ຂປລ
ຂປລ. ເມື່ອບໍ່ດົນມານີ້, ກົມພາສີ ກະຊວງການເງິນ ຈັດພິທີສະເຫລີມສະຫລອງ ວັນພາສີສາກົນປະຈຳປີ 2023 ແລະ ມອບໃບຍ້ອງຍໍຈາກ ອົງການພາສີໂລກ ໂດຍການເປັນປະທານຂອງ ທ່ານ ພູເຂົາຄໍາ ວັນນະວົງໄຊ ຫົວໜ້າກົມພາສີກະຊວງການເງິນ, ມີຮອງຫົວໜ້າກົມພາສີ, ພ້ອມດ້ວຍຫົວໜ້າ-ຮອງຫົວໜ້າພະແນກ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ຂປລ. ເມື່ອບໍ່ດົນມານີ້, ກົມພາສີ ກະຊວງການເງິນ ຈັດພິທີສະເຫລີມສະຫລອງ ວັນພາສີສາກົນປະຈຳປີ 2023 ແລະ ມອບໃບຍ້ອງຍໍຈາກ ອົງການພາສີໂລກ ໂດຍການເປັນປະທານຂອງ ທ່ານ ພູເຂົາຄໍາ ວັນນະວົງໄຊ ຫົວໜ້າກົມພາສີກະຊວງການເງິນ, ມີຮອງຫົວໜ້າກົມພາສີ, ພ້ອມດ້ວຍຫົວໜ້າ-ຮອງຫົວໜ້າພະແນກ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ໃນພິທີ, ທ່ານ ພູເຂົາຄຳ ວັນນະວົງໄຊ ໄດ້ມີຄຳເຫັນວ່າ: ການສະເຫລີມສະຫລອງ ວັນພາສີສາກົນ ເພື່ອສະແດງເຖິງ ການປະກອບສ່ວນຢ່າງຕັ້ງໜ້າ ຂອງກົມພາສີລາວ ຕໍ່ບັນດາວຽກງານ ອົງການາສີໂລກ ໃນນາມເປັນສະມາຊິກຂອງອົງການພາສີໂລກ ແລະ ປີນີ້ເປັນການສະເຫລີມສະຫລອງ ຄົບຮອບ 70 ປີ ຂອງອົງການພາສີໂລກ (WCO) ເປັນອົງການຈັດຕັ້ງທີ່ມີ ເອກະລັກສະເພາະ ເພື່ອການຮ່ວມມືສາກົນ ແລະ ແລກປ່ຽນຄວາມຮູ້ດ້ານວຽກງານພາສີ.
ໂອກາດດຽວກັນ, ຍັງໄດ້ມອບໃບຍ້ອງຍໍ ຈາກອົງການພາສີໂລກ ໃຫ້ແກ່ເຈົ້າໜ້າທີ່ພາສີ ຈຳນວນ 20 ທ່ານ ທີ່ໄດ້ປະຕິບັດວຽກງານ ທີ່ພົ້ນເດັ່ນດ້ວຍ ຄຳຂວັນປະຈຳປີ ທີ່ອົງການພາສີໂລກ ໄດ້ກຳນົດຂຶ້ນດັງຄຳຂວັນທີ່ວ່າ “ບຳລຸງສ້າງຄົນລຸ້ນໃໝ່, ຊຸກຍູ້ວັດທະນະທຳ ແບ່ງປັນຄວາມຮູ້ ແລະ ຄວາມພາກພູມໃຈໃນອາຊີບພາສີ” ເພື່ອເນັ້ນໜັກເຖິງການສ້າງ ຄວາມສະດວກໃຫ້ແກ່ ການແລກປ່ຽນຄວາມຮູ້, ເພີ່ມທະວີຄວາມພາກພູມໃຈໃນ ການເປັນສ່ວນໜຶ່ງ ຂອງລັດຖະການພາສີ ແລະ ຂອງປະຊາຄົມພາສີທົ່ວໂລກ.
ຂ່າວ-ພາບ: ກະຊວງການເງິນ
KPL
