ຂປລ
ອິນໂດເນເຊຍ ໄດ້ວາງ ເປົ້າໝາຍ ລົບລ້າງ ພະຍາດ ປາກເປື່ອຍ-ລົງເລັບ ໃຫ້ສູນຫາຍ ໃນທ້າຍປີນີ້. ຂະນະທີ່ ການສັກວັກຊິນ ໃຫ້ສັດ ລ້ຽງ ຫລາຍຂຶ້ນ ແລະ ຈຳນວນສັດ ຕິດເຊື້ອ ພະຍາດ ດັ່ງກ່າວ ຫລຸດລົງ
ຂປລ.ຕາມຂ່າວຈາກ ຊິນຮວາ,ເມື່ອບໍ່ດົນມານີ້, ທ່ານວິກູ ອາດີສາມິໂຕ (Viku Adisasmito), ໂຄສົກ ລັດຖະບານ ອິນໂດເນເຊຍ ດ້ານການຮັບມື ພະຍາດ ປາກເປື່ອຍ-ລົງເລັບ (FMD) ເປີດເຜີຍວ່າ:ອິນໂດເນເຊຍ ໄດ້ວາງ ເປົ້າໝາຍ ລົບລ້າງ ພະຍາດ ປາກເປື່ອຍ-ລົງເລັບ ໃຫ້ສູນຫາຍ ໃນທ້າຍປີນີ້. ຂະນະທີ່ ການສັກວັກຊິນ ໃຫ້ສັດ ລ້ຽງ ຫລາຍຂຶ້ນ ແລະ ຈຳນວນສັດ ຕິດເຊື້ອ ພະຍາດ ດັ່ງກ່າວ ຫລຸດລົງ ຫລັງຈາກ ມີສັດລ້ຽງ ໄດ້ຮັບ ວັກຊິນ ປ້ອງກັນແລ້ວ ເກືອບ 1,3 ລ້ານໂຕ ໃນ 6ແຂວງ ລວມມີເກາະ ບາລີ(Bali), ໝູ່ເກາະ ຣີເຍົາ(Riau), ຈາກາຕາ(Jakarta)ແລະ ກາລີມັນຕັນໃຕ້ (South Kalimantan) ບໍ່ມີລາຍງານ ກໍລະນີ ສັດລ້ຽງ ຕິດເຊື້ອ ເພີ່ມອີກ.ຂໍ້ມູນຈາກ ຄະນະ ປະຕິບັດງານ ຕ້ານພະຍາດ ປາກເປື່ອຍ-ລົງເລັບ ລະບຸວ່າ: ມີ24ແຂວງ ຈາກ 37ແຂວງ ໄດ້ລາຍງານ ການກວດພົບ ພະຍາດ ດັ່ງກ່າວເມື່ອນັບ ມາຮອດ ວັນ ທີ 9 ສິງຫາ ທີ່ຜ່ານມາ./. (ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
KPL
