ສສ ຫວຽດນາມ ລົງທຶນຢູ່ຕ່າງປະເທດ 17 ໂຄງການໃໝ່ໃນ 2 ເດືອນຕົ້ນປີນີ້

01/03/2024 21:49
Email Print 472
ຂປລ ຕາມກົມໃຫຍ່ ລົງທຶນຕ່າງປະເທດ, ກະຊວງແຜນການ ແລະ ການລົງທຶນ ຫວຽດນາມ ໃນ 2 ເດືອນຕົ້ນປີນີ້, ບັນດາ ນັກລົງທຶນ ຫວຽດນາມ ໄດ້ລົງທຶນ ຢູ່ຕ່າງປະເທດ 17 ໂຄງການ ລົງທຶນໃໝ່, ດ້ວຍຍອດເງິນລົງທຶນ ບັນລຸກວ່າ 25 ລ້ານໂດລາ ສະຫະລັດ

ຂປລ.ວິທະຍຸ ກະຈາຍສຽງ ແຫ່ງຊາດ ຫວຽດນາມ,ວັນທີ 1ມີນານີ້, ຕາມກົມໃຫຍ່ ລົງທຶນຕ່າງປະເທດ, ກະຊວງແຜນການ ແລະ ການລົງທຶນ ຫວຽດນາມ ໃນ 2 ເດືອນຕົ້ນປີນີ້, ບັນດາ ນັກລົງທຶນ ຫວຽດນາມ ໄດ້ລົງທຶນ ຢູ່ຕ່າງປະເທດ 17 ໂຄງການ ລົງທຶນໃໝ່, ດ້ວຍຍອດເງິນລົງທຶນ ບັນລຸກວ່າ 25 ລ້ານໂດລາ ສະຫະລັດ, ໃນ 8 ຂະແໜງ; ໃນນັ້ນ, ສຸມໃສ່ ລົງທຶນຫລາຍທີ່ສຸດ ແມ່ນບັນດາ ຂະແໜງຂາຍສົ່ງ, ຂາຍຍ່ອຍ ກວມເອົາເກືອບ 40% ແຫລ່ງທຶນ; ການເຄື່ອນໄຫວ ດຳເດີນທຸລະກິດ ອາສັງຫາລິມະຊັບ ກວມເອົາ 21,5% ແຫລ່ງທຶນ; ການກໍ່ສ້າງ ກວມເອົາ 20% ແຫລ່ງທຶນ.ໃນ 2 ເດືອນຕົ້ນປີ, ມີ 11 ປະເທດ, ເຂດແຄວ້ນ ຮັບການລົງທຶນຂອງ ສສ ຫວຽດນາມ. ບັນດາປະເທດ ດຶງດູດ ເງິນລົງທຶນຂອງ ສສ ຫວຽດນາມ ຫລາຍກວ່າໝູ່ແມ່ນ: ສ.ອາເມລິກາ ກວມເອົາ 26,6% ຍອດເງິນລົງທຶນ, ຖັດຈາກນັ້ນແມ່ນ: ນູແວນເຊລັງ, ເຢຍລະມັນ, ສປປ ລາວ ແລະ ສປ ຈີນ.ມາຮອດປະຈຸບັນ, ສສ ຫວຽດນາມ ມີ 1.716 ໂຄງການລົງທຶນ ຢູ່ຕ່າງປະເທດ ຍັງມີຜົນສັກສິດ ດ້ວຍຍອດເງິນ ລົງທຶນກວ່າ 22 ຕື້ໂດລາ ສະຫະລັດ./.

(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ

KPL

ຂ່າວອື່ນໆ

ads
ads

Top