ມະຫະກໍາ ມະຫາກໍາ

05/10/2022 09:38
Email Print 369
ຂປລ ໃນການຂຽນ-ເວົ້າ ພາສາລາວເຮົາ ຍັງບໍ່ປາສະຈາກໄດ້ ໃນຄວາມບໍ່ເອກະພາບ ຈໍານວນໜຶ່ງ ຊຶ່ງຜ່ານມາ ໄດ້ມີ ຄວາມພະຍາຍາມ ຫາຈຸດເອກະພາບ ມີທັງພາກວິຊາການ ລັດ-ເອກະຊົນ ຈັດ ສໍາມະນາຊອກຫາ ທາງອອກ ແລະ ມີການແລກປ່ຽນຖົກຖຽງ ໃນສັງຄົມເປັນວົງເລັກວົງນ້ອຍ ເປັນໄລຍະ, ໜຶ່ງໃນບັນດາ ຫລາຍໆຄໍາ ມີຮູບຄໍາທີ່ຍົກມາເປັນຫົວຂໍ້ບົດນີ້ .


          ໃນການຂຽນ-ເວົ້າ ພາສາລາວເຮົາ ຍັງບໍ່ປາສະຈາກໄດ້ ໃນຄວາມບໍ່ເອກະພາບ ຈໍານວນໜຶ່ງ ຊຶ່ງຜ່ານມາໄດ້ມີ ຄວາມພະຍາຍາມ ຫາຈຸດເອກະພາບ ມີທັງພາກວິຊາການ ລັດ-ເອກະຊົນ ຈັດ ສໍາມະນາຊອກຫາທາງອອກ ແລະ ມີການແລກປ່ຽນຖົກຖຽງ ໃນສັງຄົມເປັນວົງເລັກວົງນ້ອຍ ເປັນໄລຍະ, ໜຶ່ງໃນບັນດາຫລາຍໆຄໍາ ມີຮູບຄໍາທີ່ຍົກມາເປັນຫົວຂໍ້ບົດນີ້ .

          ການສໍາມະນາວິຊາການ, ພາຍໃຕ້ຫົວຂໍ້ ການນໍາໃຊ້ພາສາລາວ ໃນສື່ມວນຊົນຈັດຂຶ້ນທ້າຍປີ 2018ທີ່ຜ່ານມາ ຢູ່ນະຄອນຫລວງວຽງຈັນ ເຄີຍຍົກຂຶ້ນມາ ໃຫ້ເຫັນວ່າ ຄໍາດັ່ງກ່າວຍັງບໍ່ທັນ ເອກະພາບແທ້ໃນການໃຊ້ຕົວຈິງ, ໂດຍສະເພາະໃນສື່ມວນຊົນ, ບາງພາກສ່ວນ ກໍ່ສະກົດເປັນ ມະຫະກໍາ, ບາງພາກສ່ວນກໍ່ສະກົດເປັນ ມະຫາກໍາ, ທັງທີ່ຈຸດປະສົງ ເພື່ອສ່ອງແສງ ເຫດການອັນດຽວ ກັນ ເປັນຕົ້ນການແຂ່ງຂັນກິລາ.

          ການສໍາມະນາ ໄດ້ຍົກໃຫ້ເຫັນຮູບຄໍາໃນວັດຈະນານຸກົມພາສາລາວ 2 ຫົວ ຄື:  ຄົ້ນຄວ້າ, ຮິບໂຮມ ແລະ ຮຽບຮຽງໂດຍທ່ານ ດຣ ທອງຄໍາ ອ່ອນມະນີສອນ (ພິມປີ 2008) ກໍານົດ: ມະຫະກໍາ ເປັນຄໍານາມ, ມີເຄົ້າມາຈາກພາສາປາລີ ໝາຍເຖິງການສະຫລອງ, ການບູຊາ. ວັດຈະນານຸກົມພາສາລາວຄົ້ນຄວ້າ-ຮິບໂຮມ-ຮຽບຮຽງ ແລະ ຈັດພິມໂດຍສະຖາບັນ ຄົ້ນຄວ້າວິທະຍາສາດ ສັງຄົມ ແຫ່ງຊາດ (ພິມປີ 2012) ກໍານົດ: ມະຫາກໍາ  ເປັນຄໍານາມ, ໝາຍເຖິງ ການສະຫລອງ, ການບູຊາ. ການສະຫລຸບເບື້ອງຕົ້ນ ຂອງບັ້ນສໍາມະນາເວລານັ້ນ ໃຫ້ເຫັນວ່າການນໍາໃຊ້ ສ່ວນຫລາຍ ແມ່ນ ຮູບຄໍາ: ມະຫາກໍາ .

          ໃນຊີວິດສັງຄົມຕົວຈິງ ຕາມການສຶກສາ ແລະ ຕິດຕາມມາຫລາຍປີ ໃນສອງກຸ່ມ (ໂດຍພື້ນຖານ) ທີ່ໃຊ້ຮູບຄໍາທີ່ຍົກຂຶ້ນນີ້ ລ້ວນແຕ່ມີຄໍາອະທິບາຍ ແລະ ຊີ້ແຈງທີ່ມີເຫດຜົນທັງສອງ ເຊິ່ງ ຄໍານີ້ ໃນເວລາທີ່ປະເທດເຮົາ ເປັນເຈົ້າພາບຈັດການແຂ່ງຂັນ ກິລາພາກພື້ນອາຊີ ຕາເວັນອອກສຽງໃຕ້ ຫລື ອາຊຽນຄັ້ງທີີ 25 ໃນປີ 2009 ໃນໄລຍະຕົ້ນ ທີ່ມີການກະກຽມ ກໍ່ມີການຖົກຖຽງກັນ ພໍ ສົມຄວນ ໃນການຈະໃຊ້ ມະຫາກໍາ ຫລື ມະຫະກໍາ ເຊິ່ງການສະຫລຸບ ເພື່ອໃຫ້ມີຄວາມເອກະພາບ ໃນເວລານັ້ນແມ່ນ ມະຫະກໍາ.... ເຖິງຢ່າງໃດກໍ່ດີ ສະພາບການ ແຕ່ລະໄລຍະອາດ ຈະມີການປ່ຽນ ແປງ ໄປຕາມກະແສ ຄວາມຮຽກຮ້ອງຕ້ອງການ ຕົວຈິງສັງຄົມ ຫລື ຜ່ານການຂູດເກົາເຂົ້າເລິກທາງດ້ານວິຊາການ.  ທ້າຍປີນີ້ກໍ່ຈະມີການແຂ່ງຂັນ ກິລາຂະໜາດ ໃຫຍ່ລະດັບຊາດ ຢູ່ແຂວງຊຽງ ຂວາງ ທີ່ເລື່ອນມາຫລາຍປີ ຍ້ອນສະພາບລະບາດ ຂອງໂຄວິດ19, ຫາງສຽງຕໍ່ຄໍາທີ່ຍົກຂຶ້ນ ກັບຄືນມາໃຫ້ເຫັນອີກ. ຫລາຍຄົນ ຍັງລໍຖ້າຟັງຄໍາເຫັນ ບັນດາວິຊາການ ສະເພາະດ້ານ (ພາສາສາດ-ພາ ສາລາວ)ຢູ່.

          ດັ່ງນັ້ນ,​ຈຶ່ງນໍາມາເພື່ອພິຈາລະນານໍາກັນຄືດັ່ງນີ້ແລ, ພໍ້ກັນໃໝ່ບົດຕໍ່ໄປ.


* ຮິບໂຮມໂດຍ: ພະກາ

KPL

ຂ່າວອື່ນໆ

    • ຮ່ວມວຽກ ປກຊ-ປກສບົດ-ສາລະຄະດີ

      ຮ່ວມວຽກ ປກຊ-ປກສ

      12/6/2022 4:21:23 PM

      ວັນສະຖາປະນາ ສປປ ລາວ ຄົບຮອບ 47 ປີ ຫາກໍ່ຜ່ານມາ, ບັນຍາກາດແຫ່ງການ ສະເຫລີມສະຫລອງຍັງອຸ່ນໆ, ເຕັມໄປດ້ວຍເນື້ອໃນ ແລະ ຄວາມໝາຍຄວາມສໍາຄັນ ອັນເລິກເຊິ່ງ ທັງຢູ່ສູນກາງ ແລະ ທ້ອງຖິ່ນ. ຜ່ານບັ້ນນັ້ນ ເຫັນ ຕົວຈິງ ແລະ ຮັບຂໍ້ມູນຂ່າວສານ ມາຈາກຫລາຍເຂດແຂວງ, ວຽກງານປ້ອງກັນຊາດ-ປ້ອງກັນຄວາມສະຫງົບ ໃນໄລຍະສ້າງຂະບວນການ ຕ້ອນຮັບວັນສໍາຄັນນີ້ ແມ່ນເຮັດໄດ້ດີ, ລວມທັງຂັ້ນຮາກຖານບ້ານ ແມ່ນເປັນຂະບວນແຂງແຮງ.

    • ພູມໃຈທີ່ມີພັກນຳພາ ປະເທດຊາດນັບມື້ກ້າວສູ່ຄວາມສີວິໄລບົດ-ສາລະຄະດີ

      ພູມໃຈທີ່ມີພັກນຳພາ ປະເທດຊາດນັບມື້ກ້າວສູ່ຄວາມສີວິໄລ

      12/2/2022 11:13:19 AM

      ເນື່ອງໃນໂອກາດວັນຊາດ 2 ທັນວາ ຄົບຮອບ 47 ປີ (2/12/1975-2/12/2022) ຜູ້ຂຽນໄດ້ມີໂອກາດສຳພາດ ຜູ້ຍິງຄົນໜຶ່ງ ທີ່ມີຮູບຮ່າງໜ້າຕາ ເບິ່ງຄືບໍ່ແມ່ນຄົນລາວ ແຕ່ທີ່ຈິງແລ້ວ ມີສາຍເລືອດລາວແທ້ໆ ໄຫລ ວຽນໃນຮ່າງກາຍ ພູມໃຈທີ່ເປັນຄົນລາວ ມີຖິ່ນກໍາເນີດຢູ່ຜືນ ແຜ່ນດິນ ລາວ, ສາຍແຮ່ກໍໄດ້ຝັງຢູ່ ຜືນແຜ່ນດິນແຫ່ງນີ້

    • 47 ປີ ຂະແໜງສຶກສາ-ກິລາ ໄດ້ຮັບການພັດທະນາຢ່າງຕໍ່ເນື່ອງບົດ-ສາລະຄະດີ

      47 ປີ ຂະແໜງສຶກສາ-ກິລາ ໄດ້ຮັບການພັດທະນາຢ່າງຕໍ່ເນື່ອງ

      12/2/2022 11:05:54 AM

      ພາຍໃຕ້ການນຳພາອັນສະຫລອງໃສ່ຂອງພັກປະຊາຊົນ ປະຕິວັດລາວ ເຮັດໃຫ້ປະເທດຊາດໄດ້ຮັບການພັດທະນາເປັນກ້າວໆໃນທຸກດ້າ

    • ພາກພູມໃຈທີ່ປະເທດຊາດໄດ້ຮັບການພັດທະນາຢ່າງບໍ່ຢຸດຢັ້ງບົດ-ສາລະຄະດີ

      ພາກພູມໃຈທີ່ປະເທດຊາດໄດ້ຮັບການພັດທະນາຢ່າງບໍ່ຢຸດຢັ້ງ

      12/2/2022 10:58:38 AM

      ເນື່ອງໃນໂອກາດວັນຊາດທີ 2 ທັນວາ ຄົບຮອບ 47 ປີນີ້, ມວນຊົນທຸກຊັ້ນຄົນ ລ້ວນແຕ່ສະແດງຄວາມ ພາກພູມ \ໃຈ ທີ່ມີພັກປະຊາຊົນ ປະຕິວັດລາວນຳພາ, ບໍ່ວ່າໄລຍະຕໍ່ສູ້ກູ້ຊາດ ແລະ ໄລຍະສ້າງສາ ພັດທະນາປະເທດຊາດ ຈົນມາເຖິງປັດຈຸບັນນີ້,

    •  ເຮັດດ້ວຍໃຈມັກ ອາຊີບໃດກໍປະສົບຜົນສຳເລັດບົດ-ສາລະຄະດີ

      ເຮັດດ້ວຍໃຈມັກ ອາຊີບໃດກໍປະສົບຜົນສຳເລັດ

      11/29/2022 1:33:00 PM

      ການປະກອບອາຊີບໃດກໍຕາມ ນອກຈາກມີຄວາມຮູ້, ຄວາມສາມາດ ແລະ ມີຕົ້ນທຶນຈຳນວນໜຶ່ງແລ້ວ ສິ່ງສຳຄັນແມ່ນຕ້ອງມີ ໃຈມັກຮັກໃນອາຊີບ ແລະ ຮັກໃນການບໍລິການ ກໍສາມາດປະສົບຜົນສຳເລັດໄດ້

ads
ads

Top