ຂປລ
ຂປລ. ເມື່ອບໍ່ດົນມານີ້, ຢູ່ຫ້ອງການສະຫະປະຊາຊາດທີ່ເຊີແນວ, ສະມາພັນທະລັດສະວິດ, ທ່ານ ດາວວີ ວົງໄຊ ໄດ້ເຂົ້າຢ້ຽມຂ່ຳນັບ ແລະ ຍື່ນສານຕາຕັ້ງຕໍ່ ທ່ານ ນາງ ທາທີຢານາ ວາໂລວາຢາ (Tatiana Valovaya) ຜູ້ອຳນວຍການໃຫຍ່ ຫ້ອງການອົງການສະຫະປະຊາຊາດ (ສປຊ) ທີ່ເຊີແນວ, ສະມາພັນທະລັດສະວິດ ເພື່ອດຳລົງຕຳແໜ່ງເປັນ ເອກອັກຄະລັດຖະທູດ ວິສາມັນຜູ້ມີອຳນາດເຕັມ, ຜູ້ຕາງໜ້າຖາວອນແຫ່ງ ສປປ ລາວ ປະຈຳ ຫ້ອງການສະຫະປະຊາຊາດ ແລະ ອົງການຈັດຕັ້ງສາກົນອື່ນໆທີ່ເຊີແນວ, ສະມາພັນທະລັດສະວິດ.
ຂປລ. ເມື່ອບໍ່ດົນມານີ້, ຢູ່ຫ້ອງການສະຫະປະຊາຊາດທີ່ເຊີແນວ, ສະມາພັນທະລັດສະວິດ, ທ່ານ ດາວວີ ວົງໄຊ ໄດ້ເຂົ້າຢ້ຽມຂ່ຳນັບ ແລະ ຍື່ນສານຕາຕັ້ງຕໍ່ ທ່ານ ນາງ ທາທີຢານາ ວາໂລວາຢາ (Tatiana Valovaya)ຜູ້ອຳນວຍການໃຫຍ່ ຫ້ອງການອົງການສະຫະປະຊາຊາດ (ສປຊ) ທີ່ເຊີແນວ, ສະມາພັນທະລັດສະວິດ ເພື່ອດຳລົງຕຳແໜ່ງເປັນ ເອກອັກຄະລັດຖະທູດ ວິສາມັນຜູ້ມີອຳນາດເຕັມ, ຜູ້ຕາງໜ້າຖາວອນແຫ່ງ ສປປ ລາວ ປະຈຳ ຫ້ອງການສະຫະປະຊາຊາດ ແລະ ອົງການຈັດຕັ້ງສາກົນອື່ນໆທີ່ເຊີແນວ, ສະມາພັນທະລັດສະວິດ.
ໂອກາດດັ່ງກ່າວ, ທ່ານ ດາວວີ ວົງໄຊ ໄດ້ສະແດງຄວາມຂອບໃຈ ທ່ານ ນາງ ທາທີຢານາ ວາໂລວາຢາ ທີ່ໄດ້ໃຫ້ການຕ້ອນຮັບຢ່າງອົບອຸ່ນ ແລະ ເປັນກັນເອງ, ພ້ອມທັງໄດ້ຝາກຄຳຢື້ຢາມຖາມຂ່າວອັນອົບອຸ່ນ ຂອງ ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ເຖິງ ທ່ານ ອັນໂຕນີໂອ ກູເຕີເຣັສ ເລຂາທິການໃຫຍ່ ອົງການ ສປຊ ແລະ ທ່ານ ນາງ ທາທີຢານາ ວາໂລວາຢາ. ພ້ອມກັນນັ້ນ, ທັງສອງທ່ານ ຍັງໄດ້ແລກປ່ຽນຄຳຄິດຄຳເຫັນກ່ຽວກັບ ບາງບັນຫາພົ້ນເດັ່ນໃນຂອບວຽກ ສປຊ, ການຮ່ວມມືລະຫວ່າງ ອາຊຽນ ແລະ ອົງການ ສປຊ ກໍຄື ການຮ່ວມມື ລະຫວ່າງ ສປປ ລາວ ແລະ ອົງການ ສປຊ ໂດຍສະເພາະຄວາມຄືບໜ້າ ໃນການຈັດຕັ້ງປະຕິບັດເປົ້າໝາຍ ການພັດທະນາແບບຍືນຍົງ ລວມທັງເປົ້າໝາຍທີ 18 ກ່ຽວກັບຊີວິດທີ່ປອດໄພ ຈາກລະເບີດທີ່ບໍ່ທັນແຕກ ຂອງ ສປປ ລາວ, ການສົ່ງເສີມ ແລະ ການປົກປ້ອງສິດທິມະນຸດ ລວມທັງການສົ່ງເສີມບົດບາດຍິງ-ຊາຍ, ບົດບາດຂອງ ສປປ ລາວ ໃນການເປັນປະທານອາຊຽນ ໃນປີ 2024 ທີ່ຜ່ານມາ ແລະ ການຫລຸດພົ້ນອອກຈາກ ສະຖານະພາບປະເທດດ້ອຍພັດທະນາ ໃນປີ 2026 ຂອງ ສປປ ລາວ.
KPL
