ຂປລ
ຂປລ. ໃນວັນທີ 17 ກັນຍາ 2018, ນັກຮຽນມັດທະຍົມຕອນປາຍລາວ ພ້ອມດ້ວຍຄູຝຶກ 15 ຄົນ, ໄດ້ເດີນ ທາງໄປປະເທດຍີ່ປຸ່ນ ເພື່ອເຂົ້າ ຮ່ວມການແລກປ່ຽນຣັກບີ້ໄວໜຸ່ມ ຍີ່ປຸ່ນ-ອາຊຽນ ພາຍໃຕ້ໂຄງການ JENESYS 2018, ເຊິ່ງໄດ້ຮັບການ ສະໜັບສະໜູນ ຈາກລັດຖະບານຍີ່ປຸ່ນ.
ຂປລ. ໃນວັນທີ 17 ກັນຍາ 2018, ນັກຮຽນມັດທະຍົມຕອນປາຍລາວ ພ້ອມດ້ວຍຄູຝຶກ 15 ຄົນ, ໄດ້ເດີນທາງໄປປະເທດຍີ່ປຸ່ນ ເພື່ອເຂົ້າຮ່ວມການແລກປ່ຽນຣັກບີ້ໄວໜຸ່ມຍີ່ປຸ່ນ-ອາຊຽນ ພາຍໃຕ້ໂຄງການ JENESYS 2018, ເຊິ່ງໄດ້ຮັບການສະໜັບສະໜູນ ຈາກລັດຖະບານຍີ່ປຸ່ນ. ໃນໂອກາດດຽວກັນ, ບັນດານັກຮຽນລາວ ຈະໄດ້ໄປຢ້ຽມຊົມເມືອງ ໂງເຕັງບະ ແຂວງ ຊິຈຶໂອກະ ເພື່ອເຂົ້າຮ່ວມ ຝຶກຫລິ້ນກິລາແທ໋ກຣັກບີ້ ແລະ ແລກປ່ຽນກັນ ໃນນັດແຂ່ງຂັນມິດຕະພາບ. ພ້ອມກັນນີ້, ພວກເຂົາຍັງຈະໄດ້ເຂົ້າພົບປະຜູ້ຕາງໜ້າ ຈາກກະຊວງການຕ່າງປະເທດ ແລະ ຢ້ຽມຊົມສະຖານທີ່ປະຫວັດສາດທີ່ສໍາຄັນ ແລະ ສິ່ງອໍານວຍຄວາມສະດວກອື່ນໆ ໃນນະຄອນຫລວງໂຕກຽວ.
ການແລກປ່ຽນຫລິ້ນກິລາຣັກບີ້ ຍີ່ປຸ່ນ-ອາຊຽນ ແມ່ນເພື່ອແນໃສ່ການເພີ່ມຄວາມສົນໃຈ ໃນກິລາຣັກບີ້ ລະຫວ່າງປະເທດອາຊຽນ ທີ່ຄາດຫວັງຈະເຂົ້າຮ່ວມໃນການແຂ່ງຂັນກິລາຣັກບີ້ໂລກ 2019 ທີ່ຈະຖືກຈັດຂຶ້ນຢູ່ ປະເທດ ຍີ່ປຸ່ນ. ບັນດານັກຮຽນທີ່ມີຄວາມກະຕືລືລົ້ນໃນການຫລິ້ນກິລາ ແມ່ນໄດ້ຖືກເຊື້ອເຊີນ ແລະ ຈະໄດ້ຮຽນການທູດໃນອະນາຄົດ, ໂດຍຜ່ານກິດຈະກໍາກິລາ ແລະ ຫລິ້ນກິລາແທ໋ກ ຣັກບີ້ ກັບບັນດານັກຮຽນລຸ້ນດຽວກັນ ຈາກຍີ່ປຸ່ນ ແລະ ປະເທດອື່ນໆ ໃນອາຊຽນ.
KPL
