ຂປລ.ຕາມ​ຂ່າວ​ຈາກ ​ຫວຽດນາມ,ວັນ​ທີ13 ​ພຶດສະພາ​ນີ້,ທ່ານ Francois Penchaud, ຜູ້ຕາງໜ້າ​ ກອງ​ທຶນ ​ເງິນຕາ ​ສາກົນ (IMF) ປະຈຳ ຫວຽດນາມ ລາຍ​ງານ ​ຕົວ​ເລກ ຄາດ​ການ ລວມຍອດ ​ຜະລິດ​ ຕະພັນ ​ພາຍ​ໃນ​ ປະ​ເທດ (GDP) ຂອງຫວຽດນາມ ຈະ​ຂະຫຍາຍຕົວ 6%​ໃນ​ປີ​ນີ້ ພາຍຫລັງ ​ຈັດ​ກອງ​ປະຊຸມ ວ່າ​ດ້ວຍ​ ການ​ຄາດ​ການ ​ເສດຖະກິດ ​ຫວຽດນາມ ​ປີ2022-2023 ລະບຸ​ວ່າ ອັດຕາ​ເງິນ​ເຟີ້ ຂອງ​ຫວຽດນາມ​ປີ​ນີ້ ມີ​ທ່າ​ອ່ຽງ​ເພີ່ມ​ຂຶ້ນ ​ແຕ່​ຍັງ​ຕ່ຳ​ກວ່າ​ເພດານ ທີ່​ກຳນົດ​ ໂດຍ​ທະນາຄານ ​​ແຫ່ງ​ລັດ ຫວຽດ ນາມ(SBV) ຫລື ທະນາຄານ​ກາງ ລະດັບ4%.ຂະນະ​ທີ່ ຫວຽດນາມ ​ໄດ້​ອອກ​ນະ​ໂຍບາຍ ການ​ເງິນ ​ແລະ ​ເສດຖະກິດ ມະຫາ​ພາກ ​ເພື່ອ​ສະໜັບ ສະໜູນ ​ຄົວ​ເຮືອນ ​ແລະ ທຸລະ​ກິດ ທີ່​ໄດ້​ຮັບ ​ຜົນ​ກະທົບ ຈາກ​ໂຄ​ວິດ-19 ​ແຕ່​ການ​ຟື້ນ​ໂຕ ຍັງ​ບໍ່​ສົມ​ດຸນ ​ເພາະ​ອາ​ໄສ​ ແຮງ​ຂັບ​ເຄື່ອນ​ຫລັກ ຈາກ​ພາກ​ ການ​ຜະລິດ, ການ​ແປ​ຮູບ ​ແລະ ການ​ສົ່ງ​ອອກ ນັບ​ແຕ່​ມີ​ ການ​ຜ່ອນຜັນ ຂໍ້​ຈຳກັດ​ ດ້ານ​ໂລກລະບາດ ຄັ້ງ​ໃຫຍ່.ຂະນະ​ທີ່ ສຳນັກງານ ​ສະຖິຕິ ​ແຫ່ງ​ຊາດ ຫວຽດນາມ ລະບຸ​ວ່າ:  ຈີ​ດີ​ພີ ຂອງ​ຫວຽດນາມ ​ໃນ​ປີ​ກາຍ​ນີ້ ຂະຫຍາຍຕົວ 2,58% ​ແລະ 5,03% ​ໃນ​ໄຕ​ມາດ ​ທຳ​ອິດ ​ປີ​ນີ້./.     (ພາກ​ຂ່າວ: ຕ່າງປະ​ເທດ)

ຮຽບຮຽງ​ຂ່າວ​ໂດຍ: ສະ​ໄຫວ ລາດ​ປາກ​ດີ

ເນື້ອໃນ: ຂປລ