ຂປລ
ດ່ານພາສີ ຄຸນຫມິງ ແຈ້ງໃຫ້ຮູ້ວ່າ ເສັ້ນທາງລົດໄຟ ລາວ-ຈີນ ໄດ້ເປີດບໍລິການ ມາເປັນເວລາ ເກືອບ 4 ປີ, ໄດ້ຂົນສົ່ງ ສິນຄ້າ ນຳເຂົ້າ ແລະ ສົ່ງອອກເຖິງ 16 ລ້ານໂຕນ ຄິດເປັນ ມູນຄ່າເຖິງ 70 ຕື້ກວ່າຢວນ
ຂປລ.ວິທະຍຸ-ໂທລະພາບ ສູນກາງຈີນ, ເມື່ອບໍ່ດົນມານີ້, ດ່ານພາສີ ຄຸນຫມິງ ແຈ້ງໃຫ້ຮູ້ວ່າ ເສັ້ນທາງລົດໄຟ ລາວ-ຈີນ ໄດ້ເປີດບໍລິການ ມາເປັນເວລາ ເກືອບ 4 ປີ, ໄດ້ຂົນສົ່ງສິນຄ້າ ນຳເຂົ້າ ແລະ ສົ່ງອອກ ເຖິງ 16 ລ້ານໂຕນ ຄິດເປັນ ມູນຄ່າເຖິງ 70 ຕື້ກວ່າຢວນ, ປະເພດສິນ ຄ້ານຳເຂົ້າ ແລະ ສົ່ງອອກມີ 3.700 ກວ່າຊະນິດ,ບໍລິການວິສາຫະກິດ ທົ່ວປະເທດຈີນ ຫລາຍກວ່າ 6,000 ແຫ່ງ, ກວມເອົາ 19 ປະເທດ ແລະ ເຂດແຄວ້ນ ເຊັ່ນ: ສປ ລາວ ແລະ ໄທ ເປັນຕົ້ນ, ກາຍເປັນເສັ້ນທາງຄຳ ດ້ານການຂົນສົ່ງ ທີ່ເຊື່ອມໂຍງ ເຊື່ອມຈອດຈີນ ແລະ ປະເທດສະມາຊິກອາຊຽນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
