ຂປລ.ຕາມ​ຂ່າວ​ຈາກ VOVWORLD,ເວທີປາໄສ ອາຊຽນ-ຍີ່ປຸ່ນ ຂັ້ນເຈົ້າໜ້າທີ່ ອາວຸໂສ (SOM) ປະຈຳປີຄັ້ງທີ 37 ໄດ້ຈັດຂຶ້ນ ແບບທາງໄກ ໃນວັນທີ 20 ມິຖຸນາ 2022. ທ່ານ ຫວູ ໂຮ່, ເອກອັກ ຄະລັດຖະທູດ, ຜູ້ຮັກສາ ການຫົວໜ້າ SOM ASEAN ຫວຽດນາມ ພ້ອມກັບ ຫົວໜ້າ SOM ບັນດາປະເທດ ອາຊຽນ ແລະ ຍີ່ປຸ່ນ ເຂົ້າຮ່ວມ ​ເພື່ອ​ຊຸກຍູ້ ການຮ່ວມມື ເສດຖະກິດ-ການຄ້າ-ການລົງທຶນ ຍາມໃດກໍ່ ແມ່ນເສົາຄ້ຳຕົ້ນຕໍ ໃນການພົວພັນ ຄູ່ຮ່ວມມື ອາຊຽນ - ຍີ່ປຸ່ນ ແລະ ຖືວ່າ ໃນໄລຍະ ຈະມາເຖິງ, ອາຊຽນ ແລະ ຍີ່ປຸ່ນ ຕ້ອງຕັ້ງໜ້າ ໜູນຊ່ວຍກັນ ຜັນຂະຫຍາຍ ປະສິດທິຜົນ ບັນດາ ໂຄງການຮ່ວມມື, ຂໍ້ລິເລີ່ມຟື້ນຟູ; ພ້ອມທັງ ສືບຕໍ່ສົມທົບນະໂຍບາຍ ເພື່ອແນໃສ່ ຍູ້ແຮງ ການແລກ ປ່ຽນການຄ້າ, ການລົງທຶນ, ສ້າງຄວາມເຂັ້ມແຂງ ດ້ວຍຕົນເອງ ໃນການສະໜອງ, ຊຸກຍູ້ການຄ້າ ຫລາຍຝ່າຍ ແລະ ຮ່ວມສຳພັນ ເສດຖະກິດ ພາກພື້ນ ຜ່ານການ ຜັນຂະຫຍາຍ ປະສິດທິຜົນ ຂອງຂໍ້ຕົກລົງ ດ້ານເສດຖະກິດ-ການຄ້າ ຫລາຍຝ່າຍ. ໃນນັ້ນມີ ອະນຸພາກພື້ນ ແມ່ນ້ຳຂອງ ຜ່ານຂອບເຂດ ການຮ່ວມມື ແມ່ຂອງ-ຍີ່ປຸ່ນ ​ແລະ ຮັບປະກັນ ສັນຕິ ພາບ, ຄວາມໝັ້ນຄົງ ແລະ ສະຖຽນລະພາບ ຢູ່ພາກພື້ນ./. (ພາກ​ຂ່າວ: ຕ່າງປະ​ເທດ)

ຮຽບຮຽງ​ຂ່າວ​ໂດຍ: ສະ​ໄຫວ ລາດ​ປາກ​ດີ

ເນື້ອໃນ: ຂປລ