ຂປລ
ຂປລ. ໃນໂອກາດ ກຽມສະເຫລີມສະຫລອງວັນສ້າງຕັ້ງ ພັກປະຊາຊົນ ປະຕິວັດລາວ ຄົບຮອບ 70 ປີ ທ່ານ ເສີນ ຊຽງ ປະທານໂຮງແຮມລາດຊະວົງ ວັນດ້າວິສຕ້າ ໄດ້ສະແດງຄວາມຊົມເຊີຍ ຕໍ່ພັກປະຊາຊົນ ປະຕິວັດລາວ ຕະຫລອດ 70 ປີ ແຫ່ງການນຳພາຮອບດ້ານ ໂດຍສະເພາະໃນຂົງເຂດເສດຖະ ກິດ-ສັງຄົມ ພັກໄດ້ປະຕິບັດນະໂຍບາຍ ເປີດກວ້າງການລົງທຶນຕ່າງປະເທດ, ຊຸກຍູ້ການເປີດກວ້າງທາງດ້ານການຄ້າ, ການລົງທຶນ, ການບໍລິການ ແລະ ອື່ນໆ.
ຂປລ. ໃນໂອກາດກຽມສະເຫລີມສະຫລອງວັນສ້າງຕັ້ງ ພັກປະຊາຊົນ ປະຕິວັດລາວ ຄົບຮອບ 70 ປີ ທ່ານ ເສີນ ຊຽງ ປະທານໂຮງແຮມລາດຊະວົງ ວັນດ້າວິສຕ້າ ໄດ້ສະແດງຄວາມຊົມເຊີຍ ຕໍ່ພັກປະຊາຊົນ ປະຕິວັດລາວ ຕະຫລອດ 70 ປີ ແຫ່ງການນຳພາຮອບດ້ານ ໂດຍສະເພາະໃນຂົງເຂດເສດຖະ ກິດ-ສັງຄົມ ພັກໄດ້ປະຕິບັດນະໂຍບາຍ ເປີດກວ້າງການລົງທຶນຕ່າງປະເທດ, ຊຸກຍູ້ການເປີດກວ້າງທາງດ້ານການຄ້າ, ການລົງທຶນ, ການບໍລິການ ແລະ ອື່ນໆ.
ຕະຫລອດໄລຍະຜ່ານມາ, ພັກປະຊາຊົນ ປະຕິວັດລາວ ໄດ້ນຳພາພັດທະນາເສດຖະກິດຂອງປະເທດ ດ້ວຍການວາງແນວທາງແຜນນະໂຍບາຍ, ນຳພາຈັດຕັ້ງປະຕິບັດ ແລະ ຕິດຕາມກວດກາ ການຈັດຕັ້ງປະຕິບັດແນວທາງແຜນນະໂຍບາຍ ໃນຂົງເຂດການຄ້າ, ການລົງທຶນ ເພື່ອນຳເອົາຄວາມຢູ່ດີກິນດີມາໃຫ້ປະຊາຊົນ ເຊິ່ງໄດ້ມີຜົນສຳເລັດ ທີ່ເປັນຮູບປະທຳຫລາຍດ້ານ ເຮັດໃຫ້ຊີວິດການເປັນຢູ່ ຂອງປະຊາຊົນລາວບັນດາເຜົ່າ ດີຂຶ້ນຫລາຍເທົ່າເມື່ອທຽບກັບກ່ອນມີພັກນຳພາ.
ທ່ານ ເສີນ ຊຽງ ຍັງໃຫ້ຮູ້ອີກວ່າ: ໂຮງແຮມລາດຊະວົງ ວັນດ້າວິສຕ້າ ເປັນໂຮງແຮມທີ່ສູງທີ່ສຸດໃນນະຄອນຫລວງວຽງຈັນ ມີຄວາມສູງຈາກໜ້າດິນ 138 ແມັດ, ຊັ້ນທີ 37 ເປັນສະກາຍບາ ເປີດບໍລິການທຸກໆວັນ ເລີ່ມ 18:00-23:00ໂມງ. ປັດຈຸບັນ, ໂຮງແຮມໄດ້ເປີດໃຫ້ບໍລິການ ແລ້ວຢ່າງເຕັມຮູບແບບ ເຊັ່ນ: ການບໍລິການ ຫ້ອງພັກ, ອາຫານ ແລະ ເຄື່ອງດື່ມ. ນອກນີ້, ຍັງຮັບຈັດງານພາຍໃນໂຮງແຮມ ແລະ ນອກສະຖານທີ່. ໃນຕໍ່ໜ້າໂຮງແຮມ ລາດຊະວົງ ວັນດາ ວິສຕ້າ ຈະພັດທະນາ ແລະ ຍົກລະດັບການບໍລິການຮອບດ້ານກ້າວສູ່ສາກົນ ໄປພ້ອມກັບການສົ່ງເສີມ ພັດທະນາພະນັກງານພາຍໃນ ໃຫ້ມີຄວາມຮູ້, ຄວາມສາມາດ ຄຽງຄູ່ກັນກັບການສົ່ງເສີມ ວັດຖຸດິບຈາກທ້ອງຖິ່ນ, ຊື້ສິນຄ້າພາຍໃນປະເທດ, ສົ່ງເສີມວັດຖຸດິບແບບທໍາມະຊາດ ແລະ ເປັນມິດຕໍ່ສິ່ງແວດລ້ອມ
ໂອກາດນີ້, ທ່ານ ເສີນ ຊຽງ ຍັງໄດ້ສະແດງຄວາມຂອບໃຈຕໍ່ ພັກ ແລະ ລັດຖະບານລາວ ທີ່ໄດ້ໃຫ້ການສະໜັບສະໜູນ, ຊ່ວຍເຫລືອໃນດ້ານຕ່າງໆ ມາໂດຍຕະຫລອດ ເຮັດໃຫ້ໂຮງແຮມລາດຊະວົງ ວັນດ້າວິສຕ້າ ສາມາດເປີດໃຫ້ບໍລິການຮັບໃຊ້ສັງຄົມ. ພ້ອມທັງຖືໂອກາດນີ້, ອວຍພອນໃຫ້ການນຳພັກ, ລັດຕະຫລອດຮອດ ປະຊາຊົນລາວ ບັນດາເຜົ່າ ຈົ່ງມີສຸຂະພາບເຂັ້ມແຂງ, ມີພະລານາໄມສົມບູນ, ສືບຕໍ່ນຳພາ-ຊີ້ນຳປະເທດຊາດ ໃຫ້ຈະເລີນກ້າວໜ້າຂຶ້ນຢ່າງບໍ່ຢຸດຢັ້ງ.
ຂ່າວ: ກິດຕາ
KPL
