ຂປລ
ຄະນະ ກຳມະການ ສູງສຸດ ເພື່ອການສົ່ງມອບ ແລະ ມໍລະດົກ (SC) ບົດລາຍງານ ຂອງຄະນະ ທີ່ຣອຍເຕີ (Reuters) ໄດ້ຮັບ ເມື່ອບໍ່ດົນມານີ້ ໄດ້ສະແດງ ໃຫ້ເຫັນວ່າ: ກາຕາ ຕ້ອນຮັບ ນັກທ່ອງທ່ຽວ ຈາກຕ່າງປະເທດ ມີພຽງ 765.859 ຄົນ ຫລຸດເປົ້າໝາຍ ເກືອບ50%
ຂປລ.ຕາມຂ່າວຈາກ bangkokbiznews, ວັນທີ8 ທັນວານີ້, ຄະນະ ກຳມະການ ສູງສຸດ ເພື່ອການສົ່ງມອບ ແລະ ມໍລະດົກ (SC) ບົດລາຍງານ ຂອງຄະນະ ທີ່ຣອຍເຕີ (Reuters) ໄດ້ຮັບ ເມື່ອບໍ່ດົນມານີ້ ໄດ້ສະແດງ ໃຫ້ເຫັນວ່າ: ກາຕາ ຕ້ອນຮັບ ນັກທ່ອງທ່ຽວ ຈາກຕ່າງປະເທດ ມີພຽງ 765.859 ຄົນ ຫລຸດເປົ້າໝາຍ ເກືອບ50% ໃນໄລຍະ 17 ວັນ ຜ່ານມາ ຂອງ ການແຂ່ງຂັນ ເຕະບານໂລກ 2022 ຖືວ່າ ຕ່ຳກວ່າ ປະເທດ ກາຕາ ຄາດຫວັງໄວ້ ລະດັບ 1,2 ລ້ານເທື່ອຄົນ ຫລັງຈາກ ນັກທ່ອງທ່ຽວ ຊາວຕ່າງປະເທດ ເຂົ້າມາ ຫລາຍທີ່ສຸດ ໃລຍະວັນທີ 24-28 ພະຈິກ ຊຶ່ງມີການແຂ່ງຂັນ ແບບແບ່ງກຸ່ມ 32 ທີມ ຈຳນວນ 4ຮອບ ໃນທຸກວັນ. ນອກຈາກນີ້ SCເປີດເຜີຍຍວ່າ: ຍອດຜູ້ລົງ ທະບຽນ ຊື້ປີ້ ເຂົ້າຊົມ ການແຂ່ງຂັນ ມີທັງໝົດ 1,33 ລ້ານຄົນ ແລະ ສາມາດ ຂາຍປີ້ ໄດ້ເຖິງ 3,09 ລ້ານປີ້ ຈາກສະໜາມ ແຂ່ງຂັນ 8 ແຫ່ງ ໃນກາຕາ ແລະ ຈະສິ້ນສຸດ ການແຂ່ງຂັນ ໃນວັນທີ18 ທັນວານີ້.ປັດຈຸບັນ ມີທີມເຕະບານ ຮອບຊີງ ຊະນະເລີດ 8ທີມ ສຸດທ້າຍ ແລະ ເຫລືອການແຂ່ງຂັນ ພຽງ 8ນັດ ເທົ່ານັ້ນ. ການແຂ່ງຂັນ ເຕະບານໂລກປີ 2022 ໄດ້ຈັດຂຶ້ນ ເປັນຄັ້ງທຳອິດ ໃນພາກພື້ນ ຕາເວັນອອກກາງ ແລະ ກາຕາ ໄດ້ຖືກ ພິຈາລະນາ ເປັນປະເທດ ເຈົ້າພາບ ຈັດການແຂ່ງຂັນ ໃນຄັ້ງນີ້ ຢ່າງຍິງໃຫຍ່ ແລະ ສົມກຽດ ຂອງບານໂລກ./. (ບັນນາ ທິການຂ່າວ: ຕ່າງ ປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
