ຂປລ
ກະຊວງການລົງທຶນຂອງ ອິນໂດເນເຊຍ ປະກາດວ່າ: ປະເທດນີ້ ດຶງດູດເງິນລົງທຶນ ຈາກຜູ້ລົງທຶນຕ່າງປະເທດ 5 ແຫ່ງສຳລັບ ນູຊັນຕາຣາ ນະຄອນຫລວງ ແຫ່ງໃໝ່ ທີ່ຕັ້ງຢູ່ເທິງເກາະ ກາລີມັນຕັນ ມູນຄ່າລວມ 165 ລ້ານໂດລາ ສະຫະລັດ.
ຂປລ.ສຳນັກຂ່າວ ຊິນຮວາຂອງ ສປຈີນ, ເມື່ອບໍ່ດົນມານີ້, ກະຊວງການລົງທຶນຂອງ ອິນໂດເນເຊຍ ປະກາດວ່າ: ປະເທດນີ້ ດຶງດູດເງິນລົງທຶນ ຈາກຜູ້ລົງທຶນຕ່າງປະເທດ 5 ແຫ່ງສຳລັບ ນູຊັນຕາຣາ ນະຄອນຫລວງ ແຫ່ງໃໝ່ ທີ່ຕັ້ງຢູ່ເທິງເກາະ ກາລີມັນຕັນ ມູນຄ່າລວມ 165 ລ້ານໂດລາ ສະຫະລັດ.
ທ່ານ ໂຣຊານ ເປີຣກາຊາ ໂຣສລານີ ລັດຖະມົນຕີ ກະຊວງ ລະບຸວ່າ: ໜຶ່ງໃນຜູ້ລົງທຶນຄື ເຊມຄອບຣ(Sembcorp) ບໍລິສັດ ພະລັງງານ ທີ່ມີຖານຢູ່ໃນ ສິງກະໂປ , ຊຶ່ງລົງທຶນລວມ 65 ລ້ານໂດລາສະຫະລັດ, ເພື່ອສ້າງໂຮງໄຟຟ້າ ພະລັງງານແສງຕາເວັນ ຂະໜາດ 50 ເມກາວັດ, ຊຶ່ງບໍລິສັດ ໄດ້ເລີ່ມດຳເນີນງານກໍ່ສ້າງ ເມື່ອເດືອນ ສິງຫາຜ່ານມາ.
ໂຄງການ ນູຊັນຕະຣາ ຊຶ່ງຄວບຄຸມພື້ນທີ່ 256.142 ເຮັກຕາ, ໃນເກາະ ກາລີມັນຕັນ ຕາເວັນອອກ ເລີ່ມກໍ່ສ້າງເມື່ອປີ 2022 , ຂະນະນີ້ ອິນໂດເນເຊຍ ພວມສຳຫລວດ ແຫລ່ງການເງິນ ທີ່ຫລາກຫລາຍ ເພື່ອລະດົມທຶນສຳລັບ ການພັດທະນາຄັ້ງໃຫຍ່ ທີ່ລວມເຖິງ ການລະດົມທຶນ ຂອງພາກລັດ, ການລົງທຶນຈາກຕ່າງປະເທດ ແລະ ການລະດົມທຶນ ຈາກປະຊາຊົນ. ໃນຂະນະທີ່ ທາງການໄດ້ອອກສາລະພັດ ນະໂຍບາຍດຶງດູດນັກລົງທຶນ ຈາກຕ່າງປະເທດ ເຊັ່ນ: ສິດທິອະນຸຍາດ ການໃຊ້ທີ່ດິນ ເປັນໄລຍະເວລາ 80 ປີ ແລະ ການຍົກເວັ້ນ ພາສີນໍາເຂົ້າ.
KPL
