KPL
ສະຖານທູດຈີນ ປະຈຳມຽນມາ ໄດ້ແຈ້ງຂ່າວວ່າ: ມີພົນລະເມືອງຈີນ ຫລາຍຄົນ ໄດ້ຂໍຄວາມຊ່ວຍເຫລືອ ຍ້ອນຕົນ ໄດ້ປະສົບການຫລອກລວງ “ຮັບສະໝັກ ດ້ວຍເງິນເດືອນສູງ ຈາກຕ່າງປະເທດ” ຜ່ານທາງສື່ ສັງຄົມອອນລາຍ, ຖືກຫລອກລວງ ລັກຂ້າມຊາຍແດນ ໄປເຂດ ເມຍວາດີ ຂອງມຽນມາ ດຳເນີນການ ຫລອກລວງ ຜ່ານທາງເຄືອຂ່າຍ ໂທລະຄົມ.
ຂປລ.ວິທະຍຸ ສາກົນ ແຫ່ງ ສປ ຈີນ,ເມື່ອບໍ່ດົນມານີ້, ສະຖານທູດຈີນ ປະຈຳມຽນມາ ໄດ້ແຈ້ງຂ່າວວ່າ: ມີພົນລະເມືອງຈີນ ຫລາຍຄົນ ໄດ້ຂໍຄວາມຊ່ວຍເຫລືອ ຍ້ອນຕົນ ໄດ້ປະສົບການຫລອກລວງ “ຮັບສະໝັກ ດ້ວຍເງິນເດືອນສູງ ຈາກຕ່າງປະເທດ” ຜ່ານທາງສື່ ສັງຄົມອອນລາຍ, ຖືກຫລອກລວງ ລັກຂ້າມຊາຍແດນ ໄປເຂດ ເມຍວາດີ ຂອງມຽນມາ ດຳເນີນການ ຫລອກລວງ ຜ່ານທາງເຄືອຂ່າຍ ໂທລະຄົມ. ດັ່ງນັ້ນ ທາງສະຖານທູດ ແລະ ສະຖານກົງສຸນຈີນ ປະຈຳ ມຽນມາ ກ່າວເຕືອນ ອີກເທື່ອໜຶ່ງ ໃຫ້ພົນລະເມືອງຈີນ ອັນໄພສານ ຕ້ອງລະມັດລະວັງ ຕໍ່ການຫລອກລວງ ຜ່ານທາງເຄືອຂ່າຍ ໂທລະຄົມ, ຍົກສູງສະຕິ ແລະ ຄວາມສາມາດ ຕ້ານການຫລອກລວງ ແລະ ຈຳແນກການ ຫລອກລວງ, ຢ່າເຊື່ອຂ່າວອັນທີ່ວ່າ “ຮັບສະໝັກ ດ້ວຍເງິນເດືອນສູງ ຈາກຕ່າງປະເທດ” ຢ່າງງ່າຍດາຍ, ຫລີກເວັ້ນ ບໍ່ໃຫ້ຕົນຕົກຢູ່ໃນຈັ່ນຈັບ ການຫລອກລວງຜ່ານທາງເຄືອຂ່າຍໂທລະຄົມ ແລະ ເຮັດໃຫ້ຄວາມປອດໄພ ດ້ານຊີິວິດ ແລະ ຊັບສິນ ຖືກທຳລາຍ. ຖ້າວ່າ ໄດ້ປະສົບ ການຫລອກລວງ, ເຊີນແຈ້ງຕໍ່ ເຈົ້າໜ້າທີ່ ຕຳຫລວດໂດຍໄວ ແລະ ຂໍຄວາມຊ່ວຍເຫລືອ ຈາກສະຖານທູດ ແລະ ສະຖານ ກົງສຸນຈີນ ປະຈຳ ມຽນມາ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
