ຂປລ
ຈີນ ສືບຕໍ່ໂຄງການກໍ່ສ້າງ ເພື່ອການຂົນສົ່ງທາງໃຕ້ດິນ ຂະໜາດໃຫຍ່ທີ່ສຸດ ໃນອາຊີ ໂດຍປັດຈຸບັນ ເລີ່ມຕົ້ນວຽກກໍ່ສ້າງ ພື້ນທີ່ຫລັກ ຫລັງອາຄານ ສະຖານີແລ້ວ
ຂປລ.ຕາມຂ່າວຈາກ ຊິນຮວາ,ວັນທີ12 ສິງຫານີ້,ຈີນ ສືບຕໍ່ໂຄງການກໍ່ສ້າງ ເພື່ອການຂົນສົ່ງທາງໃຕ້ດິນ ຂະໜາດໃຫຍ່ທີ່ສຸດ ໃນອາຊີ ໂດຍປັດຈຸບັນ ເລີ່ມຕົ້ນວຽກກໍ່ສ້າງ ພື້ນທີ່ຫລັກ ຫລັງອາຄານ ສະຖານີແລ້ວ ບໍລິສັດ ກໍ່ສ້າງ ທາງລົດໄຟຈີນ ຈໍາກັດ (CRCC)ເປັນໜຶ່ງ ໃນຜູ້ພັດທະນາ ໂຄງການຂ້າງເທິງ ເປີດເຜີຍວ່າ:ໜ່ວຍງານ ວິສະວະກອນ ໄດ້ເລີ່ມເຮັດວຽກ ກ່ຽວກັບ ໂຄງສ້າງ ຂະໜາດໃຫຍ່ ຂອງສູນການ ຂົນສົ່ງ ຄົບວົງຈອນ ໃນເຂດ ຖົງໂຈວ(Tongzhou) ທີ່ເປັນສູນກາງຍ່ອຍ ທາງຕາເວັນອອກຂອງປັກກິ່ງ.ການກໍ່ສ້າງ ເພື່ອການຂົນສົ່ງ ໃຕ້ດິນຂະຫນາດ 1,28 ລ້ານຕາແມັດມີໂຄງສ້າງ ຊັ້ນໃຕ້ດິນ ແບບ 3ຊັ້ນຖືເປັນອີກໜຶ່ງ ໂຄງການ ຂະໜາດໃຫຍ່ ຂອງປັກກິ່ງຖັດຈາກ ສະໜາມບິນ ສາກົນ ປັກກິ່ງ ຕ້າຊີງ(Daxing).ໂຄງການດັ່ງກ່າວ ມີກຳນົດ ເປີດການສັນຈອນ ພາຍໃນ ທ້າຍປີ2024 ໂດຍຈະເຊື່ອມຕໍ່ ລະຫວ່າງ ພາກພື້ນ ແລະ ທາງລົດໄຟ ລະຫວ່າງເມືອງ ລວມທັງ ລົດໄຟໃຕ້ດິນ ອີກຫລາຍສາຍ./. (ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
KPL
