ຂປລ
ຜົນຜະລິດ ຂອງຂະແໜງ ການຜະລິດ ຂອງກຳປູເຈຍ ໃນ6ເດືອນ ຕົ້ນປີນີ້ ບັນລຸ 7,57 ຕື້ໂດລາ ສະຫະລັດ ເພີ່ມຂຶ້ນ 75% ເມື່ອທຽບໃສ່ ປີກາຍ.
ຂປລ.ຕາມຂ່າວຈາກ ຊິນຮວາ,ວັນທີ11 ສິງຫານີ້, ທ່ານ ເຮັງ ຊົກ ກຸງ (Heng Sok Kung), ລັດຖະມົນຕີ ວ່າການ ກະຊວງ ການຕ່າງປະເທດ ແລະ ໂຄສົກ ກະຊວງ ອຸດສາຫະກຳ, ວິທະຍາສາດ, ເຕັກໂນໂລຊີ ແລະ ນະວັດຕະກຳ ຂອງກຳປູເຈຍ ເປີດເຜີຍວ່າ:ຜົນຜະລິດ ຂອງຂະແໜງ ການຜະລິດ ຂອງກຳປູເຈຍ ໃນ6ເດືອນ ຕົ້ນປີນີ້ ບັນລຸ7,57ຕື້ໂດລາ ສະຫະລັດເພີ່ມຂຶ້ນ 75%ເມື່ອທຽບໃສ່ ປີກາຍ.ໃນລະຫວ່າງ ເດືອນມັງກອນ ຫາເດືອນ ມິຖຸນາ ມູນຄ່າ ທັງຫມົດ 5,26ຕື້ໂດລາ ສະຫະລັດ ໃນຂະນະທີ່ ຍອດການຈຳໜ່າຍ ຜະລິດຕະພັນ ໃນຕະຫລາດ ພາຍໃນປະເທດ ລວມທັງໝົດ 2,31ຕື້ໂດລາ ກາຍເປັນຈຸດແຂງ ໃນການສົ່ງເສີມ ຍອດຜະລິດ ຕະພັນ ພາຍໃນ ປະເທດ (GDP) ຂະຫຍາຍຕົວ 39,9% ແລະ ສ້າງວຽກເຮັດ ງານທຳເຖິງ1,04 ລ້ານຕຳແໜ່ງ ໃນປີນີ້.ຂະນະທີ່ ໂຮງງານ ຜະລິດ ໃນກຳປູເຈຍ ທັງໝົດ1.947ແຫ່ງ ມີປະມານ 1.100ແຫ່ງ ເປັນໂຮງງານ ຜະລິດ ເຄື່ອງນຸ່ງ, ເກີບໜັງ ແລະ ສິນຄ້າ ສຳລັບ ການເດີນທາງ.ສ່ວນທີ່ເຫລືອ ແມ່ນໂຮງງານ ອາຫານ-ເຄື່ອງດື່ມ,ໂຮງງານ ປະກອບລົດ, ໂຮງງານ ຊີມັງ, ໂຮງງານ ເອເລັກໂຕຣນິກ ແລະ ໂຮງງານ ຜະລິດຢາ ເປັນຕົ້ນ./. (ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
KPL