ຂປລ
ປັດຈຸບັນ ການຈັດຕັ້ງປະຕິບັດວຽກງານຄຸ້ມຄອງສັດນ້ຳ-ສັດປ່າ ຢູ່ ສປປ ລາວ ເຫັນວ່າໃນຫລາຍທ້ອງຖິ່ນໃນຂອບເຂດທົ່ວປະເທດ ໄດ້ເອົາໃຈໃສ່ຢ່າງຕັ້ງໜ້າ ໂດຍມີການກວດກາລາດຕະເວນຢູ່ຂອບເຂດພື້ນທີ່ປ່າສະຫງວນ ແລະ ປ່າປ້ອງກັນ ແຫ່ງຊາດ, ເຂດທີ່ຫລໍ່ແຫລມ ແລະ ອື່ນໆ. ພ້ອມດຽວກັນນັ້ນ ກໍໄດ້ອອກລະບຽບ ແລະ ມາດຕະການຫ້າມລ່າ, ຫ້າມຈັບ ໃນໄລຍະສັດນ້ຳ-ສັດປ່າ ຖືພາມານ, ອອກແມ່ແຜ່ລູກ ແລະ ສະກັດກັ້ນການຄ້າຂາຍສັດປ່າ ທີ່ຜິດກົດໝາຍ.
ປັດຈຸບັນ ການຈັດຕັ້ງປະຕິບັດວຽກງານຄຸ້ມຄອງສັດນ້ຳ-ສັດປ່າ ຢູ່ ສປປ ລາວ ເຫັນວ່າໃນຫລາຍທ້ອງຖິ່ນໃນຂອບເຂດທົ່ວປະເທດ ໄດ້ເອົາໃຈໃສ່ຢ່າງຕັ້ງໜ້າ ໂດຍມີການກວດກາລາດຕະເວນຢູ່ຂອບເຂດພື້ນທີ່ປ່າສະຫງວນ ແລະ ປ່າປ້ອງກັນ ແຫ່ງຊາດ, ເຂດທີ່ຫລໍ່ແຫລມ ແລະ ອື່ນໆ. ພ້ອມດຽວກັນນັ້ນ ກໍໄດ້ອອກລະບຽບ ແລະ ມາດຕະການຫ້າມລ່າ, ຫ້າມຈັບ ໃນໄລຍະສັດນ້ຳ-ສັດປ່າ ຖືພາມານ, ອອກແມ່ແຜ່ລູກ ແລະ ສະກັດກັ້ນການຄ້າຂາຍສັດປ່າ ທີ່ຜິດກົດໝາຍ.
ປັດຈຸບັນການຈັດຕັ້ງ ປະຕິບັດວຽກງານຄຸ້ມຄອງສັດນ້ຳ-ສັດປ່າ ຢູ່ ສປປ ລາວ ແມ່ນອີງໃສ່ກົດໝາຍ ວ່າດ້ວຍສັດນ້ຳ ແລະ ສັດປ່າ, ບັນດານິຕິກຳຕ່າງໆທີ່ກ່ຽວຂ້ອງ ເພື່ອໂຄສະນາເຜີຍແຜ່ໃຫ້ປະຊາຊົນບັນດາເຜົ່າ, ອົງການຈັດຕັ້ງຕ່າງໆ ຕະຫລອດເຖິງບັນດາຫົວໜ່ວຍທຸລະກິດ ໄດ້ເຂົ້າໃຈກ່ຽວກັບຄວາມໝາຍຄວາມສຳຄັນໃນການອະນຸລັກ ແລະ ພັດທະນາສັດນ້ຳ ແລະ ສັດປ່າ ໃຫ້ກາຍເປັນທ່າແຮງໜຶ່ງ ທີ່ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງຊາດ ໂດຍລັດໄດ້ສົ່ງເສີມບຸກຄົນ ແລະ ການຈັດຕັ້ງຂະຫຍາຍພັນສັດນ້ຳ ແລະ ສັດປ່າ ຕາມທຳມະຊາດ ໂດຍນຳໃຊ້ເຕັກນິກວິຊາການ ເພື່ອເພີ່ມຈຳນວນສັດນ້ຳ ແລະ ສັດປ່າ ໃຫ້ຫລາຍຂຶ້ນ. ນອກນັ້ນ, ຍັງໄດ້ຟື້ນຟູບູລະນະຖິ່ນທີ່ຢູ່ອາໄສ ທີ່ເຊື່ອມໂຍງ ລວມທັງແຫລ່ງອາຫານ ແລະ ແຫລ່ງແພ່ພັນ ເພື່ອໃຫ້ສັດປ່າດຳລົງຊີວິດຢ່າງປົກກະຕິ. ພ້ອມກັນນັ້ນ ກໍໄດ້ປຸກລະດົມທົ່ວປວງຊົນມີສ່ວນຮ່ວມໃນການພັດທະນາສັດນ້ຳ ແລະ ສັດປ່າ ຢ່າງກວ້າງຂວາງ, ສືບຕໍ່ເຜີຍແຜ່ໂຄສະນາຢ່າງຕໍ່ເນື່ອງລຽນຕິດ ເພື່ອໃຫ້ບຸກຄົນ, ຄອບຄົວ ແລະ ການຈັດຕັ້ງຕ່າງໆຮູ້ເຖິງຂໍ້ຫ້າມ ໃນການຄຸ້ມຄອງສັດນ້ຳ-ສັດປ່າ ທີ່ຍັງມີຊີວິດ ແລະ ການລັກລອບຊື້-ຂາຍ, ການລ່າສັດຫວງຫ້າມ, ການລ່າສັດໃນລະດູການຂະຫຍາຍພັນ, ການລ່າສັດນ້ຳ-ສັດປ່າແບບດັບສູນ ແລະ ອື່ນໆ.
ສັດນ້ຳ-ສັດປ່າ ປະເພດຫວງຫ້າມ ຢູ່ ສປປ ລາວ ມີຫລາຍຊະນິດ ຄື: ສັດລ້ຽງລູກດ້ວຍນ້ຳນົມ ມີ 44 ຊະນິດ, ສັດເລືອຄານ 8 ຊະນິດ, ສັດປີກ 36 ຊະນິດ, ສັດນ້ຳ 7 ຊະນິດ, ສັດເຄິ່ງບົກເຄິ່ງນ້ຳ 1 ຊະນິດ(ປາຕີນ). ສ່ວນສັດນ້ຳ-ສັດປ່າ ປະເພດຄຸ້ມຄອງ ມີຄື: ສັດລ້ຽງລູກດ້ວຍນ້ຳນົມ ມີ 15 ຊະນິດ, ສັດເລືອຄານ 13 ຊະນິດ, ສັດປີກ 21 ຊະນິດ, ສັດນ້ຳ 9 ຊະນິດ ແລະ ແມງໄມ້ 7 ຊະນິດ ໃນນັ້ນ ສັດທີ່ສູນພັນແລ້ວ ປະກອບມີ ແຮດນໍດຽວ, ແຮດສອງນໍ, ງົວບາ ແລະ ຄວາຍປ່າ.
KPL
