ຂ​ປ​ລ.ຕາມ​ສຳ​ນັກ​ຂ່າວ​ໄທ, ເມື່ອບໍ່ດົນມານີ້, ສານ​ສູງ​ສຸດ ອິນ​ເດຍ ໄດ້ມີ​ຄຳ​ສັ່ງ​ໃຫ້​ຢຸດ​ຕິ ການ​ຕັດ​ຕົ້ນ​ໄມ້​ ໃນ​ນະ​ຄອນ ມຸມ​ໄບ ເຊິ່ງເປັນສູນ​ກາງ​ທາງ​ການ​ເງິນ​ຂອງ ອິນ​ເດຍ ເພື່ອ​ເຮັດ​ໂຄງ​ການ​ ລົດ​ໄຟ​ໃຕ້​ດິນ ເນື່ອງ​ຈາກ​ ເກີດກະ​ແສ​ການ​ປະ​ທ້ວງ ຈາກ​ບັນ​ດາ ​ນັກ​ເຄື່ອນ​ໄຫວ​ທີ່​ຄັດ​ຄ້ານ ການ​ຕັດ​ຕົ້ນ​ໄມ້​ເພື່ອ​ສ້າງ​ສະຖານີຈອດ​ລົດ​ໄຟ​ຟ້າໃຕ້ດິນ. ຫົວ​ໜ້າ​ຄະ​ນະ​ ຜູ້​ພິ​ພາກ​ສາ​ກ່າວ​ວ່າ: ສານ​ສູງ​ສຸດ​ມີ​ຄຳ​ສັ່ງ​ ໃຫ້​ທາງ​ການ ​ລັດ​ມະ​ຫາ​​ຣາຊກິດຣະ ຢຸດ​ຕິ​ການ​ຕັດ​ຕົ້ນ​ໄມ້ ຈົນ​ກວ່າ ຈະ​ມີການພິ​ຈາ​ລະ​ນາ​ ຄັ້ງ​ໃໝ່ ໃນ​ວັນ​ທີ 21 ຕຸ​ລາ​ນີ້ ຫລັງ​ຈາກ ​ບັນ​ດາ​ ນັກ​ເຄື່ອນ​ໄຫວ, ນັກ​ສະ​ແດງ​ບອນລິ​ວູດ ແລະ ນັກ​ການ​ເມືອງ ​ບາງ​ຄົນ​ອອກ​ມາ​ ຄັດ​ຄ​້ານ ການ​ຕັດ​ຕົ້ນ​ໄມ້​ ຈຳ​ນວນ 2.700 ຕົ້ນ ໃນ​ພື້ນ​ທີ່​ສີ​ຂຽວ​ ຂອງ​ນະ​ຄອນ ມຸນ​ໄບ ໂດຍ​ລະ​ບຸ​ວ່າ ອາດ​ເຮັດ​ໃຫ້​ເກີດບັນ​ຫາ ມົນ​ລະ​ພິດ​ເພີ່ມ​ຂື້ນ. ໂຄງ​ການ​ລົດ​ໄຟ​ຟ້າ ​ມຸນ​ໄບ ເມ​ໂທ​ຣ 3 ມີ​ໄລ​ຍະ​ທາງ 35 ກິ​ໂລ​ແມັດ ເພື່ອ​ຮອງ​ຮັບ ​ຜູ້​ໂດຍ​ສານ 170.000 ຄົນຕໍ່ວັນ.

ເນື້ອໃນ: ຂປລ