ຂປລ
ກະຊວງກະສິກຳ ຂອງຍີ່ປຸ່ນ ເປີດເຜີຍວ່າ: ລາຄາເຂົ້າໃນ ຍີ່ປຸ່ນ ເພີ່ມຂຶ້ນສູງ ເປັນປະຫວັດສາດ ໃນເດືອນຕຸລາຜ່ານມາ , ໂດຍເຂົ້າເກັບກ່ຽວໃໝ່ ທີ່ສະຫະກອນກະສິກຳ ແລະຜູ້ສະໜອງອື່ນໆ ຂາຍໃຫ້ກັບຜູ້ຄ້າສົ່ງ ມີລາຄາສະເລ່ຍ 23.820 ເຢນ ຕໍ່ 60 ກິໂລກຣາມ
ຂປລ.ສຳນັກຂ່າວຊິນຮວາຂອງສປຈີນ, ເມື່ອບໍ່ດົນມານີ້, ກະຊວງກະສິກຳ ຂອງຍີ່ປຸ່ນ ເປີດເຜີຍວ່າ: ລາຄາເຂົ້າໃນ ຍີ່ປຸ່ນ ເພີ່ມຂຶ້ນສູງ ເປັນປະຫວັດສາດ ໃນເດືອນຕຸລາຜ່ານມາ , ໂດຍເຂົ້າເກັບກ່ຽວໃໝ່ ທີ່ສະຫະກອນກະສິກຳ ແລະຜູ້ສະໜອງອື່ນໆ ຂາຍໃຫ້ກັບຜູ້ຄ້າສົ່ງ ມີລາຄາສະເລ່ຍ 23.820 ເຢນ ຕໍ່ 60 ກິໂລກຣາມ, ຊຶ່ງເພີ່ມຂຶ້ນ 57% ເມື່ອທຽບກັບ ໄລຍະເວລາດຽວກັນ ຂອງປີກາຍ ແລະ ລື່ນກາຍ ສະຖິຕິສູງສຸດ ເມື່ອເດືອນກັນຍາ.
ລາຄາເຂົ້າທີ່ເພີ່ມຂຶ້ນສູງນັ້ນ ເປັນຜົນມາຈາກການທີ່ສະຫະກອນ ກະສິກຳຈ່າຍເງິນໃຫ້ ກັບກະເສດຕະກອນ ຫລາຍຂຶ້ນລວມເຖິງ ການແຂ່ງຂັນລະຫວ່າງ ອົງກອນຕ່າງໆ ທີ່ຕ່າງຕ້ອງການ ສຳຮອງເຂົ້າ.ໃນຂະນະທີ່ຍອດຂາຍຍ່ອຍເຂົ້າໃນ ຊູເປີຣມາເກັດ ແລະຮ້ານຄ້າອື່ນໆ ຫລຸດລົງຕັ້ງແຕ່ ທ້າຍເດືອນກັນຍາ ຜ່ານມາ, ຊຶ່ງກະຊວງ ຈະຕິດຕາມລາຄາ ຂາຍຍ່ອຍ ຢ່າງໃກ້ສິດ ເພືື່ອປະເມີນ ຜົນກະທົບ ໃນວົງກວ້າງ ທີ່ມີຕໍ່ຜູ້ບໍລິ ໂພກ./.
KPL
