ການນຳຂັ້ນສູງຂອງລາວ ສົ່ງ​ໂທລະ​ເລກ ສະແດງຄວາມຊົມເຊີຍ

ເຖິງຄູ່ຮ່ວມຕຳແໜ່ງ

 

 ຂປລ. ​ໃນວັນ​ທີ 16 ກັນຍາ 2021 ທີ່​ນະຄອນຫລວງ​ວຽງຈັນ ທ່ານ ພັນຄໍາ ວິພາວັນ ນາ ຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້​ສົ່ງ​ໂທລະ​ເລກ​​ສະ​ແດງ                                                                    ຄວາມ​ຊົມ​ເຊີຍ ​ເຖິງ ທ່ານ ຄິສຕຽນ ນິສເຊ ນາຍົກລັດຖະມົນຕີ  ແຫ່ງ ສາທາລະນະລັດ ມາດາກາສະກາ ​ເນື່ອງໃນໂອກາດ ທີ່ໄດ້ຮັບການ​ແຕ່ງຕັ້ງ ໃຫ້ດຳລົງຕຳແໜ່ງເປັນ ນາຍົກລັດຖະມົນຕີ ​ແຫ່ງ ສາທາລະນະລັດ ມາດາກາສະກາ ອີກວາລະໜຶ່ງ.

ເນື້ອໃນສານລະບຸວ່າ:​ ຂ້າພະ​ເຈົ້າ ມີຄວາມປິຕິຍິນດີເປັນຢ່າງຍິ່ງ ສົ່ງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາ​ຍັງທ່ານ ໃນໂອກາດທີ່ໄດ້ຮັບການ​ແຕ່ງຕັ້ງ ໃຫ້ດຳລົງຕຳແໜ່ງເປັນນາຍົກລັດຖະມົນຕີ ​ແຫ່ງ ສາທາລະນະລັດ ມາດາກາສະກາ ອີກວາລະໜຶ່ງ.

ຂ້າພະເຈົ້າ ມີຄວາມປິຕິຍິນດີເປັນຢ່າງຍິ່ງ ທີ່ເຫັນວ່າ ສາທາລະນະລັດ ປະຊາທິປະໄຕ ປະຊາ ຊົນລາວ ແລະ   ສາທາລະນະລັດ ມາດາກາສະກາ ມີສາຍພົວພັນມິດຕະພາບ ແລະ ການຮ່ວມມືອັນດີຕະຫລອດຊຸມປີຜ່ານມາ ແລະ ຫວັງຢ່າງຍິ່ງວ່າ ຈະ​ໄດ້​ເຮັດ​ວຽກ​ຮ່ວມ​ກັບທ່ານ ເພື່ອສືບຕໍ່​ເສີມຂະຫຍາຍສາຍ ​ພົວພັນ​ມິດຕະພາບ ແລະ ການຮ່ວມມື ລະຫວ່າງ ສອງປະເທດໃຫ້ຂະຫຍາຍ ຕົວຍິ່ງໆຂຶ້ນ ເພື່ອຜົນປະໂຫຍດຮ່ວມກັນ ຂອງ ປະຊາຊົນສອງຊາດພວກເຮົາ.

ຂ້າພະ​ເຈົ້າ ຂໍຖືໂອັກາດອັນສະຫງ່າລາສີນີ້ ​ອວຍ​ພອນ​ໄຊ​ອັນ​ປະ​ເສີ​ດ ມາ​ຍັງ​ທ່ານ ຈົ່ງ​ມີພະ​ລາ​ນາ​ໄມ​ສົມບູນ, ມີຄວາມຜາສຸກ ​ແລະ ​ປະສົບ​ຜົນ​ສຳ​ເລັດ​ ໃນ​ໜ້າທີ່ອັນ​ມີ​ ກຽດສູງສົ່ງຂອງ​​ທ່ານ.                     

      ​ໃນ​ໂອກາດ​ນີ້, ທ່ານ ສະ​ເຫລີ​ມ​ໄຊ ກົມມະ​ສິດ ລັດຖະມົນຕີ ກະຊວງ​ການ​ຕ່າງປະ​ເທດ ​ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ ກໍ​ໄດ້​ສົ່ງ​ໂທລະ​ເລກ ​ສະ​ແດງ​ຄວາມ​ຊົມ​ເຊີຍ ​ເຖິງ​ທ່ານ​ ປາທຣິກ ຣາໂຈລີນ່າ ລັດຖະມົນຕີ ກະຊວງການ​ຕ່າງປະ​ເທດ ແຫ່ງ ສາທາລະນະລັດ ມາດາກາສະກາ ທີ່ອັນຕານານາຣີໂວ ເນື່ອງໃນໂອກາດໄດ້​ຮັບ ການແຕ່ງຕັ້ງ​​ເປັນລັດຖະມົນຕີ ກະຊວງການຕ່າງປະເທດ ແຫ່ງ ສາທາລະນະລັດ ມາດາກາສະກາ ​ເຊັ່ນ​ດຽວກັນ.

-------------------------------------------------------------------------------------------------------------------

ສານອວຍພອນວັນ​ຊາດ ສາ​ທາ​ລະ​ນະ​ລັດ ຊັງມາຣີໂນ

ຂປລ. ໃນວັນທີ 3 ກັນຍາ 2021 ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ໄດ້ສົ່ງສານອວຍພອນ ເຖິງ ທ່ານ ກຽນ ກາຣໂລ ເບັນຕູຣິນິ ແລະ ທ່ານ ມາຣໂກ ນິໂກລິນິ ປະທານາທິບໍດີ ແຫ່ງ ສາທາລະນະລັດ ຊັງມາຣີໂນ ເນື່ອງ​ໃນ​ໂອ​ກາດ​​ ສະ​ຫລອງວັນ​ຊາດ ແຫ່ງ ສາ​ທາ​ລະ​ນະ​ລັດ ຊັງມາຣີໂນ.

ເນື້ອໃນສານລະບຸວ່າ: ໃນ​ນາມ​ປະ​ຊາ​ຊົນ​ລາວ ແລະ ໃນ​ນາມ​ສ່ວນ​ຕົວ, ຂ້າ​ພະ​ເຈົ້າ​ ຂໍສົ່ງ​ຄຳ​ຊົມ​ເຊີຍ​ອັນ​ອົບ​ອຸ່ນ ແລະ ພອນ​ໄຊ​ອັນ​ປະ​ເສີດ ມາ​ຍັງ ​ທ່ານ ແລະ ປະຊາຊົນ ຊັງມາຣີໂນ ທຸກຖ້ວນໜ້າ ເນື່ອງ​ໃນ​ໂອ​ກາດ​ ສະ​ເຫລີມ​ສະລຫລອງວັນ​ຊາດ ແຫ່ງ ສາ​ທາ​ລະ​ນະ​ລັດ ຊັງມາຣີໂນ.

ຂ້າພະເຈົ້າເຊື່ອໝັ້ນຢ່າງຍິ່ງວ່າ ດ້ວຍຄວາມພະຍາຍາມ ຮ່ວມກັນຂອງພວກເຮົາ, ສາຍພົວພັນມິດຕະພາບ ແລະ ການຮ່ວມມື ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ຊັງມາຣີໂນ ຈະໄດ້ຮັບການສືບຕໍ່ເສີມ ຂະຫຍາຍໃນຊຸມປີຕໍ່ໜ້າ ທັງໃນຂອບສອງຝ່າຍ ແລະ ຫລາຍຝ່າຍ ເພື່ອຜົນປະໂຫຍດ ຂອງປະຊາຊົນສອງຊາດພວກເຮົາ ກໍຄື ເພື່ອສັນຕິພາບ, ສະ ຖຽນລະພາບ ແລະ ການຮ່ວມມື ເພື່ອການພັດທະນາແບບ​ຍືນ​ຍົງ ໃນພາກພື້ນ ແລະ ​ສາ​ກົນ.

ຂ້າພະເຈົ້າ ຂໍອວຍພອນໃຫ້ ທ່ານຈົ່ງມີພະລານາໄມສົມບູນ, ມີຄວາມຜາສຸກ ແລະ ປະສົບຜົນສໍາເລັດທຸກປະການ ໃນໜ້າທີ່ອັນມີກຽດຂອງທ່ານ ແລະ ປະຊາຊົນ ຊັງມາຣີໂນ ຈົ່ງມີຄວາມຜາສຸກ ແລະ ວັດ​ທະ​ນະ​ຖາ​ວອນ.                                 

====================================================================================     

ສານ​ອວຍພອນ

ຂປລ. ​ໃນວັນທີ 17 ສິງຫາ 2021 ທ່ານ ທອງລຸນ ສີສຸລິດ ປະທານປະເທດແຫ່ງ ສາທາ ລະນະລັດ ປະຊາທິປະໄຕ ປະຊາຊົນລາວ​ ​ໄດ້ສົ່ງ​ສານ​ອວຍພອນ​​ ເຖິງ ທ່ານ ໂຈໂກ ວິໂດໂດ ປະ ທານາທິບໍດີ ແຫ່ງ ສາທາລະນະລັດ ອິນໂດເນເຊຍ ເນື່ອງໃນໂອກາດວັນປະກາດ ເອກະລາດ ແຫ່ງ ສາທາລະນະລັດ ອິນໂດເນເຊຍ ຄົບຮອບ 76 ປີ.

​ເນື້ອ​ໃນ​ສານ​ລະບຸ​ວ່າ: ໃນນາມປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສະແດງຄວາມຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງທ່ານ ແລະ ປະຊາຊົນ ອິນໂດເນເຊຍ ເພື່ອນມິດທຸກຖ້ວນໜ້າ ເນື່ອງໃນໂອກາດ ວັນປະກາດເອກະລາດ ແຫ່ງ ສາທາລະນະລັດ ອິນໂດເນເຊຍ ຄົບຮອບ 76 ປີ.

ຂ້າພະເຈົ້າ ມີຄວາມປິຕິຍິນດີທີ່ເຫັນວ່າ ໃນໄລຍະຜ່ານມາ ສາຍພົວພັນມິດຕະພາບ ທີ່ເປັນມູນ ເຊື້ອ ແລະ ການຮ່ວມມືທີ່ດີ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາ ທາລະນະລັດ ອິນໂດເນເຊຍ ໄດ້ຮັບການພັດທະນາຢ່າງບໍ່ຢຸດຢັ້ງ.

ຂ້າພະເຈົ້າ ເຊື່ອໝັ້ນວ່າ ສາຍພົວພັນມິດຕະພາບ ແລະ ການຮ່ວມມືຂອງ​ສອງ ປະເທດພວກເຮົາ ຈະສືບຕໍ່ຂະຫຍາຍຕົວຢ່າງ ບໍ່ຢຸດຢັ້ງທັງໃນຂອບສອງຝ່າຍ ແລະ ຫລາຍຝ່າຍ ເພື່ອຜົນປະໂຫຍດ ລວມຂອງປະຊາຊົນ ສອງຊາດພວກເຮົາ ກໍຄື ເພື່ອສັນຕິພາບ, ສະຖຽນລະພາບ ແລະ ການຮ່ວມມື ເພື່ອການພັດທະນາ ຢູ່ໃນພາກພື້ນ ແລະ ສາກົນ.

ຂ້າພະເຈົ້າ ຂໍຖືໂອກາດອັນສະຫງ່າລາສີນີ້ ອວຍພອນໄຊໃຫ້ ພະນະທ່ານ ຈົ່ງມີພະລານາໄມສົມບູນ, ມີຄວາມຜາສຸກ ແລະ ປະສົບຜົນສໍາເລັດໃຫຍ່ຫລວງກວ່າເກົ່າ ໃນໜ້າທີ່ອັນມີກຽດຂອງ ພະ ນະທ່ານ ແລະ ອວຍພອນໃຫ້ ປະຊາຊົນ ອິນໂດເນເຊຍ ເພື່ອນມິດ ຈົ່ງສືບຕໍ່ມີຄວາມຈະເລີນ ຮຸ່ງເຮືອງສີວິໄລຕະຫລອດໄປ.

ໃນໂອກາດດຽວກັນນີ້, ທ່ານ ພັນຄຳ ວິພາວັນ ນາຍົກລັດຖະມົນຕີແຫ່ງ ສາທາລະນະລັດປະຊາທິປະໄຕ ປະຊາຊົນລາວ ກໍໄດ້ສົ່ງສານອວຍພອນເຖິງທ່ານ ໂຈໂກ ວິໂດໂດ ປະທານາທິບໍດີ ແຫ່ງ ສາທາລະນະລັດ ອິນໂດເນເຊຍ ແລະ ທ່ານ ສະເຫລີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດປະຊາທິປະໄຕ ປະຊາຊົນລາວ ກໍໄດ້ສົ່ງສານອວຍພອນເຖິງ ທ່ານ ນາງເຣດ ແອວ ພີ ມາກຊູດີ ລັດຖະມົນຕີ ກະຊວງການຕ່າງປະເທດ ແຫ່ງ ສາທາລະນະລັດ ອິນໂດເນເຊຍ ທີ່ຈາກາກຕາ ເຊັ່ນດຽວກັນ.

--------------------------------------------------------------------------------------------------​



ສານສະແດງຄວາມຊົມເຊີຍ



            ຂປລ. ໃນວັນທີ 12 ສິງຫາ 2021 ທີ່ນະຄອນຫລວງວຽງຈັນ,ທ່ານ ສະເຫລີມໄຊ ກົມມະສິດ ລັດຖະມົນຕີ ກະຊວງການຕ່າງປະເທດແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ​ໄດ້​ສົ່ງ​ສານ​ສະ​ແດງ​ ຄວາມ​ຊົມ​ເຊີຍ​ເຖິງ ທ່ານ ຊອງ ໂຄຣເດີ ກາໂກໂຊ ລັດຖະມົນຕີ ກະຊວງການຕ່າງປະເທດ ແຫ່ງສາທາລະນະລັດ ກົງໂກ ທີ່ບາຣຊາວິວ ເນື່ອງໃນໂອກາດວັນຊາດ ຄົບຮອບ 41 ປີ.

ເນື້ອໃນສານລະບຸວ່າ:​ ເນື່ອງໃນໂອກາດວັນຊາດ ​ແຫ່ງ ສາທາລະນະລັດ ກົງໂກ ຄົບຮອບ 41 ປີ, ໃນນາມລັດຖະບານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ  ແລະ ໃນນາມສ່ວນຕົວ, ຂ້າພະເຈົ້າ ມີຄວາມປິຕິຍິນດີເປັນຢ່າງຍິ່ງ ສົ່ງຄຳຊົມເຊີຍອັນຈິງໃຈ ແລະ ພອນໄຊອັນປະເສີດມາຍັງທ່ານ ແລະ ປະຊາຊົນ ແຫ່ງ ສາທາລະນະລັດ ກົງໂກ.

ຂ້າພະເຈົ້າຫວັງເປັນຢ່າງຍິ່ງວ່າ ສາຍພົວພັນມິດຕະພາບ ລະຫວ່າງ ສາທາລະນະລັດ ປະຊາທິ ປະໄຕ ປະຊາຊົນລາວ ແລະ ສາທາລະນະລັດ ກົງໂກ ຈະສືບຕໍ່ໄດ້ຮັບການພັດທະນາ ແລະ ຂະ ຫຍາຍຕົວຍິ່ງໆຂຶ້ນ ໃນຊຸມປີຕໍ່ໜ້າ ເພື່ອຜົນປະໂຫຍດຮ່ວມກັນ ຂອງປະຊາຊົນສອງຊາດພວກເຮົາ.

      ຂ້າພະເຈົ້າ ຂໍຖືໂອກາດນີ້, ອວຍພອນໃຫ້ທ່ານ ຈົ່ງມີສຸຂະພາບເຂັ້ມແຂງ, ມີຄວາມສຸກ ແລະ ປະສົບຜົນສຳເລັດ ໃນໜ້າທີ່ອັນມີກຽດສູງສົ່ງຂອງທ່ານ ແລະ ຂໍໃຫ້ປະຊາຊົນ ກົງໂກ ເພື່ອນມິດ ຈົ່ງສືບຕໍ່ມີຄວາມຈະເລີນກ້າວໜ້າ ແລະ ວັດທະນະຖາວອນ.





-----------------------------------------------------------------------------------------------------------------

ຜູ້ນຳລາວສົ່ງຄຳຊົມເຊີຍ ເຖິງຄູ່ຮ່ວມຕຳແໜ່ງ ທີ່ປາຣີ

ເນື່ອງໃນໂອກາດວັນຊາດ ຝຣັ່ງ ຄົບຮອບ 232ປີ



ຂປລ. ໃນວັນທີ 14 ກໍລະກົດ 2021 ທີ່ນະຄອນຫລວງວຽງຈັນ, ທ່ານ ທອງລຸນ ສີສຸລິດ ປະ ທານປະເທດ ແຫ່ງ ສປປ ລາວ ໄດ້ສົ່ງຄຳຊົມເຊີຍ ເຖິງ ທ່ານ ແອມມານູຍແອນ ມາຄຣົງ ປະທາ ນາທິບໍດີ ແຫ່ງ ສາທາລະນະລັດ ຝຣັ່ງ ທີ່ ປາຣີ ເນື່ອງໃນໂອກາດວັນຊາດ ແຫ່ງ ສາທາລະນະລັດ ຝຣັ່ງ ຄົບຮອບ 232 ປີ.

ເນື້ອໃນຂອງສານໄດ້ລະບຸວ່າ: ເນື່ອງໃນໂອກາດວັນຊາດ ແຫ່ງ ສາທາລະນະລັດ ຝຣັ່ງ ຄົບ ຮອບ 232 ປີ, ຕາງໜ້າປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສົ່ງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງທ່ານ ແລະ ປະຊາຊົນຝຣັ່ງ ທຸກຖ້ວນໜ້າ.

ຂ້າພະເຈົ້າ ມີຄວາມປິຕິຊົມຊື່ນເປັນຢ່າງຍິ່ງ ທີ່ເຫັນວ່າສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ຝຣັ່ງ ໄດ້ຮັບການພັດທະນາ ແລະ ຮັດແໜ້ນຢ່າງຕໍ່ເນື່ອງໃນຊຸມປີຜ່ານມາ. ຂ້າພະເຈົ້າເຊື່ອໝັ້ນວ່າ ສາຍພົວພັນມິດຕະພາບ ອັນເປັນມູນເຊື້ອ ແລະ ການຮ່ວມມືທີ່ດີງາມດັ່ງກ່າວ ລະຫວ່າງ ສອງປະເທດພວກເຮົາ ຈະສືບຕໍ່ໄດ້ຮັບການເສີມຂະຫຍາຍ ແລະ ແຕກດອກອອກຜົນຍິ່ງໆຂຶ້ນ ໃນຊຸມປີຕໍ່ໜ້າ ເພື່ອຜົນປະໂຫຍດຮ່ວມກັນ ຂອງປະຊາຊົນສອງຊາດພວກເຮົາ ກໍ່ຄື ເພື່ອສັນຕິພາບ, ສະຖຽນລະພາບ ແລະ ການຮ່ວມມື ເພື່ອການພັດທະນາ ແບບຍືນຍົງໃນພາກພື້ນ ແລະ ໃນໂລກ.

ເນື່ອງໃນໂອກາດທີ່ມີ ຄວາມໝາຍສຳຄັນຍິ່ງນີ້, ຂ້າພະເຈົ້າຂໍອວຍພອນໄຊໃຫ້ທ່ານ ຈົ່ງມີສຸຂະ ພາບເຂັ້ມແຂງ, ພະລານາໄມສົມບູນ, ມີຄວາມຜາສຸກ ແລະ ປະສົບຜົນສຳເລັດ ໃນໜ້າທີ່ອັນສູງສົ່ງຂອງທ່ານ.

ໃນໂອກາດດຽວກັນ, ທ່ານ ພັນຄຳ ວິພາວັນ ນາຍົກລັດຖະມົນຕີ ແລະ ທ່ານ ສະເຫລີມໄຊ ກົມມະສິດ ລັດຖະມົນຕີ ກະຊວງການຕ່າງປະເທດ ແຫ່ງ ສປປ ລາວ ກໍໄດ້ສົ່ງຄຳຊົມເຊີຍ ເຖິງທ່ານ ຊ໋ອງ ກາສເຕັກສ໌ ນາຍົກລັດຖະມົນຕີ  ແລະ ທ່ານ ຊັງ ອີວວ໌ ເລີ ດຣຽງ ລັດຖະມົນຕີ ກິດຈະການເອີຣົບ ແລະ ການຕ່າງປະເທດ ແຫ່ງ ສາທາລະນະລັດ ຝຣັ່ງ ທີ່ ປາຣີ ເຊັ່ນດຽວກັນ.

------------------------------------------------------------------------------------------------------------------------

ການນຳລາວ ສົ່ງຄຳຊົມເຊີຍ ເຖິງການນຳຈີນ ເນື່ອງໃນໂອກາດ

ວັນສ້າງຕັ້ງພັກກອມມູນິດຈີນ ຄົບຮອບ 100 ປີ

ຂປລ. ໃນວັນທີ 30 ມິຖຸນາ 2021 ທີ່ນະຄອນຫລວງວຽງຈັນ, ສະຫາຍ ພັນຄຳ ວິພາວັນ ນາຍົກລັດຖະມົນຕີ ແຫ່ງ ສປປ ລາວ ໄດ້ສົ່ງຄຳຊົມເຊີຍ ເຖິງສະຫາຍ ຫລີ ເຄີ້ສຽງ ນາຍົກລັດຖະ ມົນຕີ ແຫ່ງ ສາທາລະນະລັດ ປະຊາຊົນຈີນ ທີ່ນະຄອນຫລວງປັກກິ່ງ ເນື່ອງໃນໂອກາດວັນສ້າງຕັ້ງພັກກອມມູນິດຈີນ ຄົບຮອບ 100 ປີ.

ເນື້ອໃນຂອງສານໄດ້ລະບຸວ່າ: ໃນນາມລັດຖະບານ ແລະ ປະຊາຊົນລາວ ທຸກຖ້ວນໜ້າ ກໍຄືໃນນາມສ່ວນຕົວ, ຂ້າພະເຈົ້າ ຂໍສົ່ງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງ ສະຫາຍ ແລະ ຜ່ານ ສະຫາຍ ໄປຍັງລັດຖະບານ ແລະ ປະຊາຊົນຈີນ ອ້າຍນ້ອງທຸກຖ້ວນໜ້າ.

ພວກຂ້າພະເຈົ້າ ມີຄວາມປິຕິຊົມຊື່ນ ເປັນຢ່າງຍິ່ງທີ່ເຫັນວ່າ ພາຍຫລັງ ການສ້າງຕັ້ງພັກກອມມູນິດຈີນ ໃນວັນທີ 01 ກໍລະກົດ 1921 ເປັນຕົ້ນມາ, ພັກກອມມູນິດຈີນ ໄດ້ເຕີບໃຫຍ່ຂະຫຍາຍຕົວ, ຢຶດຖືການສະແຫວງ ຫາຄວາມຜາສຸກໃຫ້ແກ່ປະຊາຊົນ ແລະ ສ້າງຄວາມຈະເລີນຮຸ່ງເຮືອງ ໃຫ້ແກ່ປະ ເທດຊາດ ເປັນວັດຖຸປະສົງຫລັກ, ໂດຍໄດ້ນຳພາ ປະຊາຊົນຈີນອ້າຍນ້ອງ ຜ່ານຜ່າການຕໍ່ສູ້ ຢ່າງທໍລະຫົດອົດທົນ ໃນແປວໄຟປະຕິວັດ ຈົນເຮັດສຳເລັດການປະຕິວັດ ປົດປ່ອຍຊາດ ແລະ ສະຖາປະນາ ສາ ທາລະນະລັດ ປະຊາຊົນຈີນ ຂຶ້ນມາຢ່າງສະຫງ່າອົງອາດໃນປີ 1949.

ພັກກອມມູນິດຈີນ ໄດ້ເປັນເຈົ້າການນຳພາ ປວງຊົນຈີນທັງຊາດ ດຳເນີນພາລະກິດການປະຕິຮູບ ແລະ ເປີດປະຕິສູ່ພາຍນອກ ຢ່າງສ້າງສັນ, ອັນໄດ້ເປັນການ ເປີດສັງກາດໃໝ່ ແຫ່ງການສ້າງສາພັດທະນາປະເທດຊາດ ຕາມເສັ້ນທາງສັງຄົມນິຍົມ ທີ່ມີສີສັນພິເສດຂອງຈີນ, ເຮັດໃຫ້ ສປ ຈີນ ມີການພັດທະນາ ຢ່າງມະຫັດສະຈັນ, ກ້າວກະໂດດ, ຮັ່ງມີເຂັ້ມແຂງ ແລະ ກ້າວໄປສູ່ຄວາມທັນສະໄໝເທື່ອລະກ້າວ. ພາຍໃຕ້ການນຳພາ ທີ່ເປັນປຶກແຜ່ນ ແລະ ມີລັກສະນະສືບທອດ ຂອງຜູ້ນຳພັກກອມມູນິດ ໃນແຕ່ລະໄລຍະ, ອັນມີ ສະຫາຍ ສີ ຈິ້ນຜິງ ເປັນແກນນຳໃນປະຈຸບັນ, ສປ ຈີນ ໄດ້ສືບຕໍ່ການກໍ່ສ້າງສັງຄົມນິຍົມ ທີ່ທັນສະໄຫມ ຕາມສີສັນພິເສດຂອງຈີນ ໃນຍຸກສະໄໝໃໝ່ ໂດຍໄດ້ບັນລຸເປົ້າໝາຍສູ້ຊົນ 100 ປີທໍາອິດ ຂອງການສ້າງສັງຄົມອີ່ມ ໜໍາສໍາລານຢ່າງຮອບດ້ານ ແລະ ກ້າວໄປສູ່ການເປີດສັງກາດໃໝ່ ແນໃສ່ປະຕິບັດ ໃຫ້ໄດ້ເປົ້າໝາຍສູ້ຊົນ ສ້າງຄວາມຝັນຂອງຈີນ ເພື່ອຟື້ນຟູຄວາມຈະເລີນຮຸ່ງເຮືອງຂອງ ປະຊາຊາດຈີນ ດ້ວຍບາດກ້າວທີ່ໜັກແໜ້ນ. ຜົນສຳເລັດໃນການນຳພາ ປະເທດຊາດ ກ້າວສູ່ຄວາມຈະເລີນຮຸ່ງເຮືອງຂອງ ພັກກອມມູນິດຈີນ ໄດ້ກາຍເປັນຕົ້ນແບບທີ່ໃສແຈ້ງ ໃຫ້ແກ່ປະເທດຕ່າງໆໃນໂລກ ໂດຍສະເພາະ ແມ່ນປະເທດກຳລັງພັດທະນາ ທີ່ພວມຊອກຕົວຢ່າງ ແລະ ຮູບແບບທີ່ດີທີ່ສຸດ ໃນການພັດທະນາເສດຖະກິດ-ສັງຄົມຂອງຕົນ.

ພ້ອມດຽວກັນນີ້, ປີ 2021 ກໍ່ຍັງເປັນປີທີ່ມີ ຄວາມໝາຍສໍາຄັນຕໍ່ສາຍສໍາພັນ ລາວ ແລະ ຈີນ, ນັ້ນ ກໍ່ຄື ຄົບຮອບ 60 ປີ ແຫ່ງການສ້າງຕັ້ງ ສາຍພົວພັນການທູດ ລະຫວ່າງ ລາວ-ຈີນ, ເຊິ່ງຕະ ຫລອດໄລຍະ 60 ປີ ທີ່ຜ່ານມາ, ຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ ລະຫວ່າງ ສອງພັກ-ສອງລັດ ແລະ ປະຊາຊົນສອງຊາດ ລາວ-ຈີນ ອ້າຍນ້ອງ ໄດ້ຮັບການເພີ່ມທະວີນັບມື້ນັບສູງຂຶ້ນ, ການຂະ ຫຍາຍຕົວ ຂອງການຮ່ວມມືສອງຝ່າຍໃນດ້ານຕ່າງໆ ໄດ້ນຳເອົາຜົນປະໂຫຍດ ອັນໃຫຍ່ຫລວງ ມາສູ່ປະຊາຊົນ ສອງຊາດຂອງພວກເຮົາ. ອັນນີ້ເປັນການສ່ອງແສງ ໃຫ້ເຫັນເຖິງສາຍພົວພັນ ມິດຕະພາບທີ່ເປັນມູນເຊື້ອ, ເຊິ່ງໄດ້ຮັບການຖະນຸຖະໜອມ ເພີ່ມພູນຄູນສ້າງ ທີ່ມີປະສິດທິຜົນຢ່າງຕໍ່ເນື່ອງ ທັງໃນຂອບສອງຝ່າຍ ແລະ ຫລາຍຝ່າຍ. ອັນພົ້ນເດັ່ນກວ່າໝູ່ ແມ່ນການຍົກລະດັບ ການພົວພັນຮ່ວມມື ມາເປັນຄູ່ຮ່ວມມື ແບບຍຸດທະສາດຮອບດ້ານ, ໝັ້ນຄົງຍາວນານ ຕາມທິດ 4 ດີ ແລະ ການເປັນຄູ່ຮ່ວມຊາຕາກໍາ ລາວ-ຈີນ, ຈີນ-ລາວ. ອັນນີ້ ເປັນການສະແດງ ໃຫ້ເຫັນເຖິງກຳລັງແຮງຂອງ ລະບອບສັງຄົມນິຍົມ, ການພັດທະນາ ແລະ ຄວາມມຸ້ງຫວັງໃນ ການປັບປຸງຊີວິດການເປັນຢູ່ ຂອງປະຊາຊົນທັງສອງປະເທດພວກເຮົາ ໃຫ້ເຂັ້ມແຂງຮັ່ງມີດີຂຶ້ນກວ່າເກົ່າ.

ພັກ, ລັດຖະບານ ແລະ ປະຊາຊົນລາວ ຍາມໃດກໍ່ເອົາໃຈໃສ່ ຖະໜຸຖະໜອມ ສາຍພົວພັນມິດ ຕະພາບອັນເປັນມູນເຊື້ອ ທີ່ການນຳລຸ້ນກ່ອນໆ ຂອງສອງປະເທດພວກເຮົາ ໄດ້ຮ່ວມກັນສ້າງຂຶ້ນ ແລະ ຈະສືບຕໍ່ເສີມຂະຫຍາຍ ສາຍພົວພັນດັ່ງກ່າວນີ້ ໃຫ້ໝັ້ນຄົງຕະຫລອດໄປ, ຈະພ້ອມກັບລັດຖະບານ ແລະ ປະຊາຊົນຈີນ ອ້າຍນ້ອງ ສືບຕໍ່ເພີ່ມທະວີຄວາມໄວ້ເນື້ອເຊື່ອໃຈ ແລະ ເສີມຂະຫຍາຍ ການເປັນຄູ່ຮ່ວມຊາຕາກຳ ລາວ-ຈີນ, ຈີນ-ລາວ ໃຫ້ເຂົ້າສູ່ລວງເລິກ ນັບແຕ່ຂັ້ນສູນກາງລົງຮອດທ້ອງຖິ່ນ, ເພື່ອຜົນປະໂຫຍດ ອັນຊອບທຳ ຂອງປະຊາຊົນທັງສອງຊາດ ລາວ ແລະ ຈີນ.

ໃນໂອກາດທີ່ມີ ຄວາມໝາຍສຳຄັນຢ່າງຍິ່ງນີ້, ໃນນາມລັດຖະບານ ແລະ ປະຊາຊົນລາວ ຂ້າ ພະເຈົ້າ ຂໍອວຍພອນໃຫ້ສາຍພົວພັນ ມິດຕະພາບທີ່ເປັນມູນເຊື້ອ ແລະ ການເປັນຄູ່ຮ່ວມຊາຕາກຳ ລະ ຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ປະຊາຊົນຈີນ ຈົ່ງໝັ້ນຄົງທະນົງແກ່ນຕະຫລອດໄປ.

ອວຍພອນໃຫ້ ສະຫາຍ, ຄະນະລັດຖະບານ ແລະ ປະຊາຊົນຈີນ ອ້າຍນ້ອງ ຈົ່ງມີພະລານາໄມສົມບູນ, ມີຄວາມຜາສຸກທຸກປະການ ແລະ ສືບຕໍ່ນຳພາປະເທດຈີນ ກ້າວຂຶ້ນຢ່າງໜັກແໜ້ນ ຕາມເສັ້ນທາງສັງຄົມນິຍົມ ທີ່ມີສີສັນພິເສດຂອງຈີນ, ບັນລຸເປົ້າໝາຍ 100 ປີ ສອງເຫດການ ແລະ ຄວາມມຸ້ງຫວັງແຫ່ງການຟື້ນຟູ ຄວາມຮຸ່ງເຮືອງສີວິໄລຂອງຊາດຈີນ.

ໃນໂອກາດດຽວກັນນີ້, ສະຫາຍ ສະເຫລີມໄຊ ກົມມະສິດ ລັດຖະມົນຕີກະຊວງ ການຕ່າງປະ ເທດ ແຫ່ງ ສປປ ລາວ ກໍໄດ້ສົ່ງຄຳຊົມເຊີຍເຖິງສະຫາຍ ຫວັງ ອີ້ ທີ່ປຶກສາແຫ່ງລັດ, ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາຊົນຈີນ ທີ່ນະຄອນຫລວງປັກກິ່ງ ເນື່ອງໃນໂອກາດວັນສ້າງຕັ້ງ ພັກກອມມູນິດຈີນ ຄົບຮອບ 100 ປີ ເຊັ່ນດຽວກັນ.



==========================================================================

ການ​ນຳ​ຂັ້ນ​ສູງ​ຂອງລາວ ສົ່ງ​ສານ​ຊົມ​ເຊີຍ ​ເຖິງ​ຄູ່​ຮ່ວມ​ຕຳ​ແໜ່​ງ



     ຂປລ. ໃນວັນທີ 1 ກໍລະກົດ 2021 ທ່ານ ທອງລຸນ ສີສຸລິດ ປະທານ​ປະ​ເທດ ​ແຫ່ງ ສປປ ລາວ, ທ່ານ ພັນຄໍາ ວິພາວັນ ນາຍົກລັດຖະມົນຕີ ​ແລະ ທ່ານ ສະເຫລີມໄຊ ກົມມະສິດ ລັດຖະມົນຕີ ກະຊວງ​ການ​ຕ່າງປະ​ເທດ ​ໄດ້້ສົ່ງ​ສານ​ສະ​ແດງ​ຄວາມ​ຊົມ​ເຊີຍ ​ເຖິງ ສົມເດັດ ອັນ-ຊຸນຕັນ ອັບດຸນລາ ຣິ ອາຢາຕູດິນ ອັນ-ມຸສຕາຟາ ບິນລາ ຊາ ອິບນີ-ອັນມາຮຸມ ຊຸນຕັນ ຮາຈີ ອາມັດຊາ ອັນ-ມູສຕາຟາ ອິນບິນລາ ເຈົ້າຊິວິດ ແຫ່ງ ມາເລເຊຍ, ທ່ານ ຕັນ ສຣິ ມູຢິດດິນ ຢັດຊິນ ນາຍົກລັດຖະມົນຕີ ແຫ່ງ ມາເລເຊຍ ​ແລະ ທ່ານ ດາໂຕະ ເຊິຣິ ຮິດຊໍາມຸດດິນ ຕຸນ ຮຸດສເຊນ, ລັດຖະມົນຕີກະຊວງ ການຕ່າງປະເທດມາເລເຊຍ ເນື່ອງໃນໂອກາດວັນສ້າງຕັ້ງ ສາຍພົວພັນ ທາງການທູດ ລະຫວ່າງ ສປປ ລາວ ແລະ ມາເລເຊຍ ຄົບຮອບ 55 ປີ.

      ​ເນື້ອ​ໃນ​ສານ​ລະບຸ​ວ່າ: ໃນນາມປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍຖືເປັນກຽດສົ່ງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດມາຍັງ ສົມເດັດ ແລະ ປະຊາຊົນມາເລເຊຍ ເພື່ອນມິດທຸກຖ້ວນໜ້າ ເນື່ອງໃນໂອກາດວັນສ້າງຕັ້ງ ສາຍພົວພັນທາງການທູດ ລະຫວ່າງ ສາທາລະ ນະລັດ ປະຊາທິປະໄຕ ປະຊາຊົນລາວ ແລະ ມາເລເຊຍ ຄົບຮອບ 55 ປີ (01 ກໍລະກົດ 1966-01 ກໍລະກົດ 2021).

ຂ້າພະເຈົ້າ ມີຄວາມປິຕິຊົມຊື່ນເປັນຢ່າງຍິ່ງທີ່ເຫັນວ່າ ຕະຫລອດໄລຍະຫລາຍກວ່າ 5 ທົດສະວັດ, ສາຍພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມື ອັນດີງາມ ຂອງສອງປະເທດ ໄດ້ຮັບການເສີມຂະຫຍາຍຢ່າງຕໍ່ເນື່ອງ ແລະ ກວ້າງຂວາງໃນຫລາຍຂົງເຂດ ເຫັນໄດ້ຈາກການແລກປ່ຽນ ການຢ້ຽມຢາມຂອງ ຄະນະຜູ້ແທນ ໃນລະດັບຕ່າງໆ ຮ່ວມກັນຢ່າງເປັນປົກກະຕິ. ຂ້າພະເຈົ້າ ມີຄວາມເຊື່ອໝັ້ນວ່າ ສາຍພົວພັນມິດຕະພາບ ແລະ ການຮ່ວມມືຄືດັ່ງກ່າວ ລະຫວ່າງ ສອງປະເທດຂອງພວກເຮົາ ຈະສືບຕໍ່ໄດ້ຮັບ ການເພີ່ມພູນຄູນສ້າງ ແລະ ຂະຫຍາຍຕົວຍິ່ງໆຂຶ້ນໃນຊຸມປີຕໍ່ໜ້າ ເພື່ອຜົນປະ ໂຫຍດຂອງປະຊາຊົນ ສອງຊາດພວກເຮົາ.

ຂ້າພະເຈົ້າ ຂໍຖືໂອກາດນີ້ ອວຍພອນໄຊອັນປະເສີດມາຍັງ ສົມເດັດ ແລະ ມະເຫສີ ຈົ່ງມີພະລານາໄມສົມບູນ,  ມີຄວາມຜາສຸກ ແລະ ປະສົບຜົນສຳເລັດໃນໜ້າທີ່ ອັນມີກຽດສູງສົ່ງຂອງ ສົມເດັດ ແລະ ຂໍອວຍພອນໃຫ້ ປະຊາຊົນມາເລເຊຍ ເພື່ອນມິດ ຈົ່ງສືບຕໍ່ມີຄວາມກ້າວໜ້າ ແລະ ວັດທະນະຖາວອນ.




------------------------------------------------------------------------------------

ສານຊົມເຊີຍ

      ຂປລ. ​ໃນວັນທີ 30 ມິຖຸນາ 2021 ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງ ພັກປະຊາຊົນ ປະຕິວັດລາວ, ປະທານປະເທດ ແຫ່ງ ສປປ ລາວ ​ໄດ້​ສົ່ງ​ສານ​ຊົມ​ເຊີຍ ​ເຖິງ ສະຫາຍ ສີຈິ້ນຜິງ ເລຂາທິການໃຫຍ່ ຄະນະກໍາມະການສູນກາງ ພັກກອມມູນິດຈີນ, ປະທານປະເທດ ແຫ່ງ ສາທາລະນະລັດ ປະຊາຊົນຈີນ ເນື່ອງໃນໂອກາດ ວັນສ້າງຕັ້ງພັກກອມມູນິດຈີນ ຄົບຮອບ 100 ປີ.

      ​ເນື້ອ​ໃນ​ສານ​ລະບຸ​ໄວ້​ວ່າ: ເນື່ອງໃນໂອກາດ ວັນສ້າງຕັ້ງພັກກອມມູນິດຈີນ ຄົບຮອບ 100 ປີ, ຕາງໜ້າໃຫ້ ພັກ, ລັດຖະບານ ແລະ ປະຊາຊົນລາວ ບັນດາເຜົ່າທົ່ວປະເທດ ກໍຄື ໃນນາມສ່ວນຕົວ, ຂ້າພະເຈົ້າ ຂໍຖືເປັນກຽດ ສົ່ງຄວາມຊົມເຊີຍຢ່າງສຸດໃຈ ແລະ ອວຍພອນໄຊ ອັນປະເສີດມາຍັງສະຫາຍ.

      ຂ້າພະເຈົ້າ ມີຄວາມປິຕິຊົມຊື່ນ ເປັນຢ່າງຍິ່ງທີ່ເຫັນວ່າ ນັບແຕ່ມື້ໄດ້ຮັບການ ສ້າງຕັ້ງກ່ອນໜ້ານີ້ໜຶ່ງສັດຕະວັດ, ພັກກອມມູນິດຈີນ ໄດ້ເຕີບໃຫຍ່ ເຂັ້ມແຂງ ຢ່າງຍໍ່ຢຸດຢັ້ງ, ພັກ ໄດ້ຢຶດໝັ້ນອຸດົມການສັງຄົມນິຍົມ ແລະ ຜົນປະໂຫຍດຂອງປະຊາຊົນ ຢ່າງເດັດດ່ຽວໜຽວແໜ້ນ, ມີຄວາມຮັບຜິດຊອບ ຢ່າງເດັດຂາດ ຕໍ່ພາລະກຳປະຫວັດສາດ, ນໍາພາປະຊາຊົນຈີນ ຜ່ານຜ່າການທົດສອບ ທີ່ດຸເດືອດຂ້ຽວຂາດ ໃນແປວໄຟປະຕິວັດ, ສ້າງວິລະກຳອັນລໍ້າເລີດ ແລະ ຍາດໄດ້ໄຊຊະນະອັນໃຫຍ່ຫລວງ, ມີຄວາມໝາຍປະຫວັດສາດ, ເຮັດສໍາເລັດການປະຕິວັດ ປົດປ່ອຍຊາດ ແລະ ສະຖາປະນາ ສາທາລະນະລັດ ປະຊາຊົນຈີນ ຢ່າງສະຫງ່າຜ່າເຜີຍ ໃນປີ 1949, ເຊິ່ງເປັນການເປີດສັງກາດໃໝ່ ແຫ່ງການສ້າງສາ ພັດທະນາປະເທດຊາດ ຕາມເສັ້ນທາງສັງຄົມນິຍົມ.

      ພັກກອມມູນິດຈີນ ໄດ້ລິເລີ່ມ ແລະ ນໍາພາ ພາລະກິດປະຕິຮູບ ແລະ ເປີດປະຕູສູ່ພາຍນອກ ຢ່າງກ້າຫານ, ອັນໄດ້ສ້າງການຫັນ ປ່ຽນຢ່າງໃຫຍ່ຫລວງ, ເລິກເຊິ່ງ ໃຫ້ແກ່ການພັດທະນາ ຢ່າງມະຫັດສະຈັນ ແລະ ກ້າວກະໂດດ ຂອງ ສາທາລະນະລັດ ປະຊາຊົນຈີນ, ສ້າງທ່ວງທ່າໃໝ່, ທັງເປັນພື້ນຖານອັນໜັກ   ແໜ້ນ ໃຫ້ແກ່ການສືບຕໍ່ພາລະກິດ ສ້າງສາພັດທະນາ ລະບອບສັງຄົມນິຍົມ ທີ່ມີສີສັນພິເສດຂອງຈີນ.

      ບົນພື້ນຖານການສືບທອດ ມູນເຊື້ອອັນສະຫງ່າອົງອາດ ຂອງ ພັກ ແລະ ປະຊາຊົນຈີນບັນດາເຜົ່າ, ສູນກາງພັກກອມມູນິດຈີນ ທີ່ມີ ສະຫາຍ ເປັນແກນນໍາ ໄດ້ເຊີດຊູຄັນທຸງອັນຍິ່ງໃຫຍ່ ຂອງສັງຄົມນິຍົມ, ຢຶດໝັ້ນການນໍາພາຂອງພັກ ແລະ ຜົນປະໂຫຍດ ຂອງປະຊາຊົນເປັນກົກ, ໄດ້ສະເໜີແນວຄິດ ກ່ຽວກັບການສ້າງສັງຄົມ ນິຍົມທີ່ມີສີສັນພິເສດ ຂອງຈີນ ໃນຍຸກສະໄໝໃໝ່, ເຊິ່ງເປັນແນວຄິດໃໝ່ ທີ່ເປັນລະບົບຄົບຊຸດ, ທັງເປັນທິດນໍາຍຸດທະສາດ ໃນການສືບຕໍ່ດໍາເນີນ ພາລະກິດອັນຍິ່ງໃຫຍ່ ຂອງພັກ, ຂອງຊາດ ທັງໃນໄລຍະສະເພາະໜ້າ ແລະ ຍາວນານ. ພາຍໃຕ້ການນໍາພາ ຂອງພັກກອມມູນິດຈີນ ແລະ ການຊີ້ນໍາບັນຊາ ໂດຍກົງຂອງສະຫາຍ, ສາທາລະນະລັດ ປະຊາຊົນຈີນ ໄດ້ຮັບການພັດທະນາ ຢ່າງຮອບດ້ານດ້ວຍຄຸນນະພາບອັນໃໝ່, ເສດຖະກິດສືບຕໍ່ ຂະຫຍາຍຕົວດ້ວຍຈັງຫວະໄວ ແລະ ໝັ້ນທ່ຽງ; ວຽກງານປ້ອງກັນຊາດ-ປ້ອງກັນ ຄວາມສະຫງົບ ມີຄວາມເຂັ້ມແຂງ ແລະ ທັນສະໄໝ; ການພົວພັນຮ່ວມມືກັບສາກົນ ນັບມື້ນັບເປີດກວ້າງ ແລະ ເລິກເຊິ່ງ, ບົດບາດອິດທິພົນ ຂອງພັກກອມມູນິດຈີນ ແລະ ສາທາລະນະລັດ ປະຊາຊົນຈີນ ນັບມື້ສູງເດັ່ນຂຶ້ນ ໃນເວທີພາກພື້ນ ແລະ ສາກົນ. ອັນພົ້ນເດັ່ນທີ່ສຸດ ແມ່ນ ໄດ້ບັນລຸເປົ້າໝາຍສູ້ຊົນ “100 ປີ ເຫດການທໍາອິດ” ໃນການສ້າງສັງຄົມ ອີ່ມໜໍາສໍາລານຢ່າງຮອບດ້ານ, ສ້າງພື້ນຖານອັນໜັກແໜ້ນ ໃຫ້ແກ່ການບັນລຸເປົ້າໝາຍ “100 ປີ ເຫດການທີສອງ” ເພື່ອຟື້ນຟູຄວາມຈະເລີນ ຮຸ່ງເຮືອງຂອງຊາດຈີນ ໃນກາງສັດຕະວັດນີ້.

ຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ” ແລະ “ການສ້າງປະຊາຄົມ ຮ່ວມຊະຕາກໍາ ຂອງມວນມະນຸດ” ທີ່ ສະເໜີໂດຍ ສະຫາຍ ພວມໄດ້ຮັບການຈັດຕັ້ງປະຕິບັດ ຢ່າງເປັນຮູບປະທໍາ ແລະ ໄດ້ຮັບການສະໜັບສະໜູນ ຢ່າງກວ້າງຂວາງ ຈາກວົງຄະນະຍາດສາກົນ, ຕອບສະໜອງຄວາມ ມຸ້ງມາດປາຖະໜາ ຂອງບັນດາປະຊາຊາດໃນໂລກ, ທັງສອດຄ່ອງກັບ ທ່າອ່ຽງຂອງຍຸກສະໄໝ. ບັນດາຜົນສຳເລັດ ອັນມະຫັດສະຈັນ ທີ່ປະຊາຊົນຈີນຍາດມາໄດ້ ໄດ້ພິສູດໃຫ້ເຫັນຢ່າງເດັ່ນຊັດ ເຖິງຄວາມປີຊາສາມາດ, ສະຫລາດສ່ອງໃສ ໃນການຊີ້ນໍານໍາພາ ຂອງ ພັກກອມມູນິດຈີນ ກໍຄື ຂອງສະຫາຍ, ສະແດງໃຫ້ເຫັນເຖິງພະລັງ ທີ່ບໍ່ເຫືອດແຫ້ງແຫ່ງ ມະຫາສາມັກຄີ ຂອງປະຊາຊົນຈີນ ກໍຄື ພະລັງແຮງຂອງລະບອບ ສັງຄົມນິຍົມທີ່ມີ ສີສັນພິເສດຂອງຈີນ.

ຂ້າພະເຈົ້າ ຕີລາຄາສູງ ແລະ ຂໍສະແດງຄວາມຊົມເຊີຍ ຢ່າງສຸດອົກສຸດໃຈ ຕໍ່ ບັນດາຜົນສໍາເລັດອັນໃຫຍ່ຫລວງ, ຮອບດ້ານ ທີ່ ພັກກອມມູນິດຈີນ ແລະ ປະຊາຊົນຈີນອ້າຍນ້ອງ ຍາດມາໄດ້, ຜົນສຳເລັດດັ່ງກ່າວ ເປັນບົດຮຽນອັນລໍ້າຄ່າ ແລະ ເປັນກຳລັງໃຈອັນແຮງກ້າ ໃຫ້ແກ່ພວກຂ້າພະເຈົ້າ ໃນການສືບຕໍ່ດໍາເນີນ ພາລະກິດປົກປັກຮັກສາ ແລະ ສ້າງສາພັດທະນາ ປະເທດຊາດສູ່ຈຸດໝາຍ ສັງຄົມນິຍົມ.

ຂໍຖືໂອກາດນີ້, ຕາງໜ້າພັກ, ລັດຖະບານ ແລະ ປະຊາຊົນລາວ ບັນດາເຜົ່າ ກໍຄື ໃນນາມສ່ວນຕົວ, ຂ້າພະເຈົ້າ ຂໍສະແດງຄວາມຮູ້ບຸນຄຸນ ຕໍ່ ພັກກອມມູນິດຈີນ, ລັດຖະບານ, ປະຊາຊົນຈີນອ້າຍນ້ອງ ກໍຄື ສະຫາຍ ສີຈິ້ນຜິງ ທີ່ໄດ້ໃຫ້ການສະໜັບສະໜູນ ຊ່ວຍເຫລືອອັນລໍ້າຄ່າ ແກ່ພວກຂ້າພະເຈົ້າ ມາໂດຍຕະຫລອດ, ໂດຍສະເພາະ ໃນໄລຍະທີ່ພວກຂ້າພະເຈົ້າ ຮັບມືກັບການແຜ່ລະບາດ ຂອງພະຍາດໂຄວິດ-19.

ຂໍອວຍພອນໃຫ້ສາຍພົວພັນ ມິດຕະພາບອັນເປັນມູນເຊື້ອ ບົນພື້ນຖານການເປັນ ບ້ານໃກ້ເຮືອນຄຽງທີ່ດີ, ເພື່ອນມິດທີ່ດີ, ສະຫາຍທີ່ດີ ແລະ ຄູ່ຮ່ວມມືທີ່ດີ ກໍຄື ການເປັນຄູ່ຮ່ວມຍຸດທະສາດ ຮອບດ້ານ ໝັ້ນຄົງ ຍາວນານ ແລະ ຄູ່ຮ່ວມຊະຕາກໍາສັງຄົມນິຍົມ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຈີນ, ຈີນ-ລາວ ຈົ່ງໝັ້ນຄົງຄະໜົງແກ່ນ ແລະ ໄດ້ຮັບການເສີມຂະຫຍາຍ ໃຫ້ແຕກດອກອອກຜົນຍິ່ງໆຂຶ້ນ.

ຂໍອວຍພອນໃຫ້ສະຫາຍ ຈົ່ງມີສຸຂະພະລານາໄມສົມບູນ, ມີຄວາມຜາສຸກ, ສືບຕໍ່ຊີ້ນໍາ-ນໍາພາທົ່ວພັກ ແລະ ປະຊາຊົນຈີນອ້າຍນ້ອງ ສືບຕໍ່ຍາດໄດ້ຜົນສຳເລັດໃໝ່ ໃຫຍ່ຫລວງກວ່າເກົ່າ ໃນການສ້າງສາສັງຄົມ ນິຍົມທີ່ມີສີສັນພິເສດຂອງຈີນ ໃນຍຸກສະໄໝໃໝ່.

ໃນໂອກາດດຽວ​ກັນ, ສະຫາຍ ທອງສະຫວັນ ພົມວິຫານ, ກຳມະການສູນກາງພັກ, ຫົວໜ້າຄະນະພົວພັນ ຕ່າງປະເທດສູນກາງພັກ ປປ ລາວ ກໍ່ໄດ້ສົ່ງສານອວຍພອນເຖິງ ສະຫາຍ ຊົ້ງທາວ, ກຳມະການສູນກາງພັກ, ຫົວໜ້າຄະນະພົວພັນ ຕ່າງປະເທດສູນກາງພັກ ກອມມູນິດຈີນ ເຊັ່ນດຽວກັນ.


---------------------------------------------------------------------------------------------------

ໂທລະເລກສະແດງຄວາມຊົມເຊີຍ



ຂປລ. ໃນວັນທີ 26 ມິຖຸນາ 2021, ທ່ານ ສະເຫລີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ສົ່ງໂທລະເລກ ສະແດງຄວາມຊົມເຊີຍເຖິງ ທ່ານ ດຣ. ດີຈາໂກບາ ເອ.ເອສ. ໂອລີວາເທອິນດາຊານອາລິເວໂລ ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ມາດາກາສະກາ ໃນໂອກາດວັນຊາດ ແຫ່ງສາທາ ລະນະລັດ ມາດາກາສະກາ ຄົບຮອບ 61 ປີ.

      ເນື້ອໃນສານລະບຸວ່າ: ຂ້າພະເຈົ້າ ຂໍສົ່ງຄຳຊົມເຊີຍຢ່າງຈິງໃຈ ແລະ ພອນໄຊອັນປະເສີດມາຍັງພະນະທ່ານ, ລັດຖະບານ ແລະ ປະຊາຊົນ ມາດາກາສະກາ ເນື່ອງໃນໂອກາດວັນຊາດ ແຫ່ງສາທາ ລະນະລັດ ມາດາກາສະກາ ຄົບຮອບ 61ປີ.

ຂ້າພະເຈົ້າເຊື່ອໝັ້ນວ່າ ສາຍພົວພັນມິດຕະພາບ ແລະ ການຮ່ວມມືທີ່ດີ ລະຫວ່າງ ສາທາລະ ນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ມາດາກາສະກາ ຈະສືບຕໍ່ໄດ້ຮັບການພັດທະນາໃນຊຸມປີຕໍ່ໜ້າ ເພື່ອຜົນປະໂຫຍດຮ່ວມກັນ ຂອງສອງປະເທດພວກເຮົາ.

      ຂ້າພະເຈົ້າ ຂໍຖືໂອກາດນີ້ ອວຍພອນໄຊໃຫ້ ທ່ານ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ປະສົບຜົນສຳເລັດ ໃນໜ້າທີ່ອັນມີກຽດ ສູງສົ່ງຂອງທ່ານ ແລະ ຂໍໃຫ້ປະຊາຊົນ ມາດາກາສະກາ ຈົ່ງສືບຕໍ່ມີຄວາມກ້າວໜ້າ ແລະ ຈະເລີນຮຸ່ງເຮືອງ.

      ໃນວັນທີ  25 ມິຖຸນາ 2021, ທ່ານ ສະເຫລີມໄຊ ກົມມະສິດ ກໍໄດ້ສົ່ງໂທລະເລກສະແດງຄວາມຊົມເຊີຍເຖິງ ທ່ານ ເວໂຣນິກາ ນາຕານຽວ ມາກາໂມ ໂດໂວ ລັດຖະມົນຕີ ກະຊວງການຕ່າງ ປະເທດ ແລະ ການຮ່ວມມື ແຫ່ງ ສາທາລະນະລັດ ໂມຊຳບິກ ໃນໂອກາດວັນຊາດ ແຫ່ງ ສາທາລະ ນະລັດ ໂມຊໍາບິກ ຄົບຮອບ 46 ປີ.

      ເນື້ອໃນສານລະບຸວ່າ: ຂ້າພະເຈົ້າ ມີຄວາມຍິນດີເປັນຢ່າງຍິ່ງ ສົ່ງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງ ທ່ານ, ລັດຖະບານ ແລະ ປະຊາຊົນ ໂມຊໍາບິກ ເນື່ອງໃນໂອກາດວັນຊາດ ແຫ່ງ ສາທາລະນະລັດ ໂມຊໍາບິກ ຄົບຮອບ 46 ປີ.

      ຂ້າພະເຈົ້າເຊື່ອໝັ້ນວ່າ ສາຍພົວພັນມິດຕະພາບ ແລະ ການຮ່ວມມືອັນດີງາມ ທີ່ມີຢູ່ແລ້ວລະ ຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ໂມຊຳບິກ ຈະສືບຕໍ່ຂະຫຍາຍຕົວໃນຊຸມປີຕໍ່ໜ້າ ເພື່ອຜົນປະໂຫຍດຮ່ວມກັນ ຂອງປະຊາຊົນສອງຊາດພວກເຮົາ.

      ຂ້າພະເຈົ້າ ຂໍຖືໂອກາດນີ້ ອວຍພອນໄຊອັນປະເສີດມາຍັງ ທ່ານ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ປະສົບຜົນສຳເລັດ ໃນໜ້າທີ່ອັນມີກຽດສູງສົ່ງຂອງທ່ານ ແລະ ຂໍໃຫ້ປະຊາຊົນໂມຊຳບິກ ຈົ່ງສືບຕໍ່ມີຄວາມກ້າວໜ້າ ແລະ ຈະເລີນຮຸ່ງເຮືອງຍິ່ງໆຂຶ້ນ.

      ໃນວັນທີ 29 ມິຖຸນາ 2021, ທ່ານ ສະເຫລີມໄຊ ກົມມະສິດ ກໍໄດ້ສົ່ງໂທລະເລກສະແດງຄວາມຊົມເຊີຍເຖິງ ທ່ານ ຊິວເວສເຕີ ຣາເດກອນເດ ລັດຖະມົນຕີກະຊວງຕ່າງປະເທດ ແລະ ທ່ອງທ່ຽວ ແຫ່ງ ສາທາລະນະລັດ ເຊແຊນ ໃນໂອກາດວັນຊາດ ແຫ່ງ ສາທາລະນະລັດ ເຊແຊນ ຄົບ ຮອບ 45 ປີ ແລະ ວັນແຫ່ງການສ້າງຕັ້ງ ສາຍພົວພັນການທູດ ລະຫວ່າງ ສາທາລະນະລັດ ປະຊາ ທິປະໄຕ ປະຊາຊົນລາວ ແລະ ສາທາລະນະລັດ ເຊແຊນ ຄົບຮອບ 15 ປີ.

      ເນື້ອໃນສານລະບຸວ່າ: ເນື່ອງໃນໂອກາດວັນຊາດ ແຫ່ງ ສາທາລະນະລັດ ເຊແຊນ ຄົບຮອບ 45 ປີ ແລະ ວັນແຫ່ງການສ້າງຕັ້ງ ສາຍພົວພັນການທູດ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ເຊແຊນ ຄົບຮອບ 15 ປີ, ຂ້າພະເຈົ້າ ມີຄວາມປິຕິຍິນດີເປັນຢ່າງຍິ່ງ ສົ່ງຄຳຊົມເຊີຍອັນຈິງໃຈ ແລະ ພອນໄຊອັນປະເສີດມາຍັງ ທ່ານ, ລັດຖະບານ ແລະ ປະຊາຊົນ ເຊແຊນ ເພື່ອນມິດທຸກຖ້ວນໜ້າ.

      ຂ້າພະເຈົ້າເຊື່ອໝັ້ນວ່າ ສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງ ສອງປະເທດພວກເຮົາ ກໍຄື ສອງກະຊວງການຕ່າງປະເທດ ຈະໄດ້ຮັບການພັດທະນາຍິ່ງໆຂຶ້ນ ໃນຊຸມປີຕໍ່ໜ້າ ເພື່ອຜົນປະໂຫຍດລວມ ຂອງປະຊາຊົນສອງປະເທດພວກເຮົາ.

      ຂ້າພະເຈົ້າ ຂໍຖືໂອກາດນີ້ ອວຍພອນໃຫ້ພະນະທ່ານ ຈົ່ງມີພະລານາໄມສົມບູນ, ມີຄວາມຜາສຸກ ແລະ ປະສົບຜົນສຳເລັດ ໃນໜ້າທີ່ອັນສູງສົ່ງຂອງທ່ານ ແລະ ຂໍໃຫ້ປະຊາຊົນ ເຊແຊນ ຈົ່ງສືບຕໍ່ມີຄວາມຈະເລີນກ້າວໜ້າ ແລະ ວັດທະນະຖາວອນ. 



------------------------------------------------------------------------------------------------------------

ໂທລະເລກຊົມເຊີຍ ປະທານາທິບໍດີແຫ່ງ ມົງໂກລີ ຄົນໃໝ່



ຂປລ. ເມື່ອບໍ່ນານມານີ້, ທ່ານ ທອງລຸນ ສີສຸລິດ ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະ ຊາຊົນລາວ ໄດ້ສົ່ງໂທລະເລກຊົມເຊີຍ ເຖິງ ທ່ານ Ukhnaagiin Khurelsukh ເນື່ອງໃນໂອກາດທີ່ໄດ້ຮັບ ການເລືອກຕັ້ງໃຫ້ດຳລົງຕໍາແໜ່ງ ເປັນປະທານາທິບໍດີແຫ່ງ ມົງໂກລີ ຄົນ  ໃໝ່.

      ເນື້ອໃນສານລະບຸວ່າ: ຂ້າພະເຈົ້າຂໍສະແດງ ຄວາມຊົມເຊີຍຢ່າງຈິງໃຈມາຍັງ ທ່ານ ເນື່ອງໃນໂອກາດ ທີ່ໄດ້ຮັບການເລືອກຕັ້ງ ໃຫ້ດຳລົງຕໍາແໜ່ງເປັນ ປະທານາທິບໍດີແຫ່ງ ມົງໂກລີ ຄົນໃໝ່.

ຂ້າພະເຈົ້າ ມີຄວາມປິຕິຊົມຊື່ນເປັນຢ່າງຍິ່ງ ທີ່ເຫັນວ່າສາຍພົວພັນມິດຕະພາບ ແລະ ການຮ່ວມມືອັນເປັນມູນເຊື້ອ ລະຫວ່າງສອງປະເທດພວກເຮົາ ໄດ້ຮັບການເສີມຂະຫຍາຍ ຢ່າງຕໍ່ເນື່ອງຕະ ຫລອດໄລຍະທີ່ຜ່ານມາ. ຂ້າພະເຈົ້າ ມີຄວາມຍິນດີທີ່ ຈະຮ່ວມມືຢ່າງໃກ້ຊິດກັບທ່ານ ເພື່ອສືບຕໍ່ເສີມຂະຫຍາຍ ການຮ່ວມມືທີ່ມີຢູ່ເເລ້ວ ໃຫ້ເເຕກດອກອອກຜົນຍິ່ງໆ ຂຶ້ນໃນຊຸມປີຕໍ່ໜ້າ ເພື່ອນໍາເອົາຜົນປະ ໂຫຍດຕົວຈິງມາສູ່ປະຊາຊົນສອງຊາດ ທັງເປັນການປະກອບສ່ວນ ເຂົ້າໃນພາລະກິດ ເພື່ອສັນຕິພາບ, ສະຖຽນລະພາບ ແລະ ການຮ່ວມມື ເພື່ອການພັດທະນາ ຢູ່ພາກພື້ນ ແລະ ໃນໂລກ.

      ຂ້າພະເຈົ້າຂໍຖືໂອກາດນີ້ ອວຍພອນໄຊອັນປະເສີດມາຍັງທ່ານ ຈົ່ງມີພະລານາໄມສົມບູນ, ມີຄວາມຜາສຸກ ແລະ ອວຍພອນໃຫ້ປະຊາຊົນມົງໂກລີ ເພື່ອນມິດ ຈົ່ງມີຄວາມຈະເລີນກ້າວໜ້າຍິ່ງໆຂຶ້ນ.



------------------------------------------------------------------------------

ສານສະ​ແດງ​ຄວາມ​ຊົມ​ເຊີຍ

ຂປລ. ​ໃນ​ວັນ​ທີ 23 ມິຖຸນາ 2021 ທ່ານ ສະເຫລີມໄຊ ກົມມະສິດ ລັດຖະມົນຕີ ກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ​ໄດ້​ຮັບ​ສານສະ​ແດງ​ຄວາມ​ຊົມ​ເຊີຍ ຈາກ ທ່ານ ນາງ ອາອິດຊັດຕາ ຕານລ ຊານລ  ລັດຖະມົນຕີ ກະຊວງການຕ່າງປະເທດ ແລະ ວຽກງານຊາວເຊເນການ ຢູ່ຕ່າງປະເທດ ​ແຫ່ງສາທາລະນະລັດ ເຊເນການ ​ເນື່ອງ​ໃນ​ໂອກ​າດ ​ໄດ້​ຮັບ​ແຕ່ງ​ຕັ້ງ​ເປັນ ລັດຖະມົນຕີ​ ກະຊວງ​ການ​ຕ່າງປະ​ເທດ ອີກ​ໜຶ່ງສະ​ໄໝ.

ເນື້ອ​ໃນ​ສານ​ລະບຸ​ວ່າ: ຂ້າພະເຈົ້າ ຂໍສະແດງຄວາມຍິນດີຢ່າງຈິງໃຈ ເນື່ອງໂອກາດທີ່ ທ່ານໄດ້ຮັບການແຕ່ງຕັ້ງເປັນລັດຖະມົນຕີ ກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາ ຊົນລາວ ອີກສະໄໝໜຶ່ງ.

ຂ້າພະເຈົ້າ ຂໍສົ່ງຄໍາຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງທ່ານ, ຂໍໃຫ້ທ່ານຈົ່ງປະສົບ ຜົນສໍາເລັດໃນໜ້າທີ່ອັນມີກຽດສູງສົ່ງ. ຂ້າພະເຈົ້າຂໍຢືນຢັນວ່າ ຈະຮ່ວມເຮັດວຽກກັບທ່ານ ເພື່ອເສີມຂະຫຍາຍສາຍພົວພັນ ການທູດຂອງ ສອງປະເທດພວກເຮົາ.







-------------------------------------------------------------------------

ຜູ້ນຳເຮົາສົ່ງສານອວຍພອນ



ຂປລ. ໃນວັນທີ 17 ມິຖຸນາ 2021 ທີ່ນະຄອນຫລວງວຽງຈັນ, ທ່ານ ທອງລຸນ ສີສຸລິດ ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ສົ່ງສານອວຍພອນ ເຖິງ ທ່ານ ຄຸຍນິ ໂທລາຊຸດສ ໂຈຫັນແນດຊອນ ປະທານາທິບໍດີ ແຫ່ງ ສາທາລະນະລັດ ອິດສະລັງ ເນື່ອງໃນໂອກາດວັນ ຊາດ ຄົບຮອບ 77 ປີ.

ເນື້ອໃນສານລະບຸວ່າ: ໃນນາມປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສະແດງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງ ພະນະທ່ານ ແລະ ປະຊາຊົນ ອິດສະລັງ ທຸກຖ້ວນໜ້າ ເນື່ອງໃນໂອກາດ ຄົບຮອບ 77 ປີ ແຫ່ງ ການສ້າງຕັ້ງ ສາທາລະນະລັດ ອິດສະລັງ.

ຂ້າພະເຈົ້າ ເຊື່ອໝັ້ນຢ່າງຍິ່ງວ່າ ດ້ວຍຄວາມພະຍາຍາມ ຮ່ວມກັນຂອງພວກເຮົາ, ສາຍພົວພັນມິດຕະພາບ ແລະ ການຮ່ວມມື ລະຫວ່າງ ສປປ ລາວ ແລະ ສາທາລະນະລັດ ອິດສະລັງ ຈະໄດ້ຮັບການສືບຕໍ່ເສີມຂະຫຍາຍ ແລະ ແຕກດອກອອກຜົນຍິ່ງໆຂຶ້ນ ໃນຊຸມປີຕໍ່ໜ້າ ທັງໃນຂອບສອງຝ່າຍ ແລະ ຫລາຍຝ່າຍ ເພື່ອຜົນປະໂຫຍດ ຂອງປະຊາຊົນ ສອງຊາດພວກເຮົາ ກໍ່ຄືເພື່ອສັນຕິພາບ, ສະຖຽນລະພາບ ແລະ ການຮ່ວມມືເພື່ອການ ພັດທະນາແບບຍືນຍົງ ໃນພາກພື້ນ ແລະ ສາກົນ.

ຂ້າພະເຈົ້າ ຂໍຖືໂອກາດນີ້ ອວຍພອນໄຊອັນປະເສີດ ມາຍັງທ່ານ ຈົ່ງມີສຸຂະພາບເຂັ້ມແຂງ, ມີພະລານາໄມສົມບູນ ແລະ ປະສົບຜົນສໍາເລັດທຸກປະການ ໃນໜ້າທີ່ອັນສູງສົ່ງຂອງ ທ່ານ ແລະ ປະຊາຊົນ ອິດສະລັງ ຈົ່ງມີຄວາມຜາສຸກ ແລະ ຈະເລີນຮຸ່ງເຮືອງຕະຫລອດໄປ.

------------------------------------------------------------------------------------

ປະທານປະເທດແຫ່ງ ສປປ ລາວ ສົ່ງສານຊົມເຊີຍ

ເຖິງສົມເດັດ ພະລາຊິນີ ອີລີຊາເບັດ ທີ II



ຂປລ. ໃນວັນທີ 13 ມິຖຸນາ 2021 ທີ່ນະຄອນຫລວງວຽງຈັນ, ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ໄດ້ສົ່ງສານຊົມເຊີຍ ເຖິງ ສົມເດັດ ພະລາຊິນີ ອີລີຊາເບັດ ທີ II ແຫ່ງ ສະຫະຣາຊະອານາຈັກອັງກິດ ແລະ ອຽກລັງເໜືອ ທີ່ ລອນດອນ, ເນື່ອງໃນໂອກາດ ແຫ່ງການສະ ເຫລີມສະຫລອງ ວັນຄ້າຍວັນປະສູດ ຂອງ ສົມເດັດ ພະລາຊິນີ ຄົບຮອບ 95 ພັນສາ.

ເນື້ອໃນຂອງສານໄດ້ລະບຸວ່າ: ໃນນາມປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສົ່ງຄວາມຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງ ສົມເດັດ ພະລາຊິນີ ແລະ ຜ່ານສົມເດັດ ພະລາຊິນີ ໄປຍັງ ປະຊາຊົນເພື່ອນມິດ ແຫ່ງ ສະຫະຣາຊະອານາຈັກ ອັງກິດ ແລະ ອຽກລັງເໜືອ ທຸກຖ້ວນໜ້າ ຈົ່ງມີພະລານາໄມສົມບູນ, ມີຄວາມຜາສຸກ ແລະ ຈະເລີນຮຸ່ງເຮືອງ.

ຂ້າພະເຈົ້າ ເຊື່ອໝັ້ນວ່າ ດ້ວຍຄວາມພະຍາຍາມຮ່ວມກັນ, ສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງສອງປະເທດພວກເຮົາ ຈະສືບຕໍ່ໄດ້ຮັບການເສີມຂະຫຍາຍ ໃຫ້ເຂັ້ມແຂງຍິ່ງໆຂຶ້ນໃນຊຸມປີຕໍ່ໜ້າ ເພື່ອຜົນປະໂຫຍດຮ່ວມກັນ ຂອງປະຊາຊົນທັງສອງຊາດພວກເຮົາ.

--------------------------------------------------------------------------------------------------------

ຜູ້ນຳເຮົາສົ່ງສານຂອບໃຈເຖິງຄູ່ຮ່ວມຕຳແໜ່ງ



ຂປລ. ເມື່ອບໍ່ດົນມານີ້, ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ໄດ້ສົ່ງສານຂອບໃຈ ເຖິງ ທ່ານ ອາເລັກຊານເດີ ຟານແດແບເລນ ປະທານາທິບໍດີ ແຫ່ງ ສາທາລະນະລັດ ໂອຕຣິດ.

ເນື້ອນໃນສານລະບຸວ່າ: ຂ້າພະເຈົ້າ ຂໍສະແດງຄວາມ ຂອບໃຈຢ່າງຈິງໃຈ ຕໍ່ຄຳຊົມເຊີຍ ແລະ ພອນໄຊ ອັນປະເສີດຂອງທ່ານ ມາຍັງ ຂ້າພະເຈົ້າ ເນື່ອງໃນໂອກາດທີ່ ຂ້າພະເຈົ້າ ໄດ້ຮັບການເລືອກຕັ້ງເປັນປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

ຂ້າພະເຈົ້າ ມີຄວາມປິຕິຍິນດີເປັນຢ່າງຍິ່ງ ທີ່ເຫັນວ່າ ສາຍພົວພັນມິດຕະພາບ ແລະ ການຮ່ວມມື ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ໂອຕຣິດ ໄດ້ຮັບການເສີມຂະຫຍາຍ ຢ່າງຕໍ່ເນື່ອງ ໃນຊຸມປີທີ່ຜ່ານມາ.

ຂ້າພະເຈົ້າ ເຊື່ອໝັ້ນຢ່າງຍິ່ງວ່າ ດ້ວຍຄວາມພະຍາຍາມຮ່ວມມກັນ ສາຍພົວພັນອັນທີ່ດີງາມ ລະຫວ່າງ ສອງປະເທດພວກເຮົາ ຈະສືບຕໍ່ໄດ້ຮັບການຮັດແໜ້ນ   ແລະ ແຕກດອກອອກຜົນຍິ່ງໆຂຶ້ນ ໃນຊຸມປີຕໍ່ໜ້າ ເພື່ອຜົນປະໂຫຍດ ຂອງປະຊາຊົນສອງຊາດພວກເຮົາ.

ອວຍພອນໄຊອັນປະເສີດ ມາຍັງທ່ານ ຈົ່ງມີສຸຂະພາບແຂງແຮງ, ມີຄວາມຜາສຸກ, ປະສົບຜົນສຳ ເລັດ ໃນໜ້າທີ່ອັນສູງສົ່ງຂອງທ່ານ ແລະ ອວຍພອນ ປະຊາຊົນໂອຕຣິດ ທຸກຖ້ວນໜ້າ ຈົ່ງມີຄວາມວັດທະນະຖາວອນ.

------------------------------------------------------------------------------------------------------

ສານສະແດງຄວາມຊົມເຊີຍ ປະທານປະເທດ ແຫ່ງ ສປປ ລາວ

ຂປລ. ໃນວັນທີ 9 ມິຖຸນາ 2021, ທ່ານ ໂປນ ບີຢາ ປະທານາທິບໍດີ ແຫ່ງ ສາທາລະນະລັດ ກາເມຣຸນ ໄດ້ສົ່ງສານສະແດງຄວາມຊົມເຊີຍ ເຖິງ ທ່ານ ທອງລຸນ ສີສຸລິດ ໃນໂອກາດທີ່ໄດ້ຮັບເລືອກຕັ້ງເປັນປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

      ເນື້ອໃນສານລະບຸວ່າ: ຂ້າພະເຈົ້າ ມີຄວາມຍິນດີເປັນຢ່າງຍິ່ງ ສະແດງຄວາມຊົມເຊີຍ ຢ່າງອົບອຸ່ນ ແລະ ຈິງໃຈ ມາຍັງ ທ່ານ ທີ່ໄດ້ຮັບການເລືອກຕັ້ງ ໃຫ້ເປັນຜູ້ນຳສູງສຸດຂອງປະເທດ ໂດຍສະພາແຫ່ງຊາດລາວ. ຂ້າພະເຈົ້າ ຂໍອວຍພອນໃຫ້ພະນະທ່ານ ຈົ່ງປະສົບຜົນສຳເລັດໃນໜ້າ ທີ່ອັນສູງສົ່ງຂອງທ່ານ.

      ໂອກາດດຽວກັນ, ທ່ານ ອັບເດລ ຟາຕາ ອາລ ຊີຊີ ປະທານາທິບໍດີ ແຫ່ງ ສາທາລະນະລັດ ອາຣັບ ເອຢິບ ກໍໄດ້ສົ່ງສານສະແດງ ຄວາມຊົມເຊີຍ ເຖິງ ທ່ານ ທອງລຸນ ສີສຸລິດ ໃນໂອກາດທີ່ໄດ້ຮັບເລືອກຕັ້ງເປັນປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

      ເນື້ອໃນສານລະບຸວ່າ: ໃນນາມຕາງໜ້າລັດຖະບານ ແລະ ປະຊາຊົນ ເອຢິບ, ຂ້າພະເຈົ້າ ມີຄວາມປິຕິຍິນດີເປັນຢ່າງຍິ່ງ ສົົ່ງຄຳຊົມເຊີຍຢ່າງຈິງໃຈ ມາຍັງ ທ່ານ ທີ່ໄດ້ຮັບເລືອກຕັ້ງເປັນປະທານປະ ເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ຂໍອວຍພອນໃຫ້ພະນະທ່ານ ຈົ່ງປະສົບຜົນສຳເລັດໃນການປະຕິບັດໜ້າທີ່ ທີ່ປະຊາຊົນລາວ ມີຄວາມເຊື່ອໝັ້ນ ຕໍ່ການຊີ້ນຳ-ນຳພາຂອງທ່ານ.

      ຂ້າພະເຈົ້າ ຂໍຖືໂອກາດອັນດີນີ້, ຢືນຢັນທີ່ຈະເຮັດວຽກຮ່ວມກັບທ່ານ  ເພື່ອຜົນປະໂຫຍດທີ່ດີທີ່ສຸດຂອງສອງປະເທດ ແລະ ປະຊາຊົນສອງຊາດເພື່ອນມິດພວກເຮົາ.

      ພ້ອມກັນນັ້ນ, ທ່ານ ນານາ ແອດໂດ້ ດັ້ງວາ ອາຄຸໂຟ-ແອດໂດ້ ປະທານາທິບໍດີ ແຫ່ງ ສາທາລະ ນະລັດ ການາ ກໍໄດ້ສົ່ງສານສະແດງຄວາມຊົມເຊີຍ ເຖິງ ທ່ານ ທອງລຸນ ສີສຸລິດ ໃນໂອກາດທີ່ໄດ້ຮັບເລືອກຕັ້ງເປັນປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

      ເນື້ອໃນສານລະບຸວ່າ: ໃນນາມຕາງໜ້າປະຊາຊົນ ແຫ່ງ ສາທາລະນະລັດ ການາ ແລະ ໃນນາມສ່ວນຕົວ, ຂ້າພະເຈົ້າ ຂໍສະແດງຄວາມຊົມເຊີຍ ມາຍັງ ທ່ານ ເນື່ອງໃນໂອກາດໄດ້ຮັບເລືອກຕັ້ງ ເປັນ ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

ການຖືກເລືອກຕັ້ງເປັນ ປະທານປະເທດຂອງທ່ານ ແມ່ນເປັນການສະແດງໃຫ້ເຫັນເຖິງຄວາມໄວ້ເນື້ອເຊື່ອໃຈ ແລະ ຄວາມເຊື່ອໝັ້ນ ຂອງປະຊາຊົນລາວ ທີ່ມີຕໍ່ ທ່ານຢ່າງແທ້ຈິງ. ຂ້າພະເຈົ້າ ເຊື່ອໝັ້ນວ່າ ທ່ານ ຈະສາມາດປະຕິບັດໜ້າທີ່ ຂອງທ່ານໄດ້ຢ່າງດີເລີດ ແລະ ຫວັງວ່າ ຈະໄດ້ເຮັດວຽກຮ່ວມກັບທ່ານຢ່າງໃກ້ຊິດ ເພື່ອເສີມຂະຫຍາຍ ສາຍພົວພັນມິດຕະພາບ ແລະ ການຮ່ວມມືອັນດີທີ່ມີຢູ່ແລ້ວນັ້ນ ລະຫວ່າງສອງປະເທດ ແລະ ປະຊາຊົນ ສອງຊາດພວກເຮົາ.

ຂ້າພະເຈົ້າຂໍຖືໂອກາດນີ້ ອວຍພອນໃຫ້ທ່ານ ຈົ່ງມີພະລານາໄມສົມບູນ, ປະສົບຜົນສຳເລັດໃນວາ ລະການດຳລົງຕຳແໜ່ງ ແລະ ຂໍອວຍພອນໄຊ ອັນປະເສີດໃຫ້ທ່ານ, ລັດຖະບານ ແລະ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ສືບຕໍ່ມີຄວາມກ້າວໜ້າ ແລະ ຈະເລີນຮຸ່ງເຮືອງຍິ່ງໆຂຶ້ນ.



=======================================================================

ການນຳຂັ້ນສູງຂອງລາວສົ່ງສານຊົມເຊີຍເຖິງຄູ່ຮ່ວມຕຳແໜ່ງ



ຂປລ. ວັນທີ 20 ພຶດສະພາ 2021 ນະຄອນຫລວງວຽງຈັນ ທ່ານ ພັນຄໍາ ວິພາວັນນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ  ​​ໄດ້ສົ່ງສານສະແດງຄວາມຊົມເຊີຍ ເຖິງທ່ານ ຄິມ ບູຄຽມ ນາຍົກລັດຖະມົນຕີແຫ່ງ ສາທາລະນະລັດ ເກົາຫລີ ເນື່ອງໃນໂອກາດ ທີ່ໄດ້ຮັບການແຕ່ງຕັ້ງ ໃຫ້ດຳລົງຕຳແໜ່ງ ນາຍົກລັດຖະມົນຕີ ແຫ່ງສາທາລະນະລັດ ເກົາຫລີ.

​ເນື້ອ​ໃນ​ສານ​ລະບຸ​ວ່າ: ໃນນາມລັດຖະບານ ແລະ ປະຊາຊົນລາວ ທຸກທົ່ວໜ້າ ກໍຄື ໃນນາມສ່ວນຕົວ, ຂ້າພະເຈົ້າຂໍສະແດງຄວາມຊົມເຊີຍອັນອົບອຸ່ນ ມາຍັງທ່ານ ເນື່ອງໃນໂອກາດທີ່ທ່ານ ໄດ້ຮັບການແຕ່ງຕັ້ງ ໃຫ້ດຳລົງຕຳແໜ່ງ ນາຍົກລັດຖະມົນຕີ ແຫ່ງສາທາລະນະລັດ ເກົາຫລີ.

ຂ້າພະເຈົ້າມີຄວາມຍິນດີ ທີ່ຈະເຮັດວຽກຮ່ວມກັບທ່ານ ເພື່ອສືບຕໍ່ຮັດແໜ້ນ ສາຍພົວພັນມິດຕະພາບແລະການຮ່ວມມືອັນດີງາມລະຫວ່າງສປປ​ ​ລາວແລະ.ເກົາຫລີໃຫ້ຂະຫຍາຍ ຕົວຍິ່ງໆຂຶ້ນ ໃນຊຸມປີຕໍ່ໜ້າ ເພື່ອຜົນປະໂຫຍດ ຮ່ວມກັນຂອງ ປະຊາຊົນສອງຊາດພວກເຮົາ ກໍ່ຄື ເພື່ອສັນຕິພາບ, ສະຖຽນລະພາບ ແລະ ການຮ່ວມມືເພື່ອ ການພັດທະນາ ຢູ່ໃນພາກພື້ນ ແລະ ສາກົນ.

ຂ້າພະເຈົ້າ ຂໍຖືໂອກາດນີ້ ອວຍພອນໄຊອັນປະເສີດມາຍັງ​​ທ່ານ ຈົ່ງມີພະລານາໄມສົມບູນ, ມີຄວາມຜາສຸກ ແລະ ປະສົບຜົນສຳເລັດ ໃນໜ້າທີ່ອັນສູງສົ່ງຂອງທ່ານ.








---------------------------------------------------------

ສານ​ຕອບ​ສະ​ແດງ​ຄວາມ​ຂອບ​ໃຈ



ຂປລ. ​ໃນ​ວັນ​ທີ 24 ພຶດສະພາ 2021 ທີ່​ນະຄອນຫລວງວຽງຈັນ, ທ່ານ ພັນຄຳ ວິພາວັນ ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ  ​​ໄດ້ສົ່ງສານຕອບສະແດງຄວາມຂອບໃຈເຖິງ ທ່ານ ເຣີເຊັບໄຕ ຢິບແອໂດກັນ ປະທານາທິບໍດີ ແຫ່ງ ສາທາລະນະລັດ ຕວັກກີ.

ເນື້ອໃນສານລະບຸວ່າ:​ ຂ້າພະເຈົ້າ ຂໍສະແດງຄວາມຂອບໃຈ ຢ່າງຈິງໃຈ ມາຍັງ ທ່ານສຳລັບສານຊົມເຊີຍ ຂອງທ່ານ ເນື່ອງໃນໂອກາດທີ່ ຂ້າພະເຈົ້າ ໄດ້ຮັບການເລືອກຕັ້ງ ໃຫ້ດຳລົງຕຳແໜ່ງເປັນ ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

ຂ້າພະເຈົ້າ ຫວັງວ່າ ຈະໄດ້ຮ່ວມເຮັດວຽກກັບທ່ານ ເພື່ອສືບຕໍ່ເສີມຂະຫຍາຍສາຍ ພົວພັນມິດຕະພາບ ແລະ ການຮ່ວມມື ລະຫວ່າງ ສອງປະເທດ ຂອງພວກເຮົາ ໃຫ້ເຂັ້ມແຂງ, ທັງໃນຂອບສອງຝ່າຍ ແລະ ຫລາຍຝ່າຍ, ເພື່ອຜົນປະໂຫຍດ ຂອງສອງຊາດພວກເຮົາ.

ຂ້າພະເຈົ້າ ຂໍຖືໂອກາດນີ້ ອວຍພອນໃຫ້ທ່ານ ຈົ່ງມີສຸຂະພາບເຂັ້ມແຂງ, ພະລານາໄມສົມບູນ ແລະ ປະສົບຜົນສຳເລັດ ທຸກປະການໃນໜ້າ ທີ່ອັນສູງສົ່ງຂອງຕົນ. ພ້ອມກັນນັ້ນ, ກໍຂໍໃຫ້ປະຊາຊົນຕວັກກີ ຈົ່ງມີຄວາມຜາສຸກ ແລະ ຈະເລີນຮຸ່ງເຮືອງຕະຫລອດໄປ.



------------------------------------------------------------------------

ປະທານປະເທດ ແຫ່ງ ສາທາລະນະລັດ ເກຣັກ ສົ່ງສານຊົມເຊີຍ

ເຖິງປະທານປະເທດ ແຫ່ງ ສປປ ລາວ

ຂປລ. ເມື່ອບໍ່ດົນມານີ້, ທ່ານ ນາງ Katerina Sakellaropoulou ປະທານປະເທດ ແຫ່ງ ສາທາລະນະລັດ ເກຣັກ ໄດ້ສົ່ງສານສະແດງຄວາມຊົມເຊີຍ ເຖິງ ທ່ານ ທອງລຸນ ສີສຸລິດ ປະທານປະ ເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

ເນື້ອໃນຂອງສານໄດ້ລະບຸວ່າ: ຂ້າພະເຈົ້າ ຂໍສະແດງຄວາມຊົມເຊີຍ ມາຍັງທ່ານ ທີ່ໄດ້ຮັບເລືອກຕັ້ງໃຫ້ດຳລົງຕຳແໜ່ງ ເປັນປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

ຂ້າພະເຈົ້າ ເຊື່ອໝັ້ນວ່າ ໄລຍະການດຳລົງຕຳແໜ່ງຂອງທ່ານ ຈະເຕັມໄປດ້ວຍໝາກຜົນ ເພື່ອຜົນປະໂຫຍດ ຂອງສອງປະເທດ ແລະ ປະຊາຊົນ ສອງຊາດພວກເຮົາ. ຂ້າພະເຈົ້າ ຂໍອວຍພອນໄຊ ອັນປະເສີດ ມາຍັງທ່ານ ຈົ່ງປະສົບຜົນສໍາເລັດ ທຸກປະການ ໃນພາລະກິດອັນໃໝ່ທີ່ສໍາຄັນ ແລະ ທ້າທາຍຂອງຕົນ.



------------------------------------------------------------------------------------

ນາຍົກລັດຖະມົນຕີີ  ແຫ່ງ ສາທາລະນະລັດ ເກຣັກ

ສົ່ງສານສະແດງຄວາມຊົມເຊີຍເຖິງຄູ່ຮ່ວມຕຳແໜ່ງ



ຂປລ. ເມື່ອບໍ່ດົນມານີ້, ທີ່ນະຄອນຫລວງເອເທນ, ທ່ານ Kyriakos Mitsotakis ນາຍົກລັດຖະມົນຕີີ ແຫ່ງ ສາທາລະນະລັດເກຣັກ ໄດ້ສົ່ງສານສະແດງຄວາມຊົມເຊີຍ ເຖິງ ທ່ານ ພັນຄໍາ ວິພາວັນ ນາ ຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

ເນື້ອໃນຂອງສານໄດ້ລະບຸວ່າ: ຂ້າພະເຈົ້າ ຂໍສະແດງຄວາມຊົມເຊີຍ ມາຍັງທ່ານ ທີ່ໄດ້ຮັບເລືອກຕັ້ງ ໃຫ້ດຳລົງຕຳແໜ່ງ ເປັນນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ. ຂ້າພະເຈົ້າ ເຊື່ອໝັ້ນວ່າ ໃນໄລຍະທີ່ທ່ານດຳລົງຕຳແໜ່ງ ຈະນໍາຜົນປະໂຫຍດອັນດີ ມາສູ່ການພົວພັນ ສອງຝ່າຍຂອງພວກເຮົາ.

ຂ້າພະເຈົ້າ ຂໍອວຍພອນໄຊອັນປະເສີດ ມາຍັງທ່ານ ຈົ່ງປະສົບຜົນສໍາເລັດ ໃນພາລະກິດອັນໃໝ່ທີ່ສໍາຄັນ ແລະ ທ້າທາຍຂອງທ່ານ.

-------------------------------------------------------------------------------

ໂທລະເລກສະແດງຄວາມເສົ້າສະຫລົດໃຈ

ຂປລ. ເມື່ອອາທິດຜ່ານມາ ທີ່ນະຄອນຫລວງວຽງຈັນ, ທ່ານ ພັນຄໍາ ວິພາວັນ ນາຍົກລັດຖະ ມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ສົ່ງໂທລະເລກສະແດງ ຄວາມເສົ້າສະຫລົດໃຈ ເຖິງ ທ່ານ ຮົງ ນໍາກິ ຮັກສາການ ນາຍົກລັດຖະມົນຕີ ແຫ່ງ ສາທາລະນະລັດ ເກົາຫລີ ທີ່ ນະຄອນຫລວງ ເຊອູນ.

ເນື້ອໃນຂອງສານໄດ້ລະບຸວ່າ: ຂ້າພະເຈົ້າ ມີຄວາມໂສກເສົ້າເປັນຢ່າງຍິ່ງ ທີ່ໄດ້ຮັບຂ່າວການເສຍຊີວິດຂອງ ທ່ານ ລີ ຮັນດົງ ອະດີດນາຍົກລັດຖະມົນຕີ ແຫ່ງ ສາທາລະນະລັດ ເກົາຫລີ ໃນວັນທີ 8 ພຶດສະພາ 2021 ທີ່ຜ່ານມາ.

ໃນນາມລັດຖະບານ ແລະ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ກໍຄື ໃນນາມສ່ວນຕົວ, ຂ້າພະເຈົ້າ ຂໍສະແດງຄວາມ ເສົ້າສະຫລົດໃຈຢ່າງສຸດຊຶ້ງ ແລະ ຂໍແບ່ງເບົາຄວາມໂສກເສົ້າ ມາຍັງລັດຖະບານ ແລະ ປະຊາຊົນ ແຫ່ງ ສາທາລະນະລັດ ເກົາຫລີ ກໍຄື ຄອບຄົວ ແລະ ຍາດພີ່ນ້ອງຂອງ ທ່ານ ລີ ຮັນດົງ ຕໍ່ການສູນເສຍໃນຄັ້ງນີ້.



ປະທານາທິບໍດີ ຟິລິບປິນ ສົ່ງຄຳຊົມເຊີຍ ເຖິງປະທານປະເທດ ແຫ່ງ ສປປ ລາວ

ຂປລ. ໃນວັນທີ 26 ມີນາ 2021, ທ່ານ ໂຣດຣິໂກ ໂຣອາ ດູເຕີເຕ້ ປະທານາທິບໍດີ ຟິລິບປິນ ໄດ້ສົ່ງຄຳຊົມເຊີຍ ເຖິງ ທ່ານ ທອງລຸນ ສີສຸລິດ ປະທານປະເທດ ແຫ່ງ ສາທາລະນະລັດ ປະຊາ ທິປະໄຕ ປະຊາຊົນລາວ.

ເນື້ອໃນຂອງສານລະບຸວ່າ: ຂ້າພະເຈົ້າຂໍສົ່ງຄຳຊົມເຊີຍ ອັນອົບອຸ່ນ ມາຍັງທ່ານ ທີ່ໄດ້ຮັບເລືອກຕັ້ງດຳລົງຕຳແໜ່ງ ເປັນປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

ຂ້າພະເຈົ້າ ພ້ອມດ້ວຍປະຊາຊົນ ຟິລິບປິນ ຂໍອວຍພອນໄຊມາຍັງທ່ານ ຈົ່ງປະສົບຜົນສຳເລັດ ໃນການປະຕິບັດ ໜ້າທີ່ໃໝ່ຂອງທ່ານ ເພື່ອສັນຕິພາບ, ຄວາມກ້າວໜ້າ ແລະ ຄວາມຈະເລີນຮຸ່ງເຮືອງຂອງປະຊາຊົນລາວ ແລະ ເຊື່ອໝັ້ນວ່າ ສາຍພົວພັນທີ່ດີເລີດ ລະຫວ່າງສອງປະເທດ ຂອງພວກເຮົາ ຈະໄດ້ຮັບ ການສືບຕໍ່ແຕກດອກອອກຜົນ ເພື່ອຜົນປະໂຫຍດຂອງປະຊາຊົນ ສອງຊາດຂອງພວກເຮົາ, ພາກພື້ນອາຊຽນ ແລະ ໃນໂລກ.

ຂ້າພະເຈົ້າ ພ້ອມແລ້ວທີ່ຈະໄດ້ສືບຕໍ່ ເຮັດວຽກຮ່ວມກັບທ່ານ ຢ່າງໃກ້ຊິດ ເພື່ອຟື້ນຟູເສດຖະກິດ ແລະ ຮັບປະກັນຄວາມຍືນຍົງ ທາງດ້ານເສດຖະກິດ ຈາກການລະບາດ ຂອງພະຍາດໂຄວິດ-19.

-------------------------

ສານເສົ້າສະຫລົດໃຈ

ຂປລ. ​ໃນ​ວັນ​ທີ 10 ພຶດສະພາ 2021 ທ່ານ ພັນຄຳ ວິພາວັນນາຍົກລັດຖະມົນຕີແຫ່ງ ສາທາລະນະລັດ ປະຊາທິປະໄຕ ປະຊາຊົນລາວໄດ້​ສົ່ງ​ສານ​ເສົ້າ​ສະຫລົດ​ໃຈ ​ເຖິງ ທ່ານ ເຣີ​ເຊັບ ໄຕ​ຢິບ ແອ​ໂດ​ກັນປະ​ທາ​ນາ​ທິ​ບໍ​ດີ ແຫ່ງ ສາ​ທາ​ລະ​ນະ​ລັດ ຕວັກ​ກີ ທີ່ ອັງ​ກາ​ຣາ.

ເນື້ອໃນສານລະບຸວ່າ: ຂ້າ​ພະ​ເຈົ້າຮູ້ສຶກເສົ້າສະຫລົດໃຈຢ່າງສຸດຊຶ້ງ ທີ່ໄດ້ຮັບຂ່າວການເສຍຊີ ວິດ ຂອງທ່ານ ຢິວດີຣິມ ອາກບູລຸດ, ອະດີດນາຍົກລັດຖະມົນຕີ ແລະ ອະດີດປະທານສະພາແຫ່ງຊາດ ແຫ່ງ ສາທາລະນະລັດ ຕວັກກີ ໃນວັນທີ 14 ເມສາ 2021.

ໃນນາມຕາງໜ້າໃຫ້ລັດຖະບານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສະແດງຄວາມໄຫວ້ອາໄລຢ່າງສຸດຊຶ້ງ ແລະ ແບ່ງເບົາຄວາມທຸກເສົ້ານຳລັດຖະບານ ແຫ່ງ ສາທາລະນະລັດ ຕວັກກີ ໂດຍສະເພາະຄອບຄົວ ແລະ ຍາດຕິພີ່ນ້ອງຂອງ ຜູ້ເສຍຊີວິດ ຕໍ່ການສູນເສຍອັນໃຫຍ່ຫລວງຄັ້ງນີ້.

 ------------------------------------------------------------------

ສານອວຍພອນ

        ຂປລ. ໃນວັນທີ 7 ພຶດສະພາ 2021 ທ່ານ ພັນຄໍາ ວິພາວັນ ນາຍົກລັດຖະມົນຕີ ແຫ່ງສາທາ ລະນະລັດ ປະຊາທິປະໄຕ ປະຊາຊົນລາວ ໄດ້ສົ່ງສານອວຍພອນເຖິງ ທ່ານ ນາງ ເອີຊູລາ ວົນ ເດິະ ເລ ເຢນ ປະທານຄະນະກຳມາທິການເອີຣົບ.

ເນື້ອໃນສານລະບຸວ່າ: ເນື່ອງໃນໂອກາດວັນສ້າງຕັ້ງ ສະຫະພາບເອີຣົບ ຄົບຮອບ 71 ປີ, ຕາງໜ້າໃຫ້ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສົ່ງຄຳຊົມເຊີຍອັນອົບອຸ່ນມາຍັງ ທ່ານ ແລະ ຜ່ານທ່ານ ໄປຍັງປະຊາຊົນ ສະຫະພາບເອີຣົບ ທຸກຖ້ວນໜ້າ.

ຂ້າພະເຈົ້າ ເຊື່ອໝັ້ນຢ່າງຍິ່ງວ່າ ດ້ວຍຄວາມພະຍາຍາມ ຮ່ວມກັນຂອງພວກເຮົາ, ສາຍພົວພັນມິດ ຕະພາບ ແລະ ການຮ່ວມມືທີ່ດີ ລະຫວ່າງ ສປປ ລາວ ແລະ ສະຫະພາບເອີຣົບ ຈະສືບຕໍ່ໄດ້ຮັບການເສີມຂະຫຍາຍໃຫ້ເຂັ້ມແຂງ ແລະ ແຕກດອກອອກຜົນຍິ່ງໆຂຶ້ນໃນຊຸມປີຕໍ່ໜ້າ ເພື່ອຜົນປະໂຫຍດຂອງປະ ຊາຊົນຂອງພວກເຮົາ ກໍ່ຄື ເພື່ອສັນຕິພາບ, ສະຖຽນລະພາບ ແລະ ການຮ່ວມມືເພື່ອການພັດທະນາ ໃນພາກພື້ນ ແລະ ໃນທົ່ວໂລກ.

ຂ້າພະເຈົ້າ ຂໍອວຍພອນໃຫ້ທ່ານ ຈົ່ງມີສຸຂະພາບເຂັ້ມແຂງ, ມີພະລານາໄມສົມບູນ ແລະ ປະສົບຜົນສໍາເລັດທຸກປະການ ໃນໜ້າທີ່ອັນສູງສົ່ງຂອງຕົນ ແລະ ປະຊາຊົນ ສະຫະພາບເອີຣົບ ຈົ່ງມີແຕ່ຄວາມ ສຸກ ແລະ ຄວາມຈະເລີນຕະຫລອດກາລະນານ.


ລັດຖະມົນຕີຕ່າງປະເທດ ມາເລເຊຍ ສົ່ງສານສະແດງ

ຄວາມຊົມເຊີຍຄູ່ຮ່ວມຕໍາແໜ່ງ ສປປ ລາວ

ຂປລ. ເມື່ອບໍ່ດົນມານີ້, ທ່ານ ຮິຊາມມູດດິນ ຕຸນ ຮັດສ໌ເຊັນ ລັດຖະມົນຕີຕ່າງປະເທດ ມາເລເຊຍ ໄດ້ສົ່ງສານສະແດງ ຄວາມຊົມເຊີຍເຖິງ ທ່ານ ສະເຫລີມໄຊ ກົມມະສິດ ລັດຖະມົນຕີຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ທີ່ ນະຄອນຫລວງວຽງຈັນ.

ເນື້ອໃນຂອງສານໄດ້ລະບຸວ່າ: ຂ້າພະເຈົ້າ ມີຄວາມຮູ້ສຶກປິຕິຍິນດີເປັນຢ່າງຍິ່ງ ສົ່ງຄຳຊົມເຊີຍອັນອົບອຸ່ນມາຍັງທ່ານ ທີ່ໄດ້ຮັບແຕ່ງຕັ້ງເປັນ ລັດຖະມົນຕີຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ອີກສະໄໝໜຶ່ງ.

ມາເລເຊຍ ແລະ ສປປ ລາວ ມີສາຍພົວພັນທີ່ຍາວນານ ແລະ ການຮ່ວມມືສອງຝ່າຍທີ່ດີເລີດ, ຂ້າພະເຈົ້າ ຍິນດີທີ່ຈະສືບຕໍ່ຮ່ວມເຮັດວຽກກັບທ່ານ ເພື່ອເສີມຂະຫຍາຍການຮ່ວມມືສອງຝ່າຍ ໃນຫລາຍຂົງເຂດ ເພື່ອຜົນປະໂຫຍດ ຂອງປະເທດຊາດຂອງພວກເຮົາ. ຂ້າພະເຈົ້າ ຫວັງວ່າຈະໄດ້ຮ່ວມປືກສາຫາລືການຮ່ວມມືສອງຝ່າຍຢ່າງລະອຽດຮ່ວມກັບທ່ານ ໃນກອງປະຊຸມ ຄະນະກຳມາທິການຮ່ວມສອງຝ່າຍ ຄັ້ງທີ 4 ຫລື JC ຈັດຂຶ້ນທີ່ ສປປ ລາວ ໃນອະນາຄົດອັນໃກ້ນີ້.

ດ້ວຍຄວາມພະຍາຍາມຮ່ວມກັນ ຂອງພວກເຮົາໃນເວທີອາຊຽນ ເພື່ອແກ້ໄຂບັນຫາທີ່ເກີດຂຶ້ນ ຢູ່ໃນພາກພື້ນຂອງພວກເຮົາ ໂດຍຢຶດຖືຄວາມເປັນແກນກາງ ເພື່ອຮັບປະກັນຄວາມໝັ້ນຄົງ, ສະຖຽນລະພາບ ແລະຄວາມ ຈະເລີນຮຸ່ງເຮືອງຂອງປະຊາຄົມອາຊຽນ. ຂ້າພະເຈົ້າ ເຊື່ອໝັ້ນວ່າ ມາເລເຊຍ ແລະ ສປປ ລາວ ຈະຮັດແໜ້ນການພົວພັນຮ່ວມມື ຂອງພວກເຮົາທັງ ໃນຂອບຫລາຍຝ່າຍ ໃນບັນຫາທີ່ສອງຝ່າຍ ມີຄວາມສົນໃຈຮ່ວມກັນໃນຊຸມປີຕໍ່ໜ້າ.



ນາຍົກລັດຖະມົນຕີ ແຫ່ງ ມາເລເຊຍ ສົ່ງສານສະແດງຄວາມຊົມເຊີຍຄູ່ຮ່ວມຕໍາແໜ່ງ

ຂປລ. ເມື່ອບໍ່ດົນມານີ້, ທ່ານ ຕັນ ສຣິ ມູຢິດດິນ ຢັດຊິນ ນາຍົກລັດຖະມົນຕີ ແຫ່ງ ມາເລເຊຍ ໄດ້ສົ່ງສານສະແດງຄວາມຊົມເຊີຍ ເຖິງທ່ານ ພັນຄຳ ວິພາວັນ ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ທີ່ ນະຄອນຫລວງວຽງຈັນ.

ເນື້ອໃນຂອງສານລະບຸວ່າ: ໃນນາມລັດຖະບານ ແລະ ປະຊາຊົນ ມາເລເຊຍ, ຂ້າພະເຈົ້າ ຂໍສະ ແດງຄວາມຊົມເຊີຍ ອັນອົບອຸ່ນມາຍັງທ່ານ ທີ່ໄດ້ຮັບການແຕ່ງຕັ້ງ ເປັນນາຍົກລັດຖະມົນຕີ ແຫ່ງ ສາທາລະ ນະລັດ ປະຊາທິປະໄຕ ປະຊາຊົນລາວ. ຂ້າພະເຈົ້າເຊື່ອໝັ້ນວ່າ ພາຍໃຕ້ການນຳພາຂອງທ່ານ ສປປ ລາວ ຈະສືບຕໍ່ປະສົບ ຜົນສຳເລັດ ຕາມຄວາມມຸ້ງມາດປາຖະໜາ ຂອງປະຊາຊົນລາວທັງຊາດ. ຂ້າພະເຂົ້າ ຫວັງຢ່າງຍິ່ງວ່າ ສອງປະເທດຂອງພວກເຮົາ ຈະສືບຕໍ່ໄດ້ຮັບ ຜົນປະໂຫຍດ ຈາກການຮ່ວມມືທີ່ໃກ້ຊິດ, ມິດ ຕະພາບ ແລະ ການພົວພັນຮ່ວມມືສອງຝ່າຍ. ດັ່ງທີ່ປະເທດຊາດຂອງພວກເຮົາ ພວມສຸມໃສ່ການຟື້ນຟູ ເສດຖະກິດ ພາຍຫລັງການ ແຜ່ລະບາດ ຂອງພະຍາດໂຄວິດ-19, ມາເລເຊຍ ກໍ່ຍັງຈະສືບຕໍ່ເສີມຂະຫຍາຍການພົວພັນຮ່ວມມືກັບ ສປປ ລາວ. ຂ້າພະເຈົ້າ ຫວັງຢ່າງຍິ່ງວ່າ ມາເລເຊຍ ແລະ ສປປ ລາວ ຈະສາ ມາດເອົາຊະນະທຸກໆ ບັນຫາທີ່ກຳລັງປະເຊີນຢູ່ ໄປພ້ອມໆກັນ ແລະ ການໄປມາຫາສູ່ກັນລະຫວ່າງ ປະຊາຊົນສອງຊາດຂອງພວກເຮົາ ໃນອະນາຄົດອັນໃກ້ນີ້.

ຂ້າພະເຈົ້າ ຂໍຖືໂອກາດນີ້ ຢືນຢັນຄືນຄວາມມຸ້ງມາດ ປາຖະໜາຂອງມາເລເຊຍ ໃນການເຮັດວຽກຮ່ວມກັບ ສປປ ລາວ ເພື່ອບັນລຸເປົ້າໝາຍຂອງອາຊຽນ ແລະ ສ້າງບາດກ້າວໃໝ່, ສ້າງໃຫ້ອາຊຽນກາຍ ເປັນ ແກນກາງແຫ່ງສັນຕິພາບ ສະຖຽນລະພາບ ແລະ ຄວາມວັດທະນະຖາວອນ ໃນພາກພື້ນ. ຂ້າພະເຈົ້າ ຂໍຖືໂອກາດນີ້ຮຽນ ເຊີນທ່ານ ເດີນທາງຢ້ຽມຢາມທາງການ ທີ່ ມາເລເຊຍ ໃນເວລາທີ່ທ່ານມີຄວາມສະດວກ.



--------------------------------------------------------------------------

ສົມເດັດຣາຊາທິບໍດີ ແຫ່ງ ມາເລເຊຍ ສົ່ງສານສະແດງ

ຄວາມຊົມເຊີຍເຖິງປະທານປະເທດ ແຫ່ງ ສປປ ລາວ

ຂປລ. ເມື່ອບໍ່ດົນມານີ້ ທີ່ພະລາດສະວັງ ອິດສະຕານາ ເນກາຣາ ກົວລາລຳເປີ ປະເທດມາເລເຊຍສົມເດັດ ອັນ-ຊຸນຕັນ ອັບດຸນລາ ຣິ ອາຢາຕູດິນ ອັນ-ມຸສຕາຟາ ບິນລາ ຊາ ອິບນີ-ອັນມາຮຸມ ຊຸນຕັນ ຮາຈີ ອາມັດຊາ ອັນມູສຕາຟາ ອິນບິນລາ ສົມເດັດຣາຊາທິບໍດີ ແຫ່ງ ມາເລເຊຍ ໄດ້ສົ່ງສານສະແດງຄວາມຊົມເຊີຍ ເຖິງ ທ່ານ ທອງລຸນ ສີສຸລິດ ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ທີ່ນະຄອນຫລວງວຽງຈັນ.

ເນື້ອໃນສານລະບຸວ່າ: ເນື່ອງໃນໂອກາດອັນສະຫງ່າລາສີ ເປີດກອງປະຊຸມຄັ້ງປະຖົມມະລຶກ ຂອງສະພາແຫ່ງຊາດ ແຫ່ງ ສປປ ລາວ ສະໄໝທີ 11, ພວກຂ້າພະເຈົ້າ ຂໍສະແດງຄວາມຊົມເຊີຍ ອັນອົບອຸ່ນມາຍັງທ່ານ ທີ່ໄດ້ຮັບເລືອກຕັ້ງ ເປັນປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

ພວກຂ້າພະເຈົ້າ ມີຄວາມປິຕິຍິນດີເປັນຢ່າງຍິ່ງ ຕໍ່ກັບສາຍພົວພັນທີ່ດີເລີດ ແລະ ອົບອຸ່ນ ລະຫວ່າງ ມາເລເຊຍ ແລະ ສປປ ລາວ. ພວກຂ້າພະເຈົ້າ ຫວັງວ່າ ສອງປະເທດຂອງພວກເຮົາ ຈະສືບຕໍ່ຮັດແໜ້ນເພື່ອຜົນປະໂຫຍດ ຂອງສອງຊາດຂອງພວກເຮົາ.

ຂ້າພະເຈົ້າ ແລະ ສົມເດັດ ມະເຫສີ ຣາຈາ ເປີໄມຊູຣິ ຂໍອວຍພອນໄຊອັນປະເສີດ ມາຍັງທ່ານ ແລະ ພັນລະຍາ ທ່ານ ນາງ ນາລີ ສີສຸລິດ ຈົ່ງມີສຸຂະພາບເຂັ້ມແຂງ ມີຄວາມຜາສຸກ ແລະ ສາທາລະນະລັດ ປະຊາທິປະໄຕ ປະຊາຊົນລາວ ສືບຕໍ່ມີຄວາມສະຫງົບສຸກ ແລະ ມີຄວາມວັດທະນະຖາວອນຕະ ຫລອດໄປ.

-------------------------------------------------------------------

ປະທານປະເທດແຫ່ງ ສປປ ລາວ ໄດ້ຮັບສານຊົມເຊີຍຈາກ

ປະທານາທິບໍດີ ແຫ່ງລັດປາແລັດສະຕິນ



ຂປລ. ໃນວັນທີ 6 ເມສາ 2021 ທ່ານ ທອງລຸນ ສີສຸລິດ ປະທານປະເທດແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ຮັບສານຊົມເຊີຍ ຈາກ ທ່ານ ມາມູດອັບບາດປະທານາທິບໍດີ ແຫ່ງລັດປາແລັດສະຕິນ, ປະທານຄະນະກຳມະການ ອົງການປົດປ່ອຍປາແລັດສະຕິນເນື່ອງໃນໂອກາດ ທີ່ໄດ້ຮັບເລືອກຕັ້ງ ເປັນປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະ ຊາຊົນລາວ.

ເນື້ອໃນສານລະບຸວ່າ: ເນື່ອງໃນໂອກາດທີ່ທ່ານ ໄດ້ຮັບເລືອກຕັ້ງເປັນ ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໂດຍສະພາແຫ່ງຊາດລາວ, ໃນນາມປະຊາຊົນ ແລະ ລັດປາແລັດສະຕິນ ແລະ ໃນນາມສ່ວນຕົວ, ຂ້າພະເຈົ້າ ມີຄວາມປິຕິຍິນດີ ເປັນຢ່າງຍິ່ງ ສົ່ງຄໍາຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງທ່ານ ແລະ ອວຍພອນທ່ານ ຈົ່ງນໍາພາທຸກຄວາມສໍາເລັດ ໃນພາລະກິດອັນສູງສົ່ງ ທີ່ໄດ້ຖືກມອບໝາຍຄວາມໄວ້ວາງໃຈ ເພື່ອບັນລຸຕາມເປົ້າໝາຍ ແລະ ຄວາມມຸ້ງຫວັງຂອງທ່ານ ແລະ ປະຊາຊົນລາວ ເພື່ອນມິດ.



ຂ້າພະເຈົ້າ ຂໍຖືໂອກາດອັນສະຫງ່າລາສີນີ້, ສະແດງຄວາມມຸ້ງມາດ ປາດຖະໜາ ທີ່ຈະໄດ້ເຮັດວຽກຮ່ວມກັບທ່ານ ເພື່ອເສີມຂະຫຍາຍ ສາຍພົວພັນມິດຕະພາບ ແລະ ຄວາມເຄົາລົບນັບຖື ທີ່ເປັນຜົນປະໂຫຍດຮ່ວມກັນ ຂອງສອງປະເທດ ແລະ ປະຊາຊົນສອງຊາດ ຂອງພວກເຮົາ ທີ່ມີມາແລ້ວນັ້ນ ແລະ ສະແດງຄວາມຮູ້ບຸນຄຸນ ຕໍ່ການສະໜັບສະໜູນ ປະຊາຊົນປາແລັດສະຕິນ ຂອງລາວ ເພື່ອໄດ້ມາຊຶ່ງສິດເສລີພາບ ອັນຊອບທໍາ ແລະ ເອກະລາດ.



ພວກຂ້າພະເຈົ້າ ຂໍອວຍພອນທ່ານ ຈົ່ງມີສຸຂະພາບເຂັ້ມແຂງ ແລະ ມີຄວາມສຸກ ແລະ ອວຍ ພອນໃຫ້ ສປປ ລາວ ແລະ ປະຊາຊົນລາວ ເພື່ອນມິດ ຈົ່ງມີຄວາມຜາສຸກ ແລະ ວັດທະນະຖາວອນ.



--------------------------------------------------------------------------------------------------------------------------

ການ​ນຳ​ຂັ້ນ​ສູງ​ຂອງ​ລາວ ​ໄດ້​ຮັບສານສະແດງຄວາມຊົມເຊີຍ ຈາກ​ຄູ່​ຮ່ວມ​ຕຳ​ແໜ່ງ



ຂປລ. ເມື່ອ​ບໍ່​ດົນ​ມາ​ນີ້, ທ່ານ ທອງລຸນ ສີສຸລິດປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວໄດ້ຮັບສານສະແດງ ຄວາມຊົມເຊີຍຈາກ ທ່ານ ອິນຮາມ ອາລີເຢບປະທານາທິບໍດີ ແຫ່ງ ສາທາລະນະລັດ ອາແຊັກໄບຊານ ໃນໂອກາດທີ່ໄດ້ຮັບ ການເລືອກຕັ້ງ ໃຫ້ດຳ ລົງຕໍາແໜ່ງເປັນ ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຄົນ​ໃໝ່.

ເນື້ອ​ໃນ​ສານ​ລະບຸ​ວ່າ: ຂ້າພະເຈົ້າ ຂໍສະແດງຄວາມຊົມເຊີຍ ຢ່າງຈິງໃຈມາຍັງທ່ານ ໃນໂອກາດທີ່ທ່ານ ໄດ້ຮັບການເລືອກຕັ້ງ ໃຫ້ດຳລົງຕໍາແໜ່ງເປັນ ປະທານປະເທດ ແຫ່ງ ສາທາລະນະລັດ ປະຊາທິ ປະໄຕ ປະຊາຊົນລາວ.

ຂ້າພະເຈົ້າ ເຊື່ອໝັ້ນວ່າ ດ້ວຍຄວາມພະຍາຍາມຮ່ວມກັນ, ສາຍພົວພັນມິດຕະພາບ ແລະ ການຮ່ວມມື ລະຫວ່າງ ອາແຊັກໄບຊານ ແລະ ສປປ ລາວ ຈະສືບຕໍ່ ພັດທະນາຍິ່ງໆຂຶ້ນ ແລະ ການຮ່ວມມືຂອງພວກເຮົາ ໃນຂອບຫລາຍຝ່າຍ,  ລວມທັງໃນຂອບຂະບວນ ການບໍ່ຮ່ວມກຸ່ມ ຈະດໍາເນີນຕໍ່ໄປ.

ຂ້າພະເຈົ້າ ຂໍສົ່ງຄໍາອວຍພອນ