ຂປລ
ຂປລ. ມາຮອດປັດຈຸບັນ ແຂວງຊຽງຂວາງ ໄດ້ມີຄວາມພ້ອມຮອບດ້ານ ເປັນຕົ້ນ ດ້ານສະບຽງອາຫານ ແມ່ນມີພຽງພໍກັບຄວາມຕ້ອງການ ໂດຍສະເພາະພືດ-ຜັກ ປອດສານພິດ ຈາກສະຫະກອນກະສິກຳອິນຊີ ຫລື ກຸ່ມຜະລິດພືດ-ຜັກປອດສານພິດ
ຂປລ. ມາຮອດປັດຈຸບັນ ແຂວງຊຽງຂວາງ ໄດ້ມີຄວາມພ້ອມຮອບດ້ານ ເປັນຕົ້ນ ດ້ານສະບຽງອາຫານ ແມ່ນມີພຽງພໍ ກັບຄວາມຕ້ອງການ ໂດຍສະເພາະ ພືດ-ຜັກ ປອດສານພິດ ຈາກສະຫະກອນກະສິກຳອິນຊີ ຫລື ກຸ່ມຜະລິດພືດ-ຜັກປອດສານພິດ ເມືອງແປກ ແຂວງຊຽງຂວາງ ໄດ້ມີການກະກຽມຄວາມພ້ອມ ເພື່ອຕອບສະໜອງ ພືດ-ຜັກປອດສານພິດ ໃຫ້ແກ່ມວນຊົນ ທີ່ຈະເຂົ້າມາ ໃນໄລຍະງານມະຫະກຳກິລາແຫ່ງຊາດ ຄັ້ງທີ XI ຫລື ຊຽງຂວາງເກມ 2022 ທີ່ຈະຈັດຂຶ້ນໃນວັນທີ 13-22 ທັນວາ 2022 ທີ່ຈະມາເຖິງນີ້.
ທ່ານນາງ ບົວຈັນ ເຮືອງວິໄລ ປະທານສະຫະກອນ ກະສິກຳອິນຊີ ເມືອງແປກ ແຂວງຊຽງຂວາງ ໄດ້ໃຫ້ສຳພາດຕໍ່ສື່ມວນຊົນ ເມື່ອບໍ່ດົນມານີ້ວ່າ: ພືດ-ຜັກປອດສານພິດ ຂອງສະຫະກອນ ກະສິ ກຳອິນຊີ ທີ່ຈະສະໜອງໃຫ້ແກ່ມວນຊົນ ທັງພາຍໃນ ແລະ ຕ່າງປະເທດທີ່ຈະເຂົ້າມາຊົມ, ມາເຊຍ ງານ ກິລາຊຽງຂວາງເກມ 2022 ຄັ້ງນີ້, ມີທັງໝົດ 160 ກວ່າຄອບຄົວ, ມີ 6 ກຸ່ມບ້ານທີ່ຂຶ້ນກັບ, ມີເນື້ອທີປູກທັງໝົດ 27,7 ເຮັກຕາ, ຜະລິດພືດ-ຜັກ ຫລາຍກວ່າ 14 ຊະນິດ, ສາມາດເກັບຜົນຜະລິດ ໄດ້ທັງໝົດ 2 ໂຕນກວ່າ ຕໍ່ເດືອນ. ການຜະລິດແມ່ນເນັ້ນໃສ່ ຄຸນນະພາບ ເປັນຫລັກ, ມີການຈັດຕັ້ງບໍ ລິຫານທີ່ເປັນລະບົບຄົບຊຸດ ແລະ ໄດ້ປະສານສົມທົບກັບ ພາກສ່ວນທີ່ກ່ຽວຂ້ອງ ຢ່າງຕໍ່ເນື່ອງ ເປັນຕົ້ນ ຫ້ອງການ ກະສິກຳເມືອງ, ແຂວງ ແລະ ຂະແໜງການທີ່ກ່ຽວຂ້ອງ ເຊິ່ງໃນໄລຍະຜ່ານມາ ສະຫະກອນກະສິກຳອິນຊີ ໄດ້ຮັບການຢັ້ງຢືນ ຈາກກົມມາດຕະຖານ ໃນການກວດກາ ທີ່ປອດສານເຄມີມາແລ້ວຫລາຍຄັ້ງ.
ສະຫະກອນກະສິກຳອິນຊີ ມີຕະຫລາດຈຳໜ່າຍ ສະເພາະໂດຍ ແມ່ນຕະຫລາດ ສີບຸນເຮືອງ ຢູ່ເທດສະບານ ເມືອງແປກ ແຂວງຊຽງຂວາງ.
ຂ່າວ-ພາບ: ທະນູທອງ
KPL