ຂປລ
ອົງການ ພັດທະນາ ກາເຟແຫ່ງ ອູກັນດາ ລາຍງານ ການສົ່ງອອກ ກາເຟ ຂອງປະເທດສູ່ ສປຈີນ ໃນເດືອນສິງຫາ ຈຳນວນ 11.580 ເປົາ, ຊຶ່ງເພີ່ມຂຶ້ນ 5 ເທົ່າ ຈາກເດືອນກໍລະກົດ ທີ່ມີການສົ່ງອອກ 2.100 ເປົາ,ຊຶ່ງສະແດງໃຫ້ເຫັນ ຄວາມນິຍົມຊົມຊອບ ເມັດກາເຟ ຄຸນະພາບສູງ ຂອງອູກັນດາ.
ຂປລ.ສຳນັກຂ່າວ ຊິນຮວາ ຂອງ ສປຈີນ, ອົງການ ພັດທະນາ ກາເຟແຫ່ງ ອູກັນດາ ລາຍງານ ການສົ່ງອອກ ກາເຟ ຂອງປະເທດສູ່ ສປຈີນ ໃນເດືອນສິງຫາ ຈຳນວນ 11.580 ເປົາ, ຊຶ່ງເພີ່ມຂຶ້ນ 5 ເທົ່າ ຈາກເດືອນກໍລະກົດ ທີ່ມີການສົ່ງອອກ 2.100 ເປົາ,ຊຶ່ງສະແດງໃຫ້ເຫັນ ຄວາມນິຍົມຊົມຊອບ ເມັດກາເຟ ຄຸນະພາບສູງ ຂອງອູກັນດາ.
ໂດຍເຈົ້າໜ້າທີ່ ກົງສູນໃຫຍ່ ອູກັນດາ ໃນນະຄອນກວ່າງໂຈວ ຂອງສປຈີນ, ເປີດເຜີຍວ່າ: ການສົ່ງອອກກາເຟຂອງປະເທດນີ້ ເພີ່ມຂຶ້ນ ຢ່າງຫລວງຫລາຍ ເປັນຜົນມາຈາກ ຄວາມສຳພັນ ທະວີພາຄີ ທີ່ເຂັ້ມແຂງ, ກົນທະຍຸດການຕະຫລາດ ທີ່ມີປະສິດທິພາບ ແລະ ຄຸນນະພາບ ຂອງກາເຟ ທີ່ພັດທະນາດີຂຶ້ນ.
ສຳນັກງານກົງສູນໃຫຍ່ ອູກັນດາ ໃນນະຄອນກວ່າງໂຈວ ໄດ້ປະຊາສຳພັນກາເຟ ອູກັນດາ ໃນສປຈີນ ຢ່າງເຂັ້ມແຂງ ໃນຂະນະທີ່ ຄວາມຕ້ອງການກາເຟ ເພີ່ມຂຶ້ນ ຕາມຄວາມນິຍົມດື່ມ ໃນສປຈີນ ໂດຍສະເພາະ ຄົນລຸ້ນໃໝ່ ແລະ ອູກັນດາ ຮ່ວມກັບເມືອງຊຽງເຫມີນຂອງ ສປຈີນ ຈະຈັດງານມະຫາກຳກາເຟ ໃນເດືອນພະຈິກນີ້.
KPL
