KPL
ໃນວັນທີ 12 ສິງຫາ 2026 ນີ້, ສະຫາຍ ເຈີ່ນ ເກີມ ຕູ໊ ກໍາມະການກົມການເມືອງສູນກາງພັກ, ຜູ້ປະຈໍາການຄະນະເລຂາທິ ການສູນກາງພັກກອມມູນິດຫວຽດ ນາມ ພ້ອມດ້ວຍຄະນະໄດ້ເຂົ້າ ວາງພວງມາລາ ແລະ ເຊັນປຶ້ມໄວ້ ອາໄລຕໍ່ການຈາກໄປຂອງສະຫາຍ ໄຊສົມພອນ ພົມວິຫານ ກຳມະ ການກົມການເມືອງສູນກາງພັກປະຊາຊົນປະຕິວັດລາວ, ປະທານ ສະພາແຫ່ງຊາດ ແຫ່ງ ສປປ ລາວ, ທີ່ໄດ້ເຖິງແກ່ມໍລະນະກຳໃນວັນທີ 8 ສິງຫາ 2026 ຜ່ານມາ.
ສະຫາຍ ເຈີ່ນ ເກີມ ຕູ໊ ພ້ອມ
ດ້ວຍຄະນະໄດ້ຮ່ວມວາງພວງມາລາ ແລະ ເຊັນປຶ້ມໄວ້ອາໄລ ເພື່ອລະນຶກເຖິງຄຸນງາມຄວາມດີ, ຜົນງານ
ແລະ ການອຸທິດເຫື່ອແຮງຂອງ
ສະຫາຍ ໄຊສົມພອນ ພົມວິຫານ ຕໍພາລະກິດຂອງພັກ, ລັດ ແລະ ປະ
ເທດຊາດ, ທັງເປັນການສະແດງ
ເຖິງນ້ຳໃຈອາໄລອາວອນ, ຄວາມ
ເຄົາລົບ ແລະ ຄວາມຜູກພັນອັນ
ແໜ້ນແຟ້ນຂອງພັກ, ລັດ ແລະ ປະຊາຊົນຫວຽດນາມ ທີ່ມີຕໍ່ພັກ, ລັດ
ແລະ ປະຊາຊົນລາວຕໍ່ການຈາກໄປ
ຂອງຜູ້ນຳທີ່ສຳຄັນຂອງ ສປປ ລາວ.
ສະຫາຍ ໄຊສົມພອນ ພົມວິຫານ
ເປັນຜູ້ນຳທີ່ມີບົດບາດສຳຄັນໃນ
ພາລະກິດການນຳພາຂອງພັກ ແລະ
ລັດ ໂດຍສະເພາະໃນຖານະກຳມະ
ການກົມການເມືອງສູນກາງພັກ
ແລະ ປະທານສະພາແຫ່ງຊາດ.
ຕະຫລອດໄລຍະການດຳລົງຕຳແໜ່ງ, ສະຫາຍໄດ້ອຸທິດກຳລັງ
ແຮງ ແລະ ສະຕິປັນຍາເຂົ້າໃນ
ການປະຕິບັດພາລະໜ້າທີ່ຢ່າງມີຜົນ
ສຳເລັດ ແລະ ເປັນຮູບປະທຳ.
ສຳລັບພິທີສົ່ງສະການຢ່າງເປັນທາງການຈະໄດ້ຈັດຂຶ້ນໃນຕອນ
ບ່າຍວັນທີ 12 ສິງຫາ 2026 ຢູ່
ສະໜາມຫລວງ ນະຄອນຫລວງ
ວຽງຈັນ.
ຂ່າວ: ທະນູທອງ
ພາບ: ຂັນໄຊ, ເກດສະໜາ
KPL
