ຂປລ
ນະໂຍບາຍພາສີ ຂອງ ສ.ອາເມລິກາ ແລະ ສະພາບການຄ້າ ທີ່ເຄັ່ງຕຶງ ເພີ່ມຂຶ້ນ ຢ່າງຕໍ່ເນື່ອງ ລະຫວ່າງ ສ.ອາເມລິກາ-ເອີຣົບ ທີ່ມີຜົນກະທົບ ຕໍ່ເສດຖະກິດ ເອີຣົບນັ້ນ ຄາດວ່າ ຈະຮ້າຍແຮງຂຶ້ນຢ່າງຫລວງຫລາຍໃນປີ 2026
ຂປລ.ວິທະຍຸ-ໂທລະພາບ ສູນກາງຈີນ, ເມື່ອບໍ່ດົນມານີ້, ສະພາການຄ້າ ແລະ ອຸດສາຫະກຳ ເອີຣົບ ປະກາດ ຜົນການສຳຫລວດ ສະບັບໜຶ່ງ ໂດຍສະແດງ ໃຫ້ເຫັນວ່າ: ນະໂຍບາຍພາສີ ຂອງ ສ.ອາເມລິກາ ແລະ ສະພາບການຄ້າ ທີ່ເຄັ່ງຕຶງ ເພີ່ມຂຶ້ນ ຢ່າງຕໍ່ເນື່ອງ ລະຫວ່າງ ສ.ອາເມລິກາ-ເອີຣົບ ທີ່ມີຜົນກະທົບ ຕໍ່ເສດຖະກິດ ເອີຣົບນັ້ນ ຄາດວ່າ ຈະຮ້າຍແຮງຂຶ້ນຢ່າງຫລວງຫລາຍໃນປີ 2026, ທັງອາດ ຈະສົ່ງຜົນຕາມມາ ຫລາຍຢ່າງ ເຊັ່ນ: ການລົງທຶນ ຂອງວິສາຫະກິດ ຫລຸດລົງຕື່ມອີກ ແລະ ການປະກອບ ອາຊີບ ຍາກຂຶ້ນ.ອີງຕາມການສໍາຫລວດດັ່ງກ່າວ, ໃນປີນີ້, ເນື່ອງຈາກ ວິສາຫະກິດຕ່າງໆ ໄດ້ນໍາໃຊ້ ມາດຕະການ ທີ່ແນໃສ່ ໄລຍະຍາວຫລາຍຢ່າງ ລວມທັງ ການປັບປຸງ ຕ່ອງໂສ້ ການສະໜອງລ່ວງໜ້າ ແລະ ການສັ່ງຈອງວັດຖຸດິບ ທີ່ສໍາຄັນເປັນຕົ້ນ, ຜົນກະທົບ ດ້ານລົບຈາກຄວາມຂັດແຍ້ງ ດ້ານການຄ້າ ທີ່ມີຕໍ່ການເຕີບໂຕ ດ້ານເສດຖະກິດ ລວມຂອງເຂດ ໃຊ້ເງິນເອີໂຣ ຈຶ່ງບໍ່ຫລາຍປານໃດ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
