ຂປລ
ປັດຈຸບັນ ການລົງທຶນ ຈາກເອີຣົບ ເຂົ້າມາ ສສ ຫວຽດນາມ ບັນລຸ ຫລາຍກວ່າ 30 ຕື້ໂດລາສະຫະລັດ. ບັນດານັກຊ່ຽວ ຊານ ເສດຖະກິດ ໃຫ້ຂໍ້ສັງເກດວ່າ ເງິນລົງທຶນໂດຍກົງ ຈາກຕ່າງປະເທດ (FDI) ຈາກເອີຣົບ ເຂົ້າມາ ສສ ຫວຽດນາມ ພວມມີທ່າອ່ຽງ ເພີ່ມຂຶ້ນຢ່າງແຮງ ໃນຊຸມປີມໍ່ໆມານີ້.
ຂປລ.ວິທະຍຸ ກະຈາຍສຽງ ຫວຽດນາມ, ປັດຈຸບັນ ການລົງທຶນ ຈາກເອີຣົບ ເຂົ້າມາ ສສ ຫວຽດນາມ ບັນລຸ ຫລາຍກວ່າ 30 ຕື້ໂດລາສະຫະລັດ. ບັນດານັກຊ່ຽວຊານ ເສດຖະກິດ ໃຫ້ຂໍ້ສັງ ເກດວ່າ ເງິນລົງທຶນໂດຍກົງ ຈາກຕ່າງປະເທດ (FDI) ຈາກເອີຣົບ ເຂົ້າມາ ສສ ຫວຽດນາມ ພວມມີທ່າອ່ຽງ ເພີ່ມຂຶ້ນຢ່າງແຮງ ໃນຊຸມປີມໍ່ໆມານີ້. ຕາມນັ້ນແລ້ວ, ປີ 2022 ຫວຽດ ນາມ ດຶງດູດ ເງິນລົງທຶນ FDI ຈາກເອີລົບໄດ້ 2,5 ຕື້ໂດລາສະຫະລັດ, ຮອດປີ 2024 ບັນລຸໄດ້ 3,25 ຕື້ໂດລາສະຫະລັດ. ທ່ານ ຫງວຽນຫ໋າຍມິງ, ຮອງປະທານສະມາຄົມ ວິສາຫະກິດ ເອີຣົບປະຈຳ ຫວຽດນາມ (Euro Cham), ໃຫ້ຮູ້ວ່າ ສສ ຫວຽດນາມ ແມ່ນປະເທດ ທີ່ພົ້ນເດັ່ນຂຶ້ນຢ່າງໄວວາ ໃນໄລຍະຜ່ານມາ, ເປັນຕົ້ນ ແມ່ນໃນສາຍຕາ ຂອງນັກລົງທຶນເອີລົບ. FDI ຈາກ ເອີລົບ ເຂົ້າມາ ສສ ຫວຽດນາມ ພວມມີ ທ່າ ອ່ຽງ ສຸມໃສ່ ເຂົ້າບັນດາຂົງເຂດໃໝ່ຄື: ພະລັງງານສະອາດ, ເຕັກໂນໂລຢີສູງ ຫລື ບັນດາສູນ logistics ເພື່ອຫັນ ສສ ຫວຽດນາມ ກາຍເປັນສູນຄ່ຽມຖ່າຍ ໃນພາກພື້ນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
