານວນ 2.000 ເຄື່ອງ, ເຄື່ອງປັ່ນໄຟ ຂະໜາດ 30 KVA ຈໍານວນ 2 ເຄື່ອງ, ຊຸດອະນາໄມ ຈໍານວນ 1.000 ຊຸດ, ເຄື່ອງໃຊ້ພາຍໃນຄົວເຮືອນ ຈໍານວນ 1.000 ຊຸດ, ຖົງນອນ ຈໍານວນ 1.000 ຊຸດ, ມຸ່ງ ຈໍານວນ 2.500 ດາງ ແລະ ຢາກັນຍຸງ ຈໍານວນໜຶ່ງ ລວມມູນຄ່າປະມານ 100.000 ໂດລາສະຫະລັດ ຫລືປະມານ 2,2 ຕື້ກີບ.

KPL

ຂ່າວອື່ນໆ

    • ກອງທັບ ກຳລັງຫລັກແຫລ່ງ ໃນການປະຕິບັດແນວທາງ ປກຊ-ປກສ ທົ່ວປວງຊົນຮອບດ້ານຂອງພັກວັດທະນະທຳ-ສັງຄົມ

      ກອງທັບ ກຳລັງຫລັກແຫລ່ງ ໃນການປະຕິບັດແນວທາງ ປກຊ-ປກສ ທົ່ວປວງຊົນຮອບດ້ານຂອງພັກ

      1/14/2025 4:53:54 PM

      ຂປລ. ໃນປີ 2024 ຜ່ານມາ ຄະນະພັກ-ຄະນະນໍາ ກະຊວງປ້ອງກັນປະເທດ ໄດ້ຊີ້ນໍາ ແລະ ຈັດຕັ້ງເຊື່ອມຊຶມ-ຜັນຂະຫຍາຍ ມະຕິກອງປະຊຸມໃຫຍ່ ຄັ້ງທີ XI ຂອງພັກ ແລະ ມະຕິສະໄໝທີ V ຂອງຄະນະພັກກະຊວງປ້ອງກັນປະເທດ ຢ່າງມີຈຸດສຸມ ແລະ ແທດກັບຕົວຈິງ, ມີໝາກຜົນໃນຫລາຍດ້ານ ເປັນຕົ້ນ ການເຮັດໜ້າທີ່ ຮັກສາຄວາມສະຫງົບປອດໄພ ໃຫ້ການນໍາພັກ-ລັດ, ແຂກພາຍໃນ ແລະ ຕ່າງປະເທດ, ປ້ອງກັນບັນດາກອງປະຊຸມທີ່ສໍາຄັນຕ່າງໆ, ບັນດາວັນບຸນປະຫວັດສາດທີ່ສໍາຄັນ ຂອງຊາດ, ຂອງພັກ, ຂອງກອງທັບ ພ້ອມທັງປ້ອງກັນສໍານັກງານອົງການ, ສະໜາມບິນ, ເສັ້ນທາງທຸລະກັນດານ, ບັນດາໂຄງການ ກໍ່ສ້າງຂອງລັດຖະບານ ມີຄວາມສະຫງົບປອດໄພ 100%.

    • ວັດຮົວຢານ ນະຄອນຊົງຊິງ ສະຫລອງພະທຳ ຢູ່ວັດອິນແປງ ວັດທະນະທຳ-ສັງຄົມ

      ວັດຮົວຢານ ນະຄອນຊົງຊິງ ສະຫລອງພະທຳ ຢູ່ວັດອິນແປງ

      1/9/2025 5:43:58 PM

      ຂປລ. ວັນທີ 7 ມັງກອນ 2025 ຜ່ານ​ມາ, ວັດຮົວຢານ ນະຄອນຊົງຊິງ ສປ ຈີນ ໄດ້ເປີດໂຮງທານເຂົ້າປຽກເຂົ້າ ໃນວັນສະຫລອງພະທຳ ຢູ່ວັດອິນແປງ ແລະ ໂຮງຮຽນຄົນພິການທາງການເບິ່ງເຫັນ ນະ ຄອນຫລວງວຽງຈັນ ສປປ ລາວ.

    • ປະເມີນຜົນ ແກ້ໄຂການສໍ້ໂກງທາງໂທລະຄົມ ຢູ່ເຂດເສດຖະກິດພິເສດ ສາມຫລ່ຽມຄໍາວັດທະນະທຳ-ສັງຄົມ

      ປະເມີນຜົນ ແກ້ໄຂການສໍ້ໂກງທາງໂທລະຄົມ ຢູ່ເຂດເສດຖະກິດພິເສດ ສາມຫລ່ຽມຄໍາ

      1/9/2025 5:22:38 PM

      ຂປລ. ກອງປະຊຸມປະເມີນຜົນ ການແກ້ໄຂການສໍ້ໂກງທາງໂທລະຄົມ (CallCenter) ຈັດຂື້ນໃນ ວັນທີ 7 ມັງກອນ 2025 ຜ່ານ​ມາ ຢູ່ເຂດເສດຖະກິດພິເສດ ສາມຫລ່ຽມຄໍາ ​ເມືອງ​ຕົ້ນ​ເຜິ້ງ ແຂວງບໍ່ແກ້ວ ໂດຍການເປັນປະທານຂອງ ທ່ານ ພົທ ຄໍາກິ່ງ ຜຸຍຫລ້າມະນີວົງ ຮອງລັດຖະມົນຕີ, ຫົວໜ້າກົມໃຫຍ່ຕໍາຫລວດ ກະຊວງ ປກສ, ມີ ທ່ານ ສະຖາບັນດິດ ອິນສີຊຽງໃໝ່ ຮອງລັດຖະ ມົນຕີກະຊວງແຜນການ ແລະ ການລົງທຶນ, ຫົວໜ້າຄະນະຊີ້ນໍາອົງການຄຸ້ມຄອງ-ບໍລິຫານ ເຂດເສດຖະກິດພິເສດສາມຫລ່ຽມຄໍາ, ທ່ານ ພົຕ ສາຍໃຈ ກົມມະສິດ ຮອງເຈົ້າແຂວງບໍ່ແກ້ວ

    • ປິດຊຸດອົບຮົມໄລຍະສັ້ນໃຫ້ ກອງພັນເຄື່ອນທີ່ໄວ ແລະ ໂຮງຮຽນ 303ວັດທະນະທຳ-ສັງຄົມ

      ປິດຊຸດອົບຮົມໄລຍະສັ້ນໃຫ້ ກອງພັນເຄື່ອນທີ່ໄວ ແລະ ໂຮງຮຽນ 303

      1/9/2025 10:52:52 AM

      ຂປລ. ພິທີປິດຊຸດອົບຮົມໄລຍະສັ້ນ ໃຫ້ກອງພັນເຄື່ອນທີ່ໄວ ແລະ ໂຮງຮຽນ 303 ຈັດຂຶ້ນໃນວັນທີ 8 ມັງກອນ 2025 ໂດຍການເປັນປະທານຂອງ ສະຫາຍ ພົນຈັດຕະວາ ບຸນຕຽນ ໄຊຍໍາວົງທັນ ຫົວໜ້າກົມ 49, ມີຄະນະກົມອ້ອມຂ້າງກະຊວງປ້ອງກັນປະເທດ, ຄະນະພັກ-ຄະນະບັນຊາ ກົມກອງຂຶ້ນກັບ, ຄະນະຊ່ຽວຊານ ຫວຽດນາມ ​ແລະ ພາກສ່ວນ​ກ່ຽວຂ້ອງ ເຂົ້າຮ່ວມ.

    • ສຳເລັດ ຍົກລະດັບຄວາມຮູ້ ການດຳເນີນ ລາຍການໂທລະພາບ-ຕັດຕໍ່ພາບແບບມືອາຊີບວັດທະນະທຳ-ສັງຄົມ

      ສຳເລັດ ຍົກລະດັບຄວາມຮູ້ ການດຳເນີນ ລາຍການໂທລະພາບ-ຕັດຕໍ່ພາບແບບມືອາຊີບ

      1/8/2025 4:20:35 PM

      ຂປລ. ພະນັກງານ-ລັດຖະກອນ ຂອງຄະນະເລຂາທິການ ສະພາປະຊາຊົນຂັ້ນແຂວງ ໃນຂອບເຂດທົ່ວປະເທດ ສຳເລັດການຍົກລະດັບຄວາມຮູ້ ການດຳເນີນລາຍການໂທລະພາບ ແລະ ການຕັດຕໍ່ພາບແບບມືອາຊີບ ໃນວັນທີ 7 ມັງກອນ 2025 ທີ່ເມືອງວັງວຽງ, ແຂວງວຽງຈັນ ພາຍໃຕ້ການເປັນປະທານຂອງ ທ່ານ ພິດສະໄໝ ບຸນວິໄລ ຫົວໜ້າກົມສື່ມວນຊົນສະພາແຫ່ງຊາດ ໂດຍທ່ານ ໄດ້ຕີລາຄາສູງ ແລະ ສະແດງຄວາມຊົມເຊີຍ ຕໍ່ບັນດາວິທະຍາກອນ ທີ່ໄດ້ເອົາໃຈໃສ່ໃນການກະກຽມບົດຮຽນ ເພື່ອແນະນໍາກ່ຽວກັບວຽກງານສື່ມວນຊົນ.


Top