KPL
ຂປລ. ບໍລິສັດ ລາວໂທລະຄົມມະນາຄົມ ມະຫາຊົນ ເປີດໃຫ້ບໍລິການ 5G ຈຳນວນ 10 ຈຸດ ຢູ່ນະຄອນນະຄອນປາກເຊ ແຂວງຈຳປາສັກ ຢ່າງເປັນທາງການ ໃນວັນທີ 23 ທັນວາ 2024 ໂດຍມີ ທ່ານ ອາລຸນໄຊ ສູນນະລາດ ເຈົ້າແຂວງຈໍາປາສັກ, ທ່ານ ສັນຕິສຸກ ສິມມາລາວົງ ຮອງລັດຖະມົນຕີກະ ຊວງເຕັກໂນໂລຊີ ເເລະ ການສື່ສານ, ທ່ານ ສຸພົນ ຈັນທະວີໄຊ ຜູ້ອຳນວຍການໃຫຍ່ບໍລິສັດ ລາວໂທລະຄົມມະນາຄົມ ມະຫາຊົນ ພ້ອມດ້ວຍຄະນະຜູ້ບໍລິຫານ-ພະນັກງານ ບໍລິສັດໃນເຄືອ, ຮ້ານຕົວແທນຈໍາໜ່າຍ ແລະ ຄູ່ຮ່ວມທຸລະກິດ ເຂົ້າຮ່ວມ.
ຂປລ. ບໍລິສັດ ລາວໂທລະຄົມມະນາຄົມ ມະຫາຊົນ ເປີດໃຫ້ບໍລິການ 5G ຈຳນວນ 10 ຈຸດ ຢູ່ນະຄອນນະຄອນປາກເຊ ແຂວງຈຳປາສັກ ຢ່າງເປັນທາງການ ໃນວັນທີ 23 ທັນວາ 2024 ໂດຍມີ ທ່ານ ອາລຸນໄຊ ສູນນະລາດ ເຈົ້າແຂວງຈໍາປາສັກ, ທ່ານ ສັນຕິສຸກ ສິມມາລາວົງ ຮອງລັດຖະມົນຕີກະ ຊວງເຕັກໂນໂລຊີ ເເລະ ການສື່ສານ, ທ່ານ ສຸພົນ ຈັນທະວີໄຊ ຜູ້ອຳນວຍການໃຫຍ່ບໍລິສັດ ລາວໂທລະຄົມມະນາຄົມ ມະຫາຊົນ ພ້ອມດ້ວຍຄະນະຜູ້ບໍລິຫານ-ພະນັກງານ ບໍລິສັດໃນເຄືອ, ຮ້ານຕົວແທນຈໍາໜ່າຍ ແລະ ຄູ່ຮ່ວມທຸລະກິດ ເຂົ້າຮ່ວມ.
ບໍລິສັດ ລາວໂທລະຄົມມະນາຄົມ ມະຫາຊົນ ເປັນເຄືອຂ່າຍທຳອິດ ໃນ ສປປ ລາວ ທີ່ນໍາເຕັກໂນໂລຊີ 5G ເຂົ້າມາໃຫ້ບໍລິການສັງຄົມ ເຊິ່ງປັດຈຸບັນ ລາວໂທລະຄົມ ໄດ້ນໍາໃຊ້ບໍລິການລະບົບ 5G ຢູ່ນະຄອນຫລວງວຽງຈັນ, ເເຂວງບໍ່ເເກ້ວ, ຫລວງພະບາງ, ສະຫວັນນະເຂດ ແລະ ແຂວງຈໍາປາສັກ ໂດຍກວມເອົາຂົງເຂດຕົວເມືອງ, ສະຖານທີ່ສໍາຄັນ, ແຫລ່ງທ່ອງທ່ຽວຕ່າງໆ ແລະ ມີແຜນຂະຫຍາຍໄປໃນທົ່ວປະເທດ. ເຕັກໂນໂລຊີ 5G ແມ່ນເຕັກໂນໂລຊີທີ່ທັນສະໄໝ ນໍາຄວາມກ້າວໜ້າມາສູ່ສັງຄົມ ແລະ ນຳໃຊ້ຢ່າງກວ້າງຂວາງໃນທົ່ວໂລກ ເຊັ່ນ: ທາງດ້ານທຸລະກິດ online, E-commerce, ນໍາໃຊ້ປັນຍາປະດິດ AI, IoT, Robotic ເຂົ້າໃນຫລາຍ ຂົງເຂດອຸດສາຫະກໍາ, ກະສິກໍາ, ວຽກສາທາລະນະສຸກ ເຊິ່ງລ້ວນແລ້ວແຕ່ເປັນ ການສ້າງເງື່ອນໄຂໃຫ້ສັງຄົມ ແລະ ຜູ້ຊົມໃຊ້ ໄດ້ມີວິຖີຊີວິດນັບມື້ນັບສະດວກສະ ບາຍຂຶ້ນ ດ້ວຍຄວາມວ່ອງໄວ, ມີຄວາມປອດໄພສູງ ແລະ ສອດຄ່ອງໃນການຈັດຕັ້ງຜັນຂະຫຍາຍແນວ ທາງຂອງພັກ, ນະໂຍບາຍຂອງລັດ ກໍຄື ວຽກງານຂອງ ກະຊວງເຕັກໂນໂລຊີ ເເລະ ການສື່ສານ ໃນການຫັນເປັນດີຈິຕອນ ຂອງ ສປປ ລາວ ຕາມ 3 ເສົາຄໍ້າ ຂອງລັດຖະບານ ຄື: ລັດຖະບານດີຈິຕອນ, ສັງຄົມດີຈິຕອນ ແລະ ເສດຖະກິດດີຈິຕອນ, ລາວໂທລະຄົມ ເປັນສ່ວນໜຶ່ງໃນການນຳເອົາເຕັກໂນໂລຊີໃໝ່ໆ ເຂົ້າມານຳໃຊ້ ເພື່ອຮອງຮັບກັບຄວາມຕ້ອງການ ຂອງສັງຄົມ ພ້ອມທັງຮັບປະກັນ ຄຸນນະພາບການໃຫ້ບໍລິ ການ ເພື່ອສະໜັບສະໜູນວຽກງານ ແຜນຍຸດທະສາດການສ້າງສາ ແລະ ພັດທະນາປະເທດຊາດ.
ພ້ອມນີ້, ລາວໂທລະຄົມ ຍັງສືບຕໍ່ມຸ່ງໝັ້ນໃນການພັດທະນາ ນໍາເອົາເຕັກໂນໂລຊີ ແລະ ນະວັດ ຕະກໍາໃໝ່ໆ ເຂົ້າມາຮັບໃຊ້ສັງຄົມລາວ ເພື່ອເປັນການປະກອບສ່ວນໃນການ ສ້າງສາພັດທະນາປະເທດຊາດ ໃຫ້ມີຄວາມຮຸ່ງເຮືອງສີວິໄລ, ທັນສະໄໝ ໃນຍຸກດີຈິຕອນ, ພ້ອມທັງຢູ່ຄຽງຂ້າງກັບສັງຄົມລາວ ດັ່ງຄໍາຂວັນທີ່ວ່າ: ລາວໂທລະຄົມ ໂທລະຄົມຂອງຄົນລາວ ເພື່ອສັງຄົມລາວ (We are Family).
ພາຍໃນງານດັ່ງກ່າວ, ໄດ້ເປີດໃຫ້ບໍລິການ ແພັກເກັດ ດາຕ້າ 5G ສຸດພິເສດ ໃຫ້ແຂກທີ່ເຂົ້າຮ່ວມງານ ແລະ ລູກຄ້ານໍາໃຊ້ບໍລິການ 5G ທົດລອງນໍາໃຊ້ຟຣີ, ພ້ອມທັງ ຈັດຮ້ານວາງສະແດງ ຂອງກຸ່ມບໍລິສັດ ລາວໂທລະຄົມມະນາຄົມ ມະຫາຊົນ, ຄູ່ຮ່ວມທຸລະກິດ, ຕົວແທນຈໍາໜ່າຍ ແລະ ໄດ້ມີກິດຈະກໍາຫລາກຫລາຍ ໃນການສາທິດ ການນໍາໃຊ້ເຕັກໂນໂລຊີ 5G ເປັນຕົ້ນ ເຕັກໂນໂລຊີສໍາຫລວດພື້ນທີ່ ໂດຍນໍາໃຊ້ Drone, iFarm solutions, Virtual Reality (ທ່ອງທ່ຽວ, ເກມ), M-Money X, My TPlus, Smart Rewards, ການທົດລອງນໍາໃຊ້ອິນເຕີເນັດຄວາມໄວສູງ 5G ແລະ ອີກຫລາຍບໍລິການ ທີ່ໄດ້ມີການວາງສະແດງພາຍໃນງານ.
ຂ່າວ-ພາບ: ລາວໂທລະຄົມ
KPL
