KPL
ທ່ານ ຫວາງຢີ້ ກຳມະການກົມການເມືອງສູນກາງພັກກອມມູນິດຈີນ ລັດຖະມົນຕີກະຊວງການຕ່າງປະເທດຈີນ ໄດ້ຊີ້ແຈງຫລັກໝັ້ນ ຕາມຫລັກການຂອງ ສປ ຈີນ ກ່ຽວກັບ ບັນຫາທະເລຈີນໃຕ້ ໃນກອງປະຊຸມລັດຖະມົນຕີ ຕ່າງປະເທດຈີນ-ອາຊຽນ, ໂດຍກ່າວວ່າ ຄວນໃຫ້ສັນຕິພາບ, ສະຖຽນລະພາບ, ການຮ່ວມມື ແລະ ມິດຕະພາບກາຍ ເປັນສະພາບຫລັກ ຢູ່ທະເລຈີນໃຕ້.
ຂປລ.ວິທະຍຸ-ໂທລະພາບ ສູນກາງຈີນ, ທ່ານ ຫວາງຢີ້ ກຳມະການກົມການເມືອງສູນກາງພັກກອມມູນິດຈີນ ລັດຖະມົນຕີກະຊວງການຕ່າງປະເທດຈີນ ໄດ້ຊີ້ແຈງຫລັກໝັ້ນ ຕາມຫລັກການຂອງ ສປ ຈີນ ກ່ຽວກັບ ບັນຫາທະເລຈີນໃຕ້ ໃນກອງປະຊຸມລັດຖະມົນຕີ ຕ່າງປະເທດຈີນ-ອາຊຽນ, ໂດຍກ່າວວ່າ ຄວນໃຫ້ສັນຕິພາບ, ສະຖຽນລະພາບ, ການຮ່ວມມື ແລະ ມິດຕະພາບກາຍ ເປັນສະພາບຫລັກ ຢູ່ທະເລຈີນໃຕ້.
ຜົນການສຳຫລວດ ຄວາມເຫັນ ທີ່ດຳເນີນໂດຍ ໂທລະພາບສາກົນຈີນ ຫລື CGTN ຂອງວິທະຍຸໂທລະພາບ ສູນກາງຈີນ ຫລື CMG ຕໍ່ຜູ້ຕອບແບບສອບຖາມ 2.664 ຄົນໃນ 6 ປະເທດຄື: ອິນໂດເນເຊຍ, ມາເລເຊຍ, ໄທ, ສສ ຫວຽດນາມ, ຟິລິບປິນ ແລະ ສິງກະໂປ ໃນໄລຍະເດືອນມິຖຸນາ ຫາເດືອນກໍລະກົດປີນີ້ ສະແດງໃຫ້ເຫັນວ່າ: ການແຊກແຊງ ຂອງປະເທດໃຫຍ່ ນອກພາກພື້ນເຂົ້າໃນຄວາມຂັດແຍ້ງ ກ່ຽວກັບທະເລຈີນໃຕ້ ຖືກເບິ່ງວ່າເປັນມືມືດສຳຄັນທີ່ຢູ່ເບື້ອງຫັງສະພາບຄວາມເຄັ່ງຕຶງ ຢູ່ທະເລຈີນໃຕ້, ໃນຂະນະທີ່ ການແກ້ໄຂຄວາມຂັດແຍ້ງຢູ່ທະເລຈີນໃຕ້ ດ້ວຍສັນຕິເວທີ ແລະ ເປັນເຈົ້າຕົນເອງ ໄດ້ກາຍເປັນຄວາມເຫັນ ທີ່ເປັນເອກະພາບກັນ ໂດຍທົ່ວໄປ ຂອງຜູ້ຕອບ ແບບສອບຖາມ. ໃນນັ້ນ, 84,6% ຂອງຜູ້ຕອບແບບ ສອບຖາມເຫັນວ່າ ບັນຫາທະເລຈີນໃຕ້ ຄວນໄດ້ຮັບການແກ້ໄຂໂດຍອີງໃສ່ກົດໝາຍສາກົນ, ຜ່ານການສົນທະນາ ແລະ ການປຶກສາຫາລືໂດຍສັນຕິ; 64,3% ເຫັນວ່າການແຊກແຊງຈາກປະເທດໃຫຍ່ນອກພາກພື້ນເຮັດໃຫ້ບາງປະເທດທີ່ຮຽກຮ້ອງສິດ ທິກ່ຽວຂ້ອງອາໄສ ການສະໜັບສະໜູນ ຈາກພາຍນອກແທນ ທີ່ຈະອາໄສ ການສົນທະນາ ໃນພາກພື້ນ, ເຮັດໃຫ້ຄວາມສາມາດ ໃນການແກ້ໄຂ ຄວາມຂັດແຍ້ງ ດ້ວຍຕົນເອງ ຂອງພາກພື້ນຫລຸດລົງ ຕື່ມອີກ; 74,4% ເຫັນວ່າ ການແຊກແຊງ ຢ່າງຕໍ່ເນື່ອງ ຈາກປະເທດໃຫຍ່ ນອກພາກພື້ນ ຈະເຮັດໃຫ້ສະພາບຄວາມເຄັ່ງຕຶງ ໃນພາກພື້ນຮຸນແຮງຂຶ້ນ, ເຊິ່ງຈະເປັນໄພຂົ່ມຂູ່ການຄ້າ ແລະ ຄວາມໝັ້ນຄົງ ດ້ານພະລັງງານຂອງໂລກ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
