ຂປລ
ຂປລ. ກອງປະຊຸມກວດກາເນື້ອໃນຮອບດ້ານຂອງ ຮ່າງກົດໝາຍ ວ່າດ້ວຍການດຳເນີນຄະດີແພ່ງ (ສະບັບປັບປຸງ) ຈັດຂຶ້ນໃນວັນທີ 25-26 ກັນຍາ 2024 ທີ່ແຂວງວຽງຈັນ
ຂປລ. ກອງປະຊຸມກວດກາເນື້ອໃນຮອບດ້ານຂອງ ຮ່າງກົດໝາຍ ວ່າດ້ວຍການດຳເນີນຄະດີແພ່ງ (ສະບັບປັບປຸງ) ຈັດຂຶ້ນໃນວັນທີ 25-26 ກັນຍາ 2024 ທີ່ແຂວງວຽງຈັນ ພາຍໃຕ້ການເປັນປະທານຂອງ ທ່ານ ພູທອນ ວໍລະເພັດ ຮອງປະທານກຳມາທິການກົດໝາຍ, ຮອງປະທານກຳມາທິການຍຸຕິທຳ, ຮອງລັດຖະມົນຕີ ກະຊວງຍຸຕິທຳ, ຮອງຫົວໜ້າຫ້ອງວ່າການ ສຳນັກງານປະທານປະເທດ, ຮອງຫົວໜ້າຫ້ອງວ່າການ ສຳນັກງານນາຍົກລັດຖະມົນຕີ, ຮອງຫົວໜ້າອົງການໄອຍະການປະຊາຊົນສູງສຸດ, ທີ່ປຶກສາທາງດ້ານກົດໝາຍ ຂອງຄະນະປະຈໍາສະພາແຫ່ງຊາດ, ຄະນະຮັບຜິດຊອບປັບປຸງກົດໝາຍສະບັບນີ້ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ກອງປະຊຸມ ໄດ້ຮັບຟັງການສະເໜີ ໂດຍຫຍໍ້ກ່ຽວກັບເຫດຜົນ ແລະ ຄວາມຈຳເປັນຂອງ ການປັບປຸງຮ່າງກົດໝາຍ ວ່າດ້ວຍການດຳເນີນຄະດີແພ່ງ (ສະບັບປັບປຸງ) ແລະ ເນື້ອໃນຮ່າງກົດໝາຍ ດັ່ງ ກ່າວ. ຈາກນັ້ນ, ບັນດາຜູ້ເຂົ້າຮ່ວມໄດ້ຍົກສູງ ຄວາມຮັບຜິດຊອບ ແລະ ເປັນເຈົ້າການຄົ້ນຄວ້າ, ປະກອບ ຄໍາເຫັນ ເພື່ອເຮັດໃຫ້ກົດໝາຍ ສະບັບນີ້ມີຄວາມຈະແຈ້ງ, ຮັດກຸມ ແລະ ແທດເໝາະກັບສະພາບການຂະຫຍາຍຕົວ ທາງດ້ານເສດຖະກິດ-ສັງຄົມ ໃນປັດຈຸບັນ; ເປັນເຄື່ອງມືທີ່ໜັກແໜ້ນໃຫ້ແກ່ສານປະຊາຊົນ ໃນການແກ້ໄຂຂໍ້ຂັດແຍ່ງ ຫລື ການຮ້ອງຂໍທາງແພ່ງ, ການຄ້າ, ຄອບຄົວ, ເດັກ ແລະ ແຮງງານ ໃຫ້ຖືກຕ້ອງຕາມຄວາມເປັນຈິງ, ສອດຄ່ອງກັບກົດໝາຍ ແລະ ມີຄວາມຍຸຕິທຳ ແນໃສ່ປົກປັກຮັກສາລະ ບອບເສດຖະກິດ-ສັງຄົມ, ປົກປ້ອງກຳມະສິດຂອງລັດ, ລວມໝູ່, ອົງການຈັດຕັ້ງ, ວິສາຫະກິດ, ສິດ ແລະ ຜົນປະໂຫຍດອັນຊອບທຳຂອງຄູ່ຄວາມ; ເພີ່ມທະວີນິຕິທຳ, ຈຳກັດ ແລະ ສະກັດກັ້ນການລະ ເມີດກົດໝາຍ, ສຶກສາອົບຮົມສະຕິເຄົາລົບ ແລະ ປະຕິບັດກົດໝາຍຢ່າງເຂັ້ມງວດ ເຊິ່ງເປັນການປະຕິ ບັດນະໂຍບາຍການຄຸ້ມຄອງລັດ ແລະ ຄຸ້ມຄອງເສດຖະກິດ-ສັງຄົມ ດ້ວຍກົດໝາຍເທື່ອລະກ້າວ.
ກອງປະຊຸມຄັ້ງນີ້, ໄດ້ຮັບການສະໜັບສະໜູນຊ່ວຍເຫລືອ ທາງດ້ານງົບປະມານ ຈາກໂຄງການສ້າງຄວາມເຂັ້ມແຂງ ໃຫ້ແກ່ສະພາແຫ່ງຊາດ ແລະ ສະພາປະຊາຊົນຂັ້ນແຂວງ ຫລື ສະເຕັບສ໌ (STEPs) ໂດຍຜ່ານກອງເລຂາຄຸ້ມຄອງແຫລ່ງທຶນ ຊ່ວຍເຫລືອລ້າໃຫ້ແກ່ສະພາແຫ່ງຊາດ.
ຂ່າວ: ສພຊ
KPL
