ຂປລ
ສສ ຫວຽດນາມ ເຂົ້າຮ່ວມ ປະຊຸມຄັ້ງທີ 4 ຄະນະ ກຳມະການ ພິເສດ ຂອງ ສະຫະ ປະຊາຊາດ (ສປຊ) ສ້າງສົນທິ ສັນ ຍາສາກົນ ຮອບດ້ານ ກ່ຽວກັບ ການຕ້ານ ການນຳໃຊ້ ເຕັກໂນໂລຊີ ຂໍ້ມູນ ຂ່າວສານ ໃຫ້ແກ່ ເປົ້າໝາຍ ລະເມີດ ກົດໝາຍ.
ຂປລ.ຕາມຂ່າວຈາກ ວິທະຍຸ ສາກົນ ຫວຽດນາມ,ເມື່ອບໍ່ດົນມານີ້ ສສ ຫວຽດນາມ ເຂົ້າຮ່ວມ ປະຊຸມຄັ້ງທີ 4 ຄະນະ ກຳມະການ ພິເສດ ຂອງ ສະຫະ ປະຊາຊາດ (ສປຊ) ສ້າງສົນທິ ສັນຍາສາກົນ ຮອບດ້ານ ກ່ຽວກັບ ການຕ້ານ ການນຳໃຊ້ ເຕັກໂນໂລຊີ ຂໍ້ມູນ ຂ່າວສານ ໃຫ້ແກ່ ເປົ້າໝາຍ ລະເມີດ ກົດໝາຍ.ໃນໂອກາດນີ້ ຄະນະຜູ້ແທນ ສສ ຫວຽດນາມ ໄດ້ກ່າວວ່າ: ໃນເບື້ອງຕົ້ນ ຮ່າງມະຕິ ໂດຍຄະນະ ເລຂາ ຄະນະ ກຳມະການ ພິເສດ ໄດ້ສ້າງພື້ນຖານ ຢ່າງໝັ້ນແກ່ນ ໃຫ້ແກ່ ການເຈລະຈາ ຄັ້ງຕໍ່ໄປ, ດ້ວຍເປົ້າໝາຍ ສ້າງເນື້ອໃນ ຮ່າງສົນທິ ສັນຍາ ໃຫ້ສົມບູນແບບ ຍື່ນສະເໜີ ສະພາ ສປຊ ເພື່ອຮັບຮອງເອົາ ໂດຍໄວ. ຈາກນັ້ນ ໄດ້ປະກອບ ຄຳເຫັນ ກ່ຽວກັບ ບາງເນື້ອໃນ ຮ່າງສົນທິ ສັນຍາຄື: ການລະເມີດ ການນຳໃຊ້, ອາດຊະຍາກຳ ຊະນິດຕ່າງໆ ທີ່ແຊກແຊງ ເຂົ້າລະບົບ ເຕັກໂນໂລຊີ ຂໍ້ມູນ ຂ່າວສານ, ການສໍ້ໂກງ ດ້ວຍເຕັກໂນໂລຢີ ຂໍ້ມູນຂ່າວ ສານ ແລະ ບັນຫາ ຄວາມຮັບຜິດຊອບ ທາງອາຍາ ຂອງສ່ວນບຸກຄົນ./.
(ບັນນາທິການຂ່າວ: ຕ່າງປະເທດ), ຮຽບຮຽງຂ່າວໂດຍ: ສະໄຫວ ລາດປາກດີ
KPL
