ຂປລ
ຂປລ. ສິນຄ້າທີ່ເປັນຜະລິດຕະພັນຂອງຄົນລາວ ຍັງມີສິ່ງທ້າທາຍຫລາຍດ້ານ ເປັນຕົ້ນ ຄົນລາວ ຍັງບໍ່ນິຍົມຊົມໃຊ້ ຜະລິດຕະພັນພາຍໃນ ແລະ ຍັງບໍ່ທັນຍອມຮັບ ສິນຄ້າຜະລິດຕະພັນ ທີ່ເປັນຂອງລາວ, ໂດຍສະເພາະ ຢ້ານສິນຄ້າບໍ່ໄດ້ຄຸນນະພາບ ແລະ ບໍ່ໄດ້ມາດຕະຖານ
/cream.jpg)
ຂປລ. ສິນຄ້າທີ່ເປັນຜະລິດຕະພັນຂອງຄົນລາວ ຍັງມີສິ່ງທ້າທາຍຫລາຍດ້ານ ເປັນຕົ້ນ ຄົນລາວ ຍັງບໍ່ນິຍົມຊົມໃຊ້ ຜະລິດຕະພັນພາຍໃນ ແລະ ຍັງບໍ່ທັນຍອມຮັບ ສິນຄ້າຜະລິດຕະພັນ ທີ່ເປັນຂອງລາວ, ໂດຍສະເພາະ ຢ້ານສິນຄ້າບໍ່ໄດ້ຄຸນນະພາບ ແລະ ບໍ່ໄດ້ມາດຕະຖານ, ກ່າວໂດຍ ທ່ານ ນາງ ໄພວັນ ສີຣິວົງສາ ຜູ້ຈັດການຝ່າຍການຕະຫລາດ ບໍລິສັດຈະເລີນສຸກ ຂາເຂົ້າ-ຂາອອກ ຈຳກັດຜູ້ດຽວ ກ່າວໃນໂອກາດ ນໍາສະເໜີຜະລິດຕະພັນໃໝ່ ຄຣີມອາບນ້ຳເມລ້ອນ, ເຊິ່ງຈັດຂຶ້ນໃນວັນທີ 17 ກັນຍາ 2018 ທີ່ໂຮງແຮມ ຢູສຸກ ນະຄອນຫລວງວຽງຈັນ.
ທ່ານ ນາງ ໄພວັນ ສີຣິວົງສາ ກ່າວວ່າ: ເພື່ອສົ່ງເສີມສິນຄ້າຂອງຄົນລາວ, ເຮັດໃຫ້ສິນຄ້າຂອງລາວມີບົດບາດ ທັງເຮັດໃຫ້ຄົນລາວ ຫັນມານິຍົມໃຊ້ຜະລິດຕະພັນ ຂອງລາວໃຫ້ຫລາຍຂຶ້ນ, ເພື່ອຫລຸດຜ່ອນ ການນຳເຂົ້າສິນຄ້າ ຈາກຕ່າງປະເທດ ທາງບໍລິສັດຈະເລີນສຸກ ຂາເຂົ້າ-ຂາອອກ ຈຳກັດຜູ້ດຽວ ຈຶ່ງໄດ້ນຳເອົາ ສິນຄ້າທີ່ເປັນຜະລິດຕະພັນຂອງລາວ ໂດຍສະເພາະ ຄຣີມອາບນ້ຳ ເມລ້ອນ ທີ່ເປັນສະບູ່ແຫລວອາບນ້ຳ ຈາກສູດທີ່ຖືກຄິດຄົ້ນຈາກຄົນລາວເຮົາເອງ ເພື່ອໃຫ້ເໝາະກັບສະພາບຜິວຂອງຄົນລາວ ແລະ ເພື່ອໃຫ້ຄົນລາວໄດ້ຊົມໃຊ້. ຜະລິດຕະພັນດັ່ງກ່າວ, ໄດ້ຮັບມາດຕະຖານສາກົນ GMP ISO 9001, ເຊິ່ງປະກອບດ້ວຍໝາກໄມ້ຫລາຍກວ່າ 10 ຊະນິດ ທີ່ອຸດົມໄປດ້ວຍວິຕາມິນ ເຮັດໃຫ້ຜິວສົດໃສ, ຊຸ່ມຊື່ນ, ປົກປ້ອງຈາກມົນລະພິດ, ກຳຈັດ ແລະ ຫລຸດການສະສົມຂອງເຊື້ອພະຍາດ.
/cream2.jpg)
ທ່ານ ນາງ ໄພວັນ ສີຣິວົງສາ ກ່າວຕື່ມວ່າ: ໃນປີນີ້ ທາງບໍລິສັດ ຈະໄດ້ຈຳໜ່າຍຜະລິດຕະພັນຄຣີມອາບນ້ຳເມລ້ອນ 100.000 ຕຸກ ເພື່ອໃຫ້ຄົນລາວໄດ້ລອງໃຊ້ ແລະ ອີກ 5 ປີ ຂ້າງໜ້າມີແຜນຈະຈຳໜ່າຍໃຫ້ໄດ້ 2 ລ້ານຕຸກ. ໃນນີ້, ຈະສົ່ງອອກຕ່າງປະເທດ ເປັນຕົ້ນ ຫວຽດນາມ, ຈີນ ແລະ ໄທ. ປັດຈຸບັນ, ທາງບໍລິສັດມີ 4 ສູນໃຫຍ່ຈຳໜ່າຍໃນທົ່ວປະເທດ ເປັນຕົ້ນ ນະຄອນຫລວງວຽງຈັນ, ພາກເໜືອ ແລະ ພາກໃຕ້.
ຂ່າວ: ມະນີທອນ,
KPL
