ຂປລ
ທ່ານ ໂດ໋ຢຸຍແຄັ໊ງ, ເລຂາທີ 1, ສະພາການຄ້າ ຫວຽດນາມ ປະຈຳ ອິນເດຍ ໃຫ້ຮູ້ວ່າ: ອິນເດຍ ແມ່ນແຫລ່ງ ສະໜອງ ສິນໃນນ້ຳ ສຳຄັນ ສຳລັບ ປຸງແຕ່ງ ຂະແໜງ ສິນໃນນ້ຳ ຂອງ ຫວຽດນາມ. ຫວຽດນາມ ໄດ້ນຳເຂົ້າກຸ້ງ, ປາຫລາຍຊະນິດ ຈາກອິນເດຍ.
ຂປລ.ຕາມຂ່າວຈາກ VOVWORLD,ເມື່ອບໍ່ດົນມານີ້, ທ່ານ ໂດ໋ຢຸຍແຄັ໊ງ, ເລຂາທີ 1, ສະພາການຄ້າ ຫວຽດນາມ ປະຈຳ ອິນເດຍ ໃຫ້ຮູ້ວ່າ: ອິນເດຍ ແມ່ນແຫລ່ງ ສະໜອງ ສິນໃນນ້ຳ ສຳຄັນ ສຳລັບ ປຸງແຕ່ງ ຂະແໜງ ສິນໃນນ້ຳ ຂອງ ຫວຽດນາມ. ຫວຽດນາມ ໄດ້ນຳເຂົ້າກຸ້ງ, ປາຫລາຍຊະນິດ ຈາກອິນເດຍ. ຫວຽດນາມ ຍືນອັນດັບທີ 4 ໃນຈຳນວນ ບັນດາ ປະເທດ ນຳເຂົ້າ ສິນໃນ ນ້ຳຈາກ ອິນເດຍ ດ້ວຍຍອດ ວົງເງິນ ບັນລຸ 280 ລ້ານໂດລາ ສະຫະລັດ ຕໍ່ປີ. ໂດຍທັງສອງ ປະເທດ ກໍ່ຄືລັດ Madhya Pradesh ມີຄວາມສາ ມາດ ບົ່ມຊ້ອນ ຮ່ວມມື ໃນຂົງເຂດ ສິນໃນນ້ຳ ກ່ຽວກັບ ດ້ານການຄ້າ, ການລົງທຶນ, ການຄົ້ນຄ້ວາ ແລະ ບຳລຸງສ້າງ ຢ່າງເຂັ້ມແຂງ ພາຍຫລັງ ສະພາການຄ້າ ແລະ ອຸດສາຫະກຳ ຂອງອິນເດຍ ໄດ້ສົມທົບກັບ ກະຊວງ ສິນໃນນ້ຳ ລັດ Madhya Pradesh ຈັດກອງປະຊຸມ ສິນໃນນ້ຳ ຢູ່ລັດນີ້. ເຂົ້າຮ່ວມ ກອງປະຊຸມ ຄັ້ງນີ້ ມີທ່ານ Shri Tulsiram Silawat, ລັດຖະມົນຕີ ກະຊວງ ສິນໃນນ້ຳລັດ Madhya Pradesh; ທ່ານ Shri Sagar Mehra, ຫົວໜ້າກົມ ຂຶ້ນກັບ ກະຊວງສິນໃນນ້ຳ ອິນເດຍ ພ້ອມກັບ ຜູ້ຕາງໜ້າ ຫວຽດນາມ, ຍີ່ປຸ່ນ, Mauritius, Nepal ແລະ ຜູ້ຕາງໜ້າ ບັນດາ ວິສາຫະກິດ ສິນໃນນ້ຳ ຢູ່ລັດ Madhya Pradesh./. (ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
KPL