ຂປລ.ຕາມ​ຂ່າວ​ຈາກ ​ລອນ​ດອນ,ວັນ​ທີ22​ມິຖຸນາ​ນີ້, ລາຄາ​ ອາຫານ ທີ່​ສູງ​ຂຶ້ນ ​ເຮັດ​ໃຫ້​ ອັດຕາ ​ເງິນ​ເຟີ້​ ຂອງ​ອັງກິດ ​ໃນ​ເດືອນ​ພຶດສະພາ ​ເຮັດ​ສະຖິຕິ​ ສູງ​ສຸດ ​ໃນ​ຮອບ40​ປີ ຄັ້ງ​ໃໝ່ 9,1% ​ແລະ ສູງ​ທີ່​ສຸດ​ ໃນ​ກຸ່ມ​ປະ​ເທດ ອຸດສາຫະກຳ ​​ແຖວ​ໜ້າ 7ປະ​ເທດ (G7) ຫລັງ​ຈາກ ດັດຊະນີ ​ຜູ້​ບໍລິ​ໂພ​ກ ​ເພີ່ມ​ຂຶ້ນ 0,7ຕໍ່​ເດືອນ.ຂະນະ​ທີ່ ທະນາຄານ​ກາງ ອັງກິດ ​ເປີດ​ເຜີຍ ອັດຕາ​ ເງິນ​ເຟີ້ ຈະ​ສູງ​ກວ່າ9% ຕໍ່​ໄປ​ອີກ​ ຫລາຍ​ເດືອນ ​ແລະ ຈະ​ໄປ​ສູງ​ສຸດ ​ເຖິງ11% ​ໃນ​ເດືອນ​ຕຸລາ ​ເມື່ອ​ຄ່າ​ນ້ຳມັນ ​ເຊື້ອ​ໄຟ ທີ່​ຖືກ​ ຄວບ​ຄຸມ​ໄວ້ ຕ້ອງ​ຂຶ້ນ​ລາຄາ ​ອີກ​ຄັ້ງ.ປັດຈຸ​ບັນ ລັດຖະບານ​ ອັງກິດ ພວມ​ເລັ່ງ​ ແກ້​ໄຂ ບັນຫາ​ ລາຄາ ​ສິນຄ້າ ​ແລະ ການ​ບໍລິການ ​ປັບ​ໂຕ​ ສູງ​ຂຶ້ນ ​ຢ່າງ​ຕໍ່​ເນື່ອງ./. (ພາກ​ຂ່າວ: ຕ່າງປະ​ເທດ)

ຮຽບຮຽງ​ຂ່າວ​ໂດຍ: ສະ​ໄຫວ ລາດ​ປາກ​ດີ

ເນື້ອໃນ: ຂປລ