ຂປລ.ຕາມ​ຂ່າວ​ຈາກ ​ເຕ​ເຮ​ຣັງ,ວັນ​ທີ24 ​ພຶດສະພາ​ນີ້,ອີຣານ ​ເລັ່ງ​ໃຫ້ການ​ ຊ່ວຍ​ເຫລືອ​ ຜູ້​ເຄາະ​ຮ້າຍ ຈາກ​ອາຄານ​ສູງ 10ຊັ້ນ ພັງ​ຖະຫລົ່ມ ບາງ​ສ່ວນ ຈົນ​​ເຮັດ​ໃຫ້​ ມີ​ຜູ້​ເສຍ​ຊີວິດ ຢ່າງ​ໜ້ອຍ 11ຄົນ ​ແລະ ຍັງ​ມີ ​ຜູ້​ຕິດ ​ໃຕ້​ຊາກ ​ອາຄານ​ອີກ​ ປະມານ 50ຄົນ ຊຶ່ງ​ເປັນ​ ອາຄານ​ ການ​ຄ້າ ​ແລະ ທີ່​ພັກ​ອາ​ໄສ​ ຂອງ​ປະຊາຊົນ​ ທົ່ວ​ໄປ.ນອກ​ນີ້ ຍັງ​ສັ່ງ​ຍົກ ຍ້າຍ ​ປະຊາຊົນ ອອກ​ຈາກ​ ອາຄານ​ ທັງ​ໝົດ ​ເພື່ອ​ຄວາມ ​ປອດ​ໄພ.ຂະນະ​ນີ້ີ້ ​ໄອ​ຍະ​ການ ທ້ອງ​ຖິ່ນ ຂອງ​ອີຣານ ສັ່ງ​ຄວບ​ຄຸມ​ຕົວ ​ເຈົ້າ​ຄອງ ​ນະ​ຄອນ ​ອາ​ບາ​ດານ ທາງ​ຕາ​ເວັນ​ຕົກ ສ່ຽງ​ໃຕ້​ ຂອງ​ອີຣານ ​ແລະ ຜູ້ກ່ຽວ​ຂ້ອງ ​ອີກ 9ຄົນ ​ເພື່ອ​ສອບ​ສວນ ​ຫາ​ສາ​ເຫດ ທີ່​ເກີດ​ ອາຄານ​ ຖະຫລົ່ມ ​ໃນ​ຄັ້ງນີ້​ແລ້ວ./. (ພາກ​ຂ່າວ: ຕ່າງປະ​ເທດ)

ຮຽບຮຽງ​ຂ່າວ​ໂດຍ: ສະ​ໄຫວ ລາດ​ປາກ​ດີ

ເນື້ອໃນ: ຂປລ