ຂປລ
ໃນທົ່ວໂລກ, ມີປະຊາຊົນ ຫລາຍລ້ານຄົນ ຢ່າງໜ້ອຍ 16 ພາກພື້ນ ອາດຈະຜະເຊີນກັບ ບັນຫາອຶດຫິວ, ການຂາດເຂີນເງິນທຶນຊ່ວຍເຫລືອສາກົນ ເຮັດໃຫ້ສະພາບການ ໜັກໜ່ວງ ຂຶ້ນຕື່ມ.
ຂປລ.ວິທະຍຸ-ໂທລະພາບ ສູນກາງຈີນ, ວັນທີ 12 ພະຈິກນີ້, ອົງການ ອາຫານ ແລະ ການກະເສດ ຫລື FAO ແລະ ອົງການ ອາຫານໂລກ ຂອງອົງການ ສະຫະ ປະຊາຊາດ ຫລື WFP ໄດ້ຮ່ວມກັນ ເປີດເຜີຍ ບົດລາຍງານ ໂດຍເຕືອນວ່າ: ໃນທົ່ວໂລກ, ມີປະຊາຊົນ ຫລາຍລ້ານຄົນ ຢ່າງໜ້ອຍ 16 ພາກພື້ນ ອາດຈະຜະເຊີນກັບ ບັນຫາອຶດຫິວ, ການຂາດເຂີນ ເງິນທຶນ ຊ່ວຍເຫລືອ ສາກົນ ເຮັດໃຫ້ສະພາບການ ໜັກໜ່ວງຂຶ້ນຕື່ມ. 2 ອົງການຈັດຕັ້ງດັ່ງກ່າວ ໄດ້ຮຽກຮ້ອງ ໃຫ້ປະຊາຄົມໂລກ ເພີ່ມການຊ່ວຍເຫລືອ ເພື່ອປ້ອງກັນ ບໍ່ໃຫ້ວິກິດ ດ້ານມະນຸດສະທຳ ຮ້າຍແຮງຂຶ້ນຕື່ມ. ເນື້ອໃນບົດລາຍງານລະບຸວ່າ: ໃນປະເທດ ແລະ ເຂດແຄວ້ນ ທີ່ມີຄວາມສ່ຽງສູງ ຈຳນວນຫລາຍ, ການປະທະກັນ ແລະ ການໃຊ້ຄວາມຮຸນແຮງ ແມ່ນສາເຫດຕົ້ນຕໍ ທີ່ເຮັດໃຫ້ເກີດວິກິດການ ດ້ານສະບຽງອາຫານ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
