ຂປລ
ຈຳນວນເດັກເກີດໃໝ່ ເພີ່ມຂຶ້ນເປັນເດືອນທີ 15 ຕິດຕໍ່ກັນ ເນື່ອງຈາກ ການແຕ່ງງານ ເພີ່ມຂຶ້ນ. ໂດຍຈໍານວນ ເດັກເກີດໃໝ່ ລວມມີ 22.369 ຄົນ ໃນເດືອນກັນຍາ, ເພີ່ມຂຶ້ນ 8,6% ເມື່ອທຽບໃສ່ ປີກາຍນີ້
ຂປລ. ສຳນັກງານສະຖິຕິ ສ.ເກົາຫລີ ເປີດເຜີຍວ່າ: ຈຳນວນເດັກເກີດໃໝ່ ເພີ່ມຂຶ້ນເປັນເດືອນທີ 15 ຕິດຕໍ່ກັນ ເນື່ອງຈາກ ການແຕ່ງງານ ເພີ່ມຂຶ້ນ. ໂດຍຈໍານວນ ເດັກເກີດໃໝ່ ລວມມີ 22.369 ຄົນ ໃນເດືອນກັນຍາ, ເພີ່ມຂຶ້ນ 8,6% ເມື່ອທຽບໃສ່ ປີກາຍນີ້ , ເພີ່ມຂຶ້ນຢ່າງຕໍ່ເນື່ອງ ນັບຕັ້ງແຕ່ ເດືອນ ກໍລະກົດ ປີ 2024.
ໃນນັ້ນ ຈຳນວນການແຕ່ງານ ເພີ່ມຂຶ້ນ 20,1% ເປັນ 18.462 ຄູ່ ໃນເດືອນກັນຍາ ເມື່ອທຽບໃສ່ລາຍປີ, ໃນຂະນະທີ່ ຈຳນວນການຢ່າຮ່າງ ກໍເພີ່ມຂຶ້ນ 5,7% ລວມມີ 7.959 ຄູ່. ຢ່າງໃດກໍ່ຕາມ ສ. ເກົາຫລີ ຍັງຄົງມີຄວາມກັງວົນກ່ຽວກັບ ຄົນລຸ້ນໃໝ່ທີ່ ລໍຖ້າການມີລູກ ຫລື ຍອມບໍ່ມີລູກ ເນື່ອງຈາກ ບັນຫາເສດຖະກິດ ເຊັ່ນ: ລາຄາທີ່ຢູ່ ອາໄສເພີ່ມຂຶ້ນສູງ, ຄ່າການສຶກສາ ແລະ ບັນຫາວ່າງງານ ຂອງຊາວໜຸ່ມ ແລະ ອື່ນໆ. /
KPL
