ຂປລ
ຂປລ. ສູນວັດທະນະທຳຈີນ ປະຈຳລາວ ຈັດກິດຈະກໍາ ຊາສູ່ຄວາມປອງດອງ ພົບປະແລກປ່ຽນຕົ້ນລະດູບານໃໝ່ ແລະ ພິທີເປີດຫ້ອງຮຽນພາສາຈີນ ຊຸດຮຽນລະດູບານໃໝ່ ປະຈໍາປີ 2025 ໃນວັນທີ 24 ກຸມພາ 2025 ໂດຍມີ ທ່ານ ນາງ ຫລີຢີ່ຜິງ ຫົວໜ້າສູນວັດທະນະທໍາຈີນ ປະຈໍາ ສປປ ລາວ, ທ່ານ ນາງ ເບັນຈະມາດ ພົນຊຽງດີ ຮອງປະທານສະມາຄົມການທ່ອງທ່ຽວລາວ, ພ້ອມດ້ວຍແຂກຖືກເຊີນ ເຂົ້າຮ່ວມ.
ຂປລ. ສູນວັດທະນະທຳຈີນ ປະຈຳລາວ ຈັດກິດຈະກໍາ ຊາສູ່ຄວາມປອງດອງ ພົບປະແລກປ່ຽນຕົ້ນລະດູບານໃໝ່ ແລະ ພິທີເປີດຫ້ອງຮຽນພາສາຈີນ ຊຸດຮຽນລະດູບານໃໝ່ ປະຈໍາປີ 2025 ໃນວັນທີ 24 ກຸມພາ 2025 ໂດຍມີ ທ່ານ ນາງ ຫລີຢີ່ຜິງ ຫົວໜ້າສູນວັດທະນະທໍາຈີນ ປະຈໍາ ສປປ ລາວ, ທ່ານ ນາງ ເບັນຈະມາດ ພົນຊຽງດີ ຮອງປະທານສະມາຄົມການທ່ອງທ່ຽວລາວ, ພ້ອມດ້ວຍແຂກຖືກເຊີນ ເຂົ້າຮ່ວມ.
ພາຍໃນງານ, ນັກສິລະປະຊົງຊາ ຈາກນະຄອນຫວູໂຈວ ໄດ້ສະແດງການຊົງຊາ ດ້ວຍການເຄື່ອນ ໄຫວທີ່ຊໍານິຊໍານານ ພາຍໃນງານເຕັມໄປດ້ວຍກິນຫອມຂອງຊາ ເຊິ່ງຊາຫລິ້ວປາວ ມີລັກສະນະພິເສດຄື: “ສີແດງ, ເຂັ້ມຂຸ້ນ, ເກັບໄວ້ດົນ, ນຸ້ມນວນ” ແລະ ມີກິ່ນຫອມ ມີຊື່ສຽງມາແຕ່ສະໄໝລາສະວົງຊິ່ງ, ຊານີ້ໄດ້ຮັບເລືອກເປັນ 1 ໃນຊາ 24 ຊະນິດທີ່ມີຊື່ສຽງໃນປະເທດຈີນ ເຊິ່ງວິທີການຜະລິດຊາ ໄດ້ຮັບການຂຶ້ນທະບຽນເປັນມໍລະດົກ ວັດທະນະທໍານາມມະທໍາຂອງໂລກ.
ໃນໂອກາດນີ້, ທ່ານ ສຸນເປີນສູ້ ຫົວໜ້າພະແນກພັດທະນາອຸດສະຫະກໍາສາ ນະຄອນຫວູໂຈວ ແຂວງກວາງຊີ ສປ ຈີນ ໄດ້ໃຫ້ຮູ້ວ່າ: ຊາເປັນສື່ກາງໃນການແບ່ງປັນ ມິດຕະພາບອັນຍາວນານ ລະຫວ່າງລາວ-ຈີນ. ສອງປະເທດເຊື່ອມໂຍງກັນດ້ວຍພູເຂົາ ແລະ ແມ່ນໍ້າ, ມີວັດທະນະທໍາຄ້າຍຄືກັນ, ມິດຕະ ພາບລະຫວ່າງປະຊາຊົນສອງຊາດ ລາວ-ຈີນ ເປັນດັ່ງແມ່ນໍ້າລ້ານຊ້າງ-ແມ່ນໍ້າຂອງ ທີ່ໄຫລໄປໂດຍບໍ່ມີທີ່ສິ້ນສຸດ, ຊາກາຍເປັນສາຍເຊື່ອມໂຍງທີ່ສໍາຄັນ ໃຫ້ກັບສອງຊາດໂດຍຕະຫລອດມາ.
ຂ່າວ: ກິດຕາ
ພາບ: ເກດສະໜາ
KPL
