ຂປລ
ທະນາຄານເພື່ອການພັດທະນາ ແຫ່ງປະເທດ ຈີນ (CDB) ເປັນໜຶ່ງ ໃນທະນາຄານ ຕາມນະໂຍບາຍ ຂອງຈີນ ໄດ້ເພີ່ມການສະໜັບ ສະໜູນ ທາງການເງິນ ເພື່ອຊ່ວຍ ຍົກລະດັບ ການຮ່ວມມື ຈີນ-ອາຊີກາງ ໃຫ້ແໜ້ນແຟ້ນ ຍິ່ງຂຶ້ນ.
ຂປລ.ສຳນັກຂ່າວ ຊິນຮວາ ຂອງ ສປຈີນ, ວັນທີ 23 ເດືອນພຶດສະພາ, ທະນາຄານເພື່ອການພັດທະນາ ແຫ່ງປະເທດ ຈີນ (CDB) ເປັນໜຶ່ງ ໃນທະນາຄານ ຕາມນະໂຍບາຍ ຂອງຈີນ ໄດ້ເພີ່ມການສະໜັບ ສະໜູນ ທາງການເງິນ ເພື່ອຊ່ວຍ ຍົກລະດັບ ການຮ່ວມມື ຈີນ-ອາຊີກາງ ໃຫ້ແໜ້ນແຟ້ນ ຍິ່ງຂຶ້ນ. ໂດຍທະນາຄານ ໄດ້ຈັດສັນ ສິນເຊື່ອພິເສດ 1 ໝື່ນລ້ານຢວນ (ສະກຸນເງິນຈີນ) ເພື່ອສະໜັບ ສະໜູນ ໂຄງການຕ່າງໆ ລະຫວ່າງ ຈີນ ແລະ ກຸ່ມປະເທດ ອາຊີກາງ ໃນດ້ານເສດຖະກິດ ແລະ ການຄ້າ, ການລົງທຶນ, ການຄົມມະນາຄົມ, ການກະສິກຳ, ພະລັງງານ ແລະ ຊັບພະຍາກອນ, ພື້ນຖານ ໂຄງລ່າງ ແລະ ອື່ນໆ. ອາຊີກາງ ເປັນໜຶ່ງ ໃນພາກພື້ນ ລໍາດັບຕົ້ນ ທີ່ທະນາຄານ ເພື່ອການພັດທະນາ ແຫ່ງປະເທດ ຈີນ ເປີດດຳເນີນການ ລະຫວ່າງ ປະເທດ. ເມື່ອທ້າຍປີ 2022 ຜ່ານມາ, ໂດຍລວມແລ້ວ ທະນາຄານ ໄດ້ສະໜັບ ສະໜູນ 134 ໂຄງການ ໃນກຸ່ມປະເທດ ອາຊີກາງ 5 ປະເທດ, ຊຶ່ງກວມເອົາ ຫລາກຫລາຍດ້ານ ເຊັ່ນ: ພະລັງງານ ແລະ ຊັບພະຍາກອນ, ພື້ນຖານ ໂຄງລ່າງ ແລະ ການຄົມມະນາຄົມ. /.
KPL
