KPL
ສປປ ລາວ-ມຽນມາ ຮ່ວມມືກັນເປີດສາຍການບິນລະຫວ່າງປະເທດ ເພື່ອສົ່ງເສີມການທ່ອງທ່ຽວ ແລະ ການໄປມາຫາສູ່ກັນຫລາຍຂຶ້ນກວ່າເກົ່າ.
*ສປປ ລາວ-ມຽນມາ ຮ່ວມມືກັນເປີດສາຍການບິນລະຫວ່າງປະເທດ ເພື່ອສົ່ງເສີມການທ່ອງທ່ຽວ ແລະ ການໄປມາຫາສູ່ກັນຫລາຍຂຶ້ນກວ່າເກົ່າ. ອາທິດຜ່ານມານີ້, ລາວ-ມຽນ ໄດ້ເປີດເສັ້ນທາງບິນໃໝ່ເຊື່ອມຕ ລະຫວ່າງ ນະຄອນຢາງກຸ້ງຫານະ ຄອນຫລວງວຽງຈັນ ແລະ ນະຄອນຫລວງວຽງຈັນ ຫານະຄອນຫລວງຢາງກຸ້ງ ປະເທດມຽນມາ; ເປັນກຽດເຂົ້າຮ່ວມຂອງ ທ່ານ ອອງໂກ (Aung Ko) ເອກອັກຄະລັດຖະທູດມຽນມາ ປະຈໍາລາວ, ມີການນໍາຈາກກົມການບິນພົນລະເຮືອນ ກະຊວງໂຍທາທິການ ແລະ ຂົນສົ່ງ, ພະນັກງານວິຊາການ, ຕົວແທນຈໍາໜ່າຍຂອງສາຍການບິນມຽນແອລາຍ ອິນເຕີເນເຊີນນໍ ແລະ ແຂກຖືກເຊີນເຂົ້າຮ່ວມ.
ເສັ້ນທາງບິນເຊື່ອມໂດຍກົງລະ ຫວ່າງສອງເມືອງໃຫຍ່ຂອງລາວ ແລະ ມຽນມາຈະໃຫ້ບໍລິການສອງ ຖ້ຽວ/ອາທິດ ຄື: ວັນອັງຄານ ແລະ ວັນພະຫັດ ດ້ວຍເຮືອບິນຂະໜາດໃຫຍ່ ແອບັສ A319, 320 ແລະ ເຮືອບິນ ເອັມເບຣເອີ້ E190 ທີ່ສາມາດຮອງຮັບຜູ້ໂດຍສານໄດ້ຫລາຍກວ່າຮ້ອຍຄົນ, ນີ້ຖືເປັນຖ້ຽວບິນທຳອິດທີ່ເຊື່ອມຕໍ່ລະຫວ່າງສອງປະເທດລາວ ແລະ ມຽນມາ, ເປັນຂີດໝາຍສຳຄັນໃຫ້ແກ່ສາຍພົວພັນອັນດີ ລະຫວ່າງສອງປະເທດທີ່ມີມາແຕ່ຍາວນານ. ທ່ານທູດມຽນມາ ປະຈໍາລາວ ເຊື່ອໝັ້ນວ່າ: ເສັ້ນທາງບິນດັ່ງກ່າວຈະເປັນຂົວຕໍ່ໃນການຊຸກຍູ້ສາຍພົວພັນການຄ້າ, ການລົງທຶນ, ການ ທ່ອງທ່ຽວ ແລະ ການພົວພັນລະ ຫວ່າງປະຊາຊົນສອງປະເທດ.
ການເປີດຖ້ຽວບິນກົງລະຫວ່າງ ນະຄອນຢາງກຸ້ງ ຫານະຄອນຫລວງ ວຽງຈັນ ແລະ ນະຄອນຫລວງວຽງ ຈັນ ຫາ ນະຄອນຢາງກຸ້ງ ຄັ້ງນີ້, ເປັນ ໂອກາດດີເພື່ອໃຫ້ບັນດາວິສາຫະ ກິດພາຍໃນທ້ອງຖິ່ນ ແລະ ນັກທ່ອງ ທ່ຽວໄດ້ໄປມາຫາສູ່ກັນ, ທັງເປັນ ການຂະຫຍາຍ ແລະ ພັດທະນາການທ່ອງທ່ຽວ, ວັດທະນະທຳ, ປະເພນີ ແລະ ວິຖີຊີວິດຂອງປະຊາຊົນສອງຊາດທີ່ເປັນທ່າແຮງອັນບົ່ມຊ້ອນ ໃນການພັດທະນາເສດຖະກິດ-ສັງຄົມ, ເປັນປະຕູເຊື່ອມຈອດພາຍໃນອາຊຽນ ແລະ ພາກພື້ນສາກົນ.
ໂດຍ: ເກີດຂວັນໃຈ ມາລີຈັນສີ
KPL
