ຂປລ.ວັນ​ທີ25 ພຶດສະພາ​ນີ້,ບໍລິສັດ ​ໄຟ​ເຊີ ປະກາດ ​ຂາຍ​ວັກ​ຊິນ​ ປ້ອງ​ກັນ ​ໂຄ​ວິດ-19 ​ໃນ​ລາຄາ​ຖືກ ​ໃຫ້​ກັບ ປະ​ເທດ​ ທຸກ​ຍາກ ຫລັງ​ຈາກ ​ໄຟ​ເຊີ ມີ​ແຜນ ​ຂາຍ​ຢາ ຈົດ​ສິດທິ​ບັດ ​ແລະ ວັກ​ຊິນ 23 ຊະນິດ ທັງ​ຢາ​ ປິ່ນປົວ​ ພະຍາດ​ ມະ​ເຮັງ ບາງ​ຊະນິດ,ປອດ​ອັກ​ເສບ ​ແລະ ຫາ​ຢາ​ ໃຫ້​ປະ​ເທດ ທຸກ​ຍາກ ​ໃນ​ລາຄາ​ ຕົ້ນທຶນ​ ເຊັ່ນ: ຢາ​ແພັກ​ໂລ​ວິດ ປິ່ນປົວ​ ພະຍາດ ໂຄ​ວິດ-19,ຢາ​ປິ່ນປົວ ​ພະຍາດ ມະ​ເຮັງ Ibrance,ວັກ​ຊິນ​ ປ້ອງ​ກັນ ພະຍາດ ​ປອດ​ອັກ​ເສບ Prevnar 13,ຢາປິ່ນປົວ ໂລກຂໍ້ ອັກເສບ Xeljanz,ຢາ​ປິ່ນປົວ​ ພະຍາດ ມະ​ເຮັງ Xalkori ​ແລະ Inlyta,ວັກ​ຊິນ​ ປ້ອງ​ກັນ​ໂຄ​ວິດ-19 Comirnaty ທີ່​ພັດທະນາ​ກັບ​ ໄບອອນ​ເທັກ ຕາມ​ໂຄງການ ຂໍ້​ຕົກລົງ ​ເພື່ອ​ໂລກ ​ທີ່​ສຸຂະພາບ​ດີ​ຂຶ້ນ ກວມ​ເອົາ 27ປະ​ເທດ ລາຍ​ໄດ້​ຕ່ຳ ​ແລະ 18ປະ​ເທດ ລາຍ​ໄດ້​ ຂ້ອນ​ຂ້າງ​ຕ່ຳ ສ່ວນ​ໃຫຍ່​ ຂອງ​ອາ​ຟຣິກາ ​ແລະ ອາຊີ​ ຕາ​ເວັນ​ອອກ ​ສ່ຽງ​ໃຕ້ ​ໂດຍ​ມີ Rwanda, Ghana, Malawi, Senegal ແລະ Uganda ໄດ້ເຂົ້າຮ່ວມ ໂຄງການແລ້ວ./. (ພາກ​ຂ່າວ: ຕ່າງປະ​ເທດ)

ຮຽບຮຽງ​ຂ່າວ​ໂດຍ: ສະ​ໄຫວ ລາດ​ປາກ​ດີ

ເນື້ອໃນ: ຂປລ