ຂປລ
ສຳນັກງານບໍລິຫານ ພະລັງງານ ແຫ່ງຊາດຂອງ ສປຈີນລາຍງານປະລິມານ ການໃຊ້ໄຟຟ້າຂອງ ສປຈີນ ໄລຍະເດືອນມັງກອນ-ເດືອນຕຸລາ ຂອງປີນີ້ເພີ່ມຂຶ້ນ 7,6% ເມື່ອທຽບປີຕໍ່ປີ.
ຂປລ.ສຳນັກຂ່າວ ຊິນຮວາຂອງ ສປຈີນ, ສຳນັກງານບໍລິຫານ ພະລັງງານ ແຫ່ງຊາດຂອງ ສປຈີນລາຍງານປະລິມານ ການໃຊ້ໄຟຟ້າຂອງ ສປຈີນ ໄລຍະເດືອນມັງກອນ-ເດືອນຕຸລາ ຂອງປີນີ້ເພີ່ມຂຶ້ນ 7,6% ເມື່ອທຽບປີຕໍ່ປີ. ໂດຍປະລິມານການໃຊ້ໄຟຟ້າ ຊຶ່ງຖືເປັນຕົວວັດແທກ ກິດຈະກຳ ທາງເສດຖະກິດ ທີ່ສຳຄັນ, ໂດຍສະເພາະເດືອນຕຸລາ ເພີ່ມຂຶ້ນ 4,3% ເມື່ອທຽບປີຕໍ່ປີ. ສຳລັບ ປະລິມານການໃຊ້ໄຟຟ້າ ຂອງອຸດສາຫະກຳ ເບື້ອງຕົ້ນ ໃນໄລຍະ 10ເດືອນທຳອິດ ເພີ່ມຂຶ້ນ 6,7% , ສ່ວນປະລິມານ ການໃຊ້ໄຟຟ້າ ຂອງອຸດສາຫະກຳ ລະດັບກາງ ແລະ ຂັ້ນສູງ ເພີ່ມຂຶ້ນ 5,6% ແລະ 11% ເມື່ອທຽບປີຕໍ່ປີ. ດ້ານການໃຊ້ໄຟຟ້າ ຂອງຜູ້ອາໄສ ເພີ່ມຂຶ້ນ 12,3% ເມື່ອທຽບປີຕໍ່ປີ./.
KPL
