lkmk]tot]a f xt-kmy xtw8 xt-k-q o]k; \A opn oK @ 0j k; c]t gsfdko 29/11/2023 xtgmf]k; ການຊ່ວຍເຫລືອ... ຫ້ອງວ່າການສູນກາງພັກ... ນາຍົກລັດຖະມົນຕີ... ຮອງປະທານປະເທດ... ສານຊົມເຊີຍ... ຮອງນາຍົກລັດຖະມົນຕີ... ສປປ ລາວ... ຂປລ. ເມື່ອບໍ່ດົນມານີ້, ທ່ານ ສອນໄຊ ສີພັນດອນ ນາຍົກລັດຖະ ມົນຕີ, ຫົວໜ້າຄະນະສະເພາະກິດ ຮັບຜິດຊອບແກ້ໄຂບັນຫາເຄັ່ງຮ້ອນ ຂອງເສດຖະກິດ-ການເງິນ, ບັນຫາ ເງິນເຟີ້, ອັດຕາແລກປ່ຽນເງິນຕາ, ລາຄາສິນຄ້າ ແລະ ໜີ້ສິນຕ່າງປະ ເທດ (ຫົວໜ້າຄະນະສະເພາະ ກິດ19/ກມສພ) ພ້ອມດ້ວຍບັນດາ ຮອງລັດຖະມົນຕີຈາກກະຊວງ-ອົງ ການທີ່ກ່ຽວຂ້ອງ ໄດ້ເຄື່ອນໄຫວ ເຮັດວຽກເພື່ອຕິດຕາມຊຸກຍູ້ການ ພັດທະນາເສດຖະກິດ-ສັງຄົມ ແລະ ວຽກງານທີ່ຕິດພັນກັບເມືອງຍອດອູ ແຂວງຜົ້ງສາລີໂດຍມີທ່ານຄຳຜອຍ ວັນນະສານ ເຈົ້າແຂວງຜົ້ງສາລີ ພ້ອມດ້ວຍຄະນະນຳແຂວງ ແລະ ເມືອງຍອດອູ ໃຫ້ການຕ້ອນຮັບ ແລະ ເຮັດວຽກຮ່ວມ. ທ່ານ ສົມຫວັງ ສຸມວິໄລ ເຈົ້າ ເມືອງຍອດອູ ໄດ້ລາຍງານໃຫ້ ຊາບກ່ຽວກັບສະພາບຈຸດພິເສດ ແລະ ການພັດທະນາເສດຖະກິດສັງຄົມຂອງເມືອງ ເຊິ່ງເປັນເມືອງ ທີ່ຕັ້ງຢູ່ເໜືອສຸດຂອງປະເທດລາວ ຫ່າງຈາກເທສະບານແຂວງ 93 ກິໂລແມັດ, ມີເນື້ອທີ່ທັງໝົດ 3.105 ກວ່າກິໂລຕາແມັດ. ໃນນີ້, 97% ເປັນພູດອຍ, ເນື້ອທີ່ປ່າໄມ້ປົກຫຸ້ມ 65%; ແຂວງໄດ້ກຳນົດ 6 ນະໂຍ ບາຍໃນການຈັດສັນອາຊີບໃຫ້ແກ່ ປະຊາຊົນຄື: ຍົກສູງສະມັດຕະພາບ ເຂົ້ານາປີ, ປູກພືດ, ປູກຕົ້ນໄມ້ອຸດ ສາຫະກຳເປັນສິນຄ້າ, ລ້ຽງສັດ ແລະ ເຮັດການບໍລິການ. ປັດຈຸບັນ ທົ່ວເມືອງມີບ້ານພົ້ນທຸກ 22 ບ້ານ, ກວມເອົາ28,95%, ຄອບຄົວພົ້ນ ທຸກມີ 3.362 ຄອບຄົວ, ກວມ 52,73%, ຄອບຄົວພັດທະນາມີ 690 ຄອບຄົວ, ກວມ11,54%. ພ້ອມນີ້, ອໍານາດການປົກຄອງເມືອງ ກໍມີຂໍ້ສະເໜີຈໍານວນໜຶ່ງຕໍ່ແຂວງ ແລະ ສູນກາງ ເພື່ອພິຈາລະນາ ແກ້ໄຂຊ່ວຍເຫລືອ ໃນການປັບປຸງ ໂຄງລ່າງພື້ນຖານຂອງເມືອງ ເປັນ ຕົ້ນ ປູຢາງທາງຊອຍ, ກໍ່ສ້າງເສັ້ນ ທາງເວັ້ນ, ກໍ່ສ້າງປ້ອງກັນຕາຝັ່ງ ເຈື່ອນ, ກໍ່ສ້າງລະບົບນໍ້າປະປາ, ກໍ່ ສ້າງຂົວນໍ້າອູ່, ສ້າງຊົນລະປະທານ ແລະ ອື່ນໆ. ຈາກນັ້ນ,ທ່ານບຸນແກ້ວຄຳມີໄຊ ຮອງຫົວໜ້າຄະນະຄຸ້ມຄອງດ່ານສາ ກົນລານຕຸ້ຍ ກໍໄດ້ລາຍງານໃຫ້ຊາບ ກ່ຽວກັບສະພາບຈຸດພິເສດ ແລະ ການຈັດຕັ້ງປະຕິບັດວຽກງານຂອງ ດ່ານ ເຊິ່ງດ່ານດັ່ງກ່າວໄດ້ສ້າງຕັ້ງ ຂຶ້ນໃນປີ 1989 ຫ່າງຈາກເທສະ ບານແຂວງໃໝ່ (ເມືອງບຸນເໜືອ) ປະມານ 150 ກິໂລແມັດ, ມີຊາຍ ແດນຕິດຈອດກັບ ສປ ຈີນ, ດ່ານ ເຊິ່ງໜ້າແມ່ນດ່ານເມືອງຄັງ ສປ ຈີນ; ດ້ານກົງຈັກການຈັດຕັ້ງຂອງ ດ່ານ ປະກອບມີ 4 ຂະແໜງຄື: ຂະ ແໜງຕຳຫລວດກວດຄົນເຂົ້າ-ອອກ ເມືອງ, ຂະແໜງ ພາສີ, ຂະແໜງກັກ ກັນພືດ-ສັດ, ອາຫານແລະຢາແລະ ຂະແໜງບໍລິຫານ ມີພະນັກງານ ທັງໝົດ 25 ທ່ານ. ນອກນັ້ນ, ຍັງ ລາຍງານກ່ຽວກັບສະພາບການບໍ ລິການທີ່ພັກລົດສິນຄ້າ, ສາງຝາກ ສິນຄ້າ ແລະ ຄ່ຽນຖ່າຍສິນຄ້າ,ລວມ ທັງຂໍ້ສະດວກ, ຂໍ້ຫຍຸ້ງຍາກ ແລະ ຂໍ້ ສະເໜີຂອງຜູ້ປະກອບການຕໍ່ລັດຖະ ບານ ຈໍານວນໜຶ່ງ. ໃນໂອກາດນີ້, ທ່ານນາຍົກລັດ ຖະມົນຕີ ກໍໄດ້ໃຫ້ກຽດໂອ້ລົມຕໍ່ການ ນຳຂອງແຂວງ, ເມືອງ ແລະ ພາກ ສ່ວນກ່ຽວຂ້ອງໃຫ້ເອົາໃຈໃສ່ວຽກ ງານບາງດ້ານຕື່ມເປັນຕົ້ນ ໃຫ້ກວດ ກາຄືນການຈັດສັນພຸມລຳເນົາຂອງ ປະຊາຊົນ ໂດຍແຍກພື້ນທີ່ການພັດ ທະນາ ແລະ ພື້ນທີ່ທາງຫລວງແຫ່ງ ຊາດ ໃຫ້ຈະແຈ້ງ; ການຈັດສັນອາ ຊີບປະຊາຊົນໃຫ້ເນັ້ນຊຸກຍູ້ສົ່ງເສີມ ການປູກພືດເປັນສິນຄ້າ ແລະ ປູກ ພືດທົດແທນການປູກຝິ່ນ, ນຳໃຊ້ທ່າ ແຮງຂອງເມືອງເຂົ້າໃນການພັດທະ ນາ ເປັນຕົ້ນ ການປູກຊາ ແລະ ອື່ນໆ; ໃຫ້ຂະແໜງກະສິກຳ ແລະ ປ່າໄມ້ ປະເມີນຄືນຜົນການຈັດຕັ້ງປະຕິບັດ ດຳລັດເລກທີ 348/ລບ ວ່າດ້ວຍ ມາດຕະຖານພົ້ນທຸກ ແລະ ມາດ ຕະຖານພັດທະນາ, ສຳລັບການປັບ ປຸງໂຄງລ່າງພື້ນຖານຕ່າງໆນັ້ນໃຫ້ ແຂວງສັງຮວມ ແລະ ຂຶ້ນແຜນນຳ ໃຊ້ບ້ວງງົບປະມານປົກກະຕິຂອງ ແຂວງ ຫລື ງົບປະມານເກີນແຜນ (ກໍລະນີທ້ອງຖິ່ນເກັບລາຍຮັບໄດ້ ເກີນແຜນ) ໂດຍຈັດເປັນບຸລິມະສິດ ໂຄງການລົງທຶນຄັກແນ່,ສຳລັບ ດ່ານສາກົນລານຕຸ້ຍ ໃຫ້ເອົາໃຈໃສ່ ການອຳນວຍຄວາມສະດວກ, ການ ບໍລິການ ໃຫ້ມີຄວາມທັນສະໄໝ, ວ່ອງໄວ, ໂປ່ງໄສ, ປະຕິບັດໜ້າທີ່ບົນ ຈິດໃຈຄວາມເສຍສະລະ ແລະ ຮັບ ໃຊ້ປະຊາຊົນຢ່າງແທ້ຈິງ; ໃຫ້ກະ ຊວງການເງິນສົມທົບກັບກະຊວງ ໂຍທາທິການ ແລະ ຂົນສົ່ງກວດກາ ຄືນການເກັບຄ່າບໍລິການຂົນສົ່ງ ສິນຄ້າ ໃຫ້ມີຄວາມເປັນເອກະພາບ. ສ່ວນຂໍ້ສະເໜີຈຳນວນໜຶ່ງແມ່ນ ມອບໃຫ້ກະຊວງກ່ຽວຂ້ອງສົມທົບ ກັບອົງການປົກຄອງທ້ອງຖິ່ນປຶກ ສາຫາລືຮ່ວມກັນເພື່ອນຳເອົາບັນ ຫາຕ່າງໆໄປພິຈາລະນາແກ້ໄຂ, ແລ້ວລາຍງານລັດຖະບານມີທິດຊີ້ ນຳຕື່ມ. ການຢ້ຽມຢາມ ແລະ ເຮັດວຽກ ຢູ່ເມືອງຍອດອູ ຄັ້ງນີ້, ທ່ານນາຍົກ ລັດຖະມົນຕີຍັງໄດ້ມອບເຄື່ອງນຸ່ງ ຫົ່ມ ຈຳນວນໜຶ່ງ ເພື່ອຕ້ານໄພໜາວ ໃຫ້ອໍານາດການປົກຄອງເມືອງ ຍອດອູ ນຳໄປແຈກຢາຍໃຫ້ປະຊາ ຊົນຜູ້ທີ່ທຸກຍາກຂາດເຂີນຢູ່ຫ່າງໄກ ສອກຫລີກ ຕື່ມອີກ. ຂ່າວ-ພາບ: ກົມປະຊາສຳພັນ ຫສນຍ. ຂ້າພະເຈົ້່າ ຂໍຖືໂອກາດອັນສະ ຫງ່າລາສີນີ້ ອວຍພອນໄຊໃຫ້ທ່ານ ຈົ່ງມີສຸຂະພາບເຂັ້ມແຂງ, ມີຄວາມ ຜາສຸກ ແລະ ປະສົບຜົນສຳເລັດໃນ ໜ້າທີ່ອັນມີກຽດຂອງທ່ານ ແລະ ອວຍພອນໃຫ້ປະຊາຊົນ ຕີມໍ-ແລັດ ສະເຕ ເພື່ອນມິດ ຈົ່ງສືບຕໍ່ມີຄວາມ ສົມບູນພູນສຸກ ແລະ ວັດທະນະຖາ ວອນ. ໃນໂອກາດນີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ກໍໄດ້ສົ່ງສານສະ ແດງຄວາມຊົມເຊີຍເຖິງ ທ່ານ ເກຣາ ລາຊານານາກຸສມາວນາຍົກລັດຖະ ມົນຕີ ແຫ່ງ ສາທາລະນະລັດ ປະຊາ ທິປະໄຕ ຕີມໍ-ແລັດສະເຕ ແລະ ທ່ານ ສະເຫລີມໄຊ ກົມມະສິດ ຮອງນາຍົກ ລັດຖະມົນຕີ, ລັດຖະມົນຕີກະຊວງ ການຕ່າງປະເທດ ແຫ່ງສາທາລະ ນະລັດປະຊາທິປະໄຕປະຊາຊົນລາວ ກໍໄດ້ສົ່ງສານສະແດງຄວາມຊົມ ເຊີຍເຖິງ ທ່ານ ເບັນດີໂຕ ໂດສ ຊານ ໂຕສ ເຟຣອີຕາສ ລັດຖະມົນຕີກະ ຊວງການຕ່າງປະເທດ ແລະ ການ ຮ່ວມມື ແຫ່ງ ສາທາລະນະລັດ ປະ ຊາທິປະໄຕ ຕີມໍ-ແລັດສະເຕ ເນື່ອງ ໃນໂອກາດວັນປະກາດເອກະລາດ ແຫ່ງ ສາທາລະນະລັດ ປະຊາທິປະ ໄຕ ຕີມໍ-ແລັດສະເຕ ຄົບຮອບ 48 ປີ ເຊັ່ນດຽວກັນ. ສະພາທີ່ປຶກສາການເມືອງທົ່ວປະ ເທດຈີນ ພ້ອມຄະນະ ທີ່ມາຢ້ຽມຢາມ ສປປ ລາວ ເຊິ່ງເປັນການເສີມຂະ ຫຍາຍສາຍພົວພັນມິດຕະພາບອັນ ເປັນມູນເຊື້ອລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຈີນ ໂດຍສະເພາະແມ່ນເປັນ ການຈັດຕັ້ງຜັນຂະຫຍາຍຖະແຫລງ ການຮ່ວມຂອງຜູ້ນໍາສູງສຸດ ຂອງ ສອງປະເທດກ່ຽວກັບຄູ່ຮ່ວມຊາຕາ ກໍາ ລາວ-ຈີນ ໃຫ້ເຂົ້າສູ່ລວງເລິກ. ພ້ອມທັງຕີລາຄາສູງຕໍ່ການພົວພັນ, ຮ່ວມມືຂອງສອງປະເທດ ນັບມື້ໄດ້ ຮັບການເສີມຂະຫຍາຍ, ລວມທັງ ການຈັດຕັ້ງຜັນຂະຫຍາຍແຜນແມ່ ບົດຄູ່ຮ່ວມຊາຕາກຳ ລາວ-ຈີນ ໄດ້ ເປັນພື້ນຖານອັນໜັກແໜ້ນ ໃນການ ເສີມຂະຫຍາຍສາຍພົວພັນຍຸດທະ ສາດຮອບດ້ານ, ໝັ້ນຄົງ, ຍາວນານ ລະຫວ່າງ ສອງຊາດ ລາວ-ຈີນ ເຊິ່ງ ໄລຍະຜ່ານມາສອງປະເທດ ໄດ້ມີ ການແລກປ່ຽນໄປມາຫາສູ່ຢ້ຽມ ຢາມເຊິ່ງກັນ ແລະ ກັນໃນລະດັບ ຕ່າງໆແຕ່ສູນກາງຮອດທ້ອງຖິ່ນ. ສະຫາຍ ນາງ ເສີນ ໂຢໂຢ ໄດ້ສະ ແດງຄວາມຂອບໃຈເປັນຢ່າງຍິ່ງຕໍ່ ທ່ານຮອງປະທານປະເທດທີ່ໄດ້ ໃຫ້ກຽດຕ້ອນຮັບຄະນະໃນຄັ້ງນີ້, ພ້ອມທັງແຈ້ງຈຸດປະສົງການມາ ຢ້ຽມຢາມສປປລາວ ໃນຄັ້ງນີ້ແລະ ລາຍງານກ່ຽວກັບສະພາບລວມໃນ ການພັດທະນາເສດຖະກິດ-ສັງຄົມ ຂອງສາທາລະນະລັດປະຊາຊົນຈີນ, ບົດບາດຂອງສະພາທີ່ປຶກສາການ ເມືອງທົ່ວປະເທດຈີນ ໃຫ້ທ່ານຮອງ ປະທານປະເທດໄດ້ຮັບຊາບ. ພ້ອມ ກັນນີ້, ສະຫາຍ ນາງ ເສິນ ໂຢໂຢ ຍັງໄດ້ສະແດງຄວາມຮູ້ສຶກຕໍ່ການ ຜັນຂະຫຍາຍສາຍພົວພັນມິດຕະ ພາບໃນໄລຍະຜ່ານມາ ໂດຍສະເພາະ ເສັ້ນທາງລົດໄຟ ລາວ-ຈີນ, ເສັ້ນ ທາງດ່ວນນະຄອນຫລວງວຽງຈັນ ຫາວັງວຽງ ແຂວງວຽງຈັນ ແລະ ອື່ນໆ ເຊິ່ງເປັນໝາກຜົນອັນໃຫຍ່ ຫລວງ ແລະ ສໍາຄັນຂອງການຮ່ວມ ມືສອງປະເທດ. ການມາຢ້ຽມຢາມຄັ້ງນີ້, ເພື່ອ ເປັນການສືບຕໍ່ຈັດຕັ້ງປະຕິບັດ ຄວາມຮັບຮູ້ພ້ອມກັນລະຫວ່າງຜູ້ນໍາ ສູງສຸດຂອງສອງພັກ, ສອງລັດ ຈີນລາວ ເຮົາໄດ້ປະກອບສ່ວນເຂົ້າໃນ ການກໍ່ສ້າງຄູ່ຮ່ວມຊາຕາກໍາ ຈີນລາວ ແລະ ຊຸກຍູ້ໃຫ້ການຮ່ວມມືໜຶ່ງ ແລວ ໜຶ່ງເສັ້ນທາງ ລາວ-ຈີນ ໃຫ້ ເປັນບາດກ້າວໃໝ່. ຂ່າວ: ຫ້ອງວ່າການສູນກາງພັກ ພາບ: ຂັນໄຊ ແຕ່ລະໄລຍະ, ລວມເຖິງການກະ ກຽມຄວາມພ້ອມຂອງ ສປປ ລາວ ໃນການເປັນປະທານອາຊຽນ ໃນປີ 2024 ເພື່ອພ້ອມກັນສືບຕໍ່ເສີມຂະ ຫຍາຍຜົນສໍາເລັດທີ່ອາຊຽນ ຍາດ ມາໄດ້ ໂດຍສະເພາະການສືບຕໍ່ສ້າງ ປະຊາຄົມອາຊຽນ ເພື່ອເຮັດໃຫ້ອາ ຊຽນມີການເຊື່ອມຈອດ ແລະ ມີ ຄວາມເຂັ້ມແຂງຫລາຍຂຶ້ນ ແລະ ສາມາດຮັບມືກັບສິ່ງທ້າທາຍຕ່າງໆ ທີ່ເກີດຂຶ້ນ. ພ້ອມກັນນັ້ນ, ທ່ານຮອງ ນາຍົກລັດຖະມົນຕີ ກໍໄດ້ເນັ້ນໜັກ ເຖິງບົດບາດສຳຄັນຂອງອົງການ ສປຊ ໃນການຮັກສາສັນຕິພາບ ແລະ ຄວາມໝັ້ນຄົງສາກົນ ກໍຄືການ ສົ່ງເສີມການຮ່ວມມືສາກົນ ເພື່ອການ ພັດທະນາ ພ້ອມທັງສະແດງຄວາມ ຂອບໃຈຕໍ່ອົງການ ສປຊ ທີ່ໃຫ້ການ ຮ່ວມມື ແລະ ສະໜັບສະໜູນລັດຖະ ບານ ແຫ່ງ ສປປ ລາວ ໃນການພັດ ທະນາປະເທດຊາດ ກໍຄື ການແກ້ ໄຂສິ່ງທ້າທາຍຕ່າງໆໃນໄລຍະ ຜ່ານມາ. ທ່ານ ໂມຮາເມັດ ຄາຣິດ ເຄຣຍລີ ກໍໄດ້ສະແດງຄວາມຂອບ ໃຈຢ່າງຈິງໃຈຕໍ່ການຕ້ອນຮັບອັບ ອົບອຸ່ນ ພ້ອມທັງສະແດງຄວາມຊົມ ເຊີຍຕໍ່ຜົນສໍາເລັດແລະຄວາມຄືບໜ້າ ໃນການພັດທະນາປະເທດໃນໄລຍະ ຜ່ານມາ. ນອກຈາກນັ້ນ, ຜູ້ຊ່ວຍເລ ຂາທິການໃຫຍ່ ສປຊ ຍັງໄດ້ຢ້ຳຄືນ ຄວາມສຳຄັນຂອງການຮ່ວມມືລະ ຫວ່າງ ອົງການສະຫະປະຊາຊາດ ແລະ ອາຊຽນ ກໍຄື ຄວາມໝາຍໝັ້ນ ທີ່ຈະສະໜັບສະໜູນລັດຖະບານ ແຫ່ງ ສປປ ລາວ ໃນການເປັນປະ ທານ ອາຊຽນ ໃນປີ 2024 ພ້ອມ ທັງສະແດງຄວາມເຊື່ອໝັ້ນວ່າ ສປປ ລາວ ຈະສາມາດເຮັດສຳເລັດ ໜ້າທີ່ການເປັນປະທານອາຊຽນ ທີ່ ສຳຄັນໃນຄັ້ງນີ້ໄດ້ເປັນຢ່າງດີ. ກ່ອນການເຂົ້າຢ້ຽມຂ່ຳນັບຄັ້ງ ນີ້, ທ່ານ ໂມຮາເມັດ ຄາຣິດ ເຄຣຍລີ ໄດ້ພົບປະກັບ ທ່ານ ໂພໄຊ ໄຂຄໍາ ພິທູນ ຮອງລັດຖະມົນຕີກະຊວງ ການຕ່າງປະເທດ ເພື່ອປຶກສາຫາລື ຂອບການຮ່ວມມືລະຫວ່າງ ສປປ ລາວ ແລະ ອົງການ ສປຊ ລວມ ທັງບົດບາດສຳຄັນຂອງຜູ້ປະສານ ງານອົງການ ສປຊ ປະຈໍາ ສປປ ລາວ, ການຮ່ວມມືລະດັບພາກພື້ນ ແລະ ສາກົນ ເປັນຕົ້ນ ບັນຫາການ ປ່ຽນແປງດິນຟ້າອາກາດ ແລະ ຄວາມໝັ້ນຄົງ, ແມ່ຍິງ ແລະ ສັນຕິ ພາບແລະ ຄວາມໝັ້ນຄົງກໍຄືຄວາມ ສຳຄັນໃນການຈັດກອງປະຊຸມສຸດ ຍອດ ເພື່ອອະນາຄົດ (Summit of the Future) ໃນເດືອນກັນຍາ 2024. ນອກຈາກນັ້ນ, ຍັງໄດ້ພົບປະ ແລະ ເຮັດວຽກກັບກົມອາຊຽນ, ກະຊວງການຕ່າງປະເທດ ເພື່ອປຶກ ສາຫາລືລາຍລະອຽດ ກ່ຽວກັບການ ຮ່ວມມືອາຊຽນ-ອົງການ ສປຊ ພາຍໃຕ້ການເປັນປະທານອາຊຽນ ຂອງ ສປປ ລາວ. ຂາຄະນະພັກ, ຫົວໜ້າຫ້ອງວ່າການ ສູນກາງພັກກັບ ທ່ານ ບໍ່ວຽງຄຳ ວົງດາລາ ກຳມະການສູນກາງພັກ, ເລຂາຄະນະພັກ, ລັດຖະມົນຕີກະ ຊວງເຕັກໂນໂລຊີ ແລະ ການສື່ສານ ໂດຍມີພາກສ່ວນກ່ຽວຂ້ອງຂອງ ທັງສອງຝ່າຍ ເຂົ້າຮ່ວມເປັນສັກຂີ ພິຍານ. ການເຊັນສັນຍາຮ່ວມມືກັນ ໃນຄັ້ງນີ້, ເພື່ອເປັນບ່ອນອີງໃນການ ຮ່ວມມືຄົ້ນຄວ້າ, ແລກປ່ຽນບົດ ຮຽນ, ພັດທະນາ, ແລະ ນຳໃຊ້ເຄື່ອງ ມືດີຈິຕອນ ເພື່ອຫັນວຽກງານຫ້ອງ ວ່າການສູນກາງພັກໃຫ້ເປັນທັນ ສະໄໝເທື່ອລະກ້າວ ເຊິ່ງທັງສອງ ຝ່າຍ ຈະໄດ້ຮ່ວມມືກັນໃນການຄົ້ນ ຄວ້າສ້າງທ່າແຮງ ເພື່ອປັບປຸງ ແລະ ພັດທະນາພື້ນຖານໂຄງລ່າງລະບົບ ເຄືອຂ່າຍ ແລະ ລະບົບສູນຂໍ້ມູນ ເພື່ອ ເກັບຮັກສາຂໍ້ມູນຂອງວຽກງານ ຫ້ອງວ່າການສູນກາງພັກ, ຮ່ວມມື ໃນການພັດທະນາ ແລະ ສົ່ງເສີມ ການນຳໃຊ້ລະບົບບໍລິຫານລັດ ດີຈິ ຕອນ ເຂົ້າໃນວຽກງານຂອງຫ້ອງ ວ່າການສູນກາງພັກ ໃຫ້ມີປະສິດທິ ພາບ, ຮັບປະກັນຄວາມປອດໄພ ແລະ ມີຄວາມຍືນຍົງ. ພ້ອມທັງຮ່ວມ ມືກັນຄົ້ນຄວ້າ ພັດທະນາລະບົບ ເຊື່ອມໂຍງຂໍ້ມູນຂ່າວສານລະຫວ່າງ ຫ້ອງວ່າການສູນກາງພັກກັບພາກ ສ່ວນຕ່າງໆ ແຕ່ຂັ້ນສູນກາງຮອດ ທ້ອງຖິ່ນ, ພັດທະນາ ແລະ ຍົກລະດັບ ຄວາມຮູ້ຄວາມສາມາດຂອງພະນັກ ງານ-ລັດຖະກອນ, ແລກປ່ຽນຂໍ້ມູນ ຂ່າວສານ, ປະສົບການ, ກອງປະ ຊຸມປຶກສາຫາລື, ສຳມະນາ, ຝຶກອົບ ຮົມ ແລະ ອື່ນໆ. ພາຍຫລັງການລົງ ນາມເຊັນບົດບັນທຶກຄວາມເຂົ້າໃຈ (MOU)ສະບັບນີ້ແລ້ວ, ທັງ 2 ຝ່າຍ ຈະໄດ້ພ້ອມກັນຄົ້ນຄວ້າແຕ່ງຕັ້ງ ຄະນະຮັບຜິດຊອບ ເພື່ອເຮັດວຽກ ຮ່ວມກັນ ຫັນເປັນດີຈິຕອນ ວຽກ ງານການບໍລິຫານຫ້ອງການ ແລະ ນຳໃຊ້ເຄື່ອງມືດີຈິຕອນເຂົ້າໃນ ວຽກງານຫ້ອງວ່າການ ແລະ ເຊື່ອມ ຂໍ້ມູນສູນກາງພັກ ທົ່ວປະເທດ, ຕອບ ສະໜອງໄດ້ຕາມແນວທາງນະໂຍ ບາຍຂອງພັກ, ວິໄສທັດຍຸດທະສາດ ແລະ ແຜນພັດທະນາເສດຖະກິດ ດີຈິຕອນ ຂອງ ສປປ ລາວ. ໂອກາດດັ່ງກ່າວ, ທ່ານ ທອງສະ ລິດ ມັງໜໍ່ເມກ ໄດ້ສະແດງຄວາມ ຍ້ອງຍໍຊົມເຊີຍບັນດາຜົນສໍາເລັດ ໃນການພັດທະນາວຽກງານ ເພື່ອ ຫັນເປັນທັນສະໄໝທີ່ກະຊວງເຕັກ ໂນໂລຊີ ແລະ ການສື່ສານພວມຈັດ ຕັ້ງປະຕິບັດຢ່າງຕັ້ງໜ້າ ເພື່ອກ້າວ ໄປສູ່ການຫັນເປັນທັນສະໄໝຂອງ ສປປ ລາວ. ໂດຍສະເພາະແມ່ນບົດ ບາດ, ຄວາມສຳຄັນຢ່າງພາວະວິໄສ ຂອງວຽກງານໄອຊີທີ ຕໍ່ກັບວຽກ ງານຂອງຫ້ອງວ່າການສູນກາງພັກ ໃນໄລຍະຜ່ານມາ ແລະ ການຜັນຂະ ຫຍາຍວຽກງານໄອຊີທີ ເຂົ້າສູ່ລວງ ເລິກໃນຕໍ່ໜ້າ, ການພັດທະນາ ແລະ ການຄຸ້ມຄອງລະບົບເຄືອຂ່າຍ ແລະ ເຄື່ອງມືເອເລັກໂຕຣນິກ ແນໃສ່ ເພື່ອເຮັດໃຫ້ການນຳໃຊ້ບັນດາຂໍ້ມູນ ໃຫ້ມີຄວາມສະດວກວ່ອງໄວ, ສ້າງ ບາດກ້າວການຫັນປ່ຽນໃໝ່ດ້ານ ວຽກງານບໍລິຫານຫ້ອງການ, ຕາມ ທິດຍົກສູງຄຸນນະພາບ ເຮັດໃຫ້ວຽກ ງານຂອງຫ້ອງວ່າການສູນກາງພັກ ມີຄວາມວ່ອງໄວທັນສະໄໝ, ສ້າງ ປະຖົມປັດໄຈໃນການກ້າວເຂົ້າສູ່ ການປະຕິວັດຍຸກອຸດສາຫະກຳ 4.0 ຢ່າງຕັ້ງໜ້າ. ພ້ອມກັນນັ້ນ, ທ່ານກໍ ໄດ້ສະແດງຄວາມຂອບໃຈມາຍັງ ທ່ານລັດຖະມົນຕີ ແລະ ການນໍາ ຂອງກະຊວງເຕັກໂນໂລຊີ ແລະ ການສື່ສານ ແລະ ເຊື່ອໝັ້ນວ່າສອງ ພາກສ່ວນຈະສືບຕໍ່ເສີມຂະຫຍາຍ ສາຍພົວພັນການຮ່ວມມືອັນດີ ເຊິ່ງ ກັນ ແລະ ກັນ ເພື່ອຊຸກຍູ້ວຽກງານ ການນໍາໃຊ້ເຕັກໂນໂລຊີໄອຊີທີ ເຂົ້າ ໃນຂົງເຂດວຽກງານຫ້ອງວ່າການ ສູນກາງພັກໃຫ້ກ້າວໄປສູ່ການຫັນ ເປັນທັນສະໄໝໃນຕໍ່ໜ້າ. ໂອກາດດຽວກັນ,ທ່ານບໍ່ວຽງຄໍາ ວົງດາລາ ກໍໄດ້ສະແດງຄວາມ ຍ້ອງຍໍຊົມເຊີຍຢ່າງສູງທີ່ຫ້ອງວ່າ ການສູນກາງພັກ ເລັງເຫັນເຖິງ ຄວາມສຳຄັນຂອງວຽກງານພັດທະ ນາເຕັກໂນໂລຊີ ດີຈິຕອນ ເຊິ່ງຖືເປັນ ຂີດໝາຍອັນສຳຄັນ ໃນການເພີ່ມທະ ວີການພົວພັນຮ່ວມມືຍົກສູງຄຸນນະ ພາບຂອງວຽກງານໄອຊີທີ ລະ ຫວ່າງກະຊວງເຕັກໂນໂລຊີ ແລະ ການສື່ສານ ແລະ ຫ້ອງວ່າການສູນ ກາງພັກ ໃນຕໍ່ໜ້າ. ໃນຕອນທ້າຍ, ການນໍາກະຊວງ ເຕັກໂນໂລຊີ ແລະ ການສື່ສານ ກໍໄດ້ ມອບບັນດາລະບົບທີ່ເປັນພື້ນຖານ ໂຄງລ່າງໃນການພັດທະນາ ແລະ ອຸ ປະກອນໄອຊີທີ ຈຳນວນໜຶ່ງໃຫ້ກັບ ຫ້ອງວ່າການສູນກາງພັກ ເພື່ອປະ ກອບສ່ວນເຂົ້າໃນວຽກງານຂອງ ຫ້ອງວ່າການສູນກາງພັກ ຕື່ມອີກ. ຂ່າວ: ທະນູທອງ, ພາບ: ຫສພ ການຊ່ວຍເຫລືອທາງດ້ານກົດໝາຍ ໃຫ້ແກ່ຜູ້ຖືກເຄາະຮ້າຍຈາກຄວາມ ຮຸນແຮງ ທີ່ຂະແໜງການຍຸຕິທຳໄດ້ ຈັດຕັ້ງປະຕິບັດຜ່ານມາ ແນໃສ່ຮັບ ປະກັນການປົກປ້ອງສິດ ແລະ ຜົນ ປະໂຫຍດອັນຊອບທຳ, ຄວາມສະ ເໝີພາບຂອງພົນລະເມືອງຕໍ່ໜ້າກົດ ໝາຍ. ກະຊວງຍຸຕິທຳ ກໍຄື ຂະແໜງ ຍຸຕິທຳທົ່ວປະເທດ ແລະ ສະພາ ທະນາຍຄວາມໄດ້ຖືສຳຄັນແລະ ເອົາ ໃຈໃສ່ຕໍ່ການໃຫ້ບໍລິການທາງດ້ານ ກົດໝາຍແກ່ບັນດາກຸ່ມເປົ້າໝາຍ ຖືກຕ້ອງຕາມດຳລັດວ່າດ້ວຍການ ຊ່ວຍເຫລືອທາງດ້ານກົດໝາຍ ແລະ ຄຳແນະນຳວ່າດ້ວຍການຈັດຕັ້ງ ປະຕິບັດດຳລັດດັ່ງກ່າວ ໂດຍຜ່ານ ບັນດາຂັ້ນຕອນຄື: ຮັບຄຳຮ້ອງ ຫລື ຄຳສະເໜີ ຂໍການຊ່ວຍເຫລືອ; ຄົ້ນ ຄວ້າ ແລະ ຕົກລົງ ກ່ຽວກັບການ ໃຫ້ການຊ່ວຍເຫລືອທາງດ້ານກົດ ໝາຍ; ການແຕ່ງຕັ້ງທະນາຍຄວາມ ຫລື ບຸກຄົນໃຫ້ການຊ່ວຍເຫລືອ; ການອະນຸມັດງົບປະມານ ເພື່ອໃຫ້ ການຊ່ວຍເຫລືອ. ຜ່ານການຈັດຕັ້ງປະຕິບັດວຽກ ຊ່ວຍເຫລືອທາງດ້ານກົດໝາຍ ໃນປີ 2023 ຜ່ານມາ ຂະແໜງ ຍຸຕິທຳທົ່ວປະເທດ ແລະ ສະພາທະ ນາຍຄວາມໄດ້ໃຫ້ບໍລິການທາງ ດ້ານກົດໝາຍ ແກ່ກຸ່ມເປົ້າໝາຍໂດຍ ຜ່ານການໃຫ້ຄຳປຶກສາທາງໂທລະ ສັບ, ການຕັ້ງໂຕະໃຫ້ຄຳປຶກສາແບບ ເຄື່ອນທີ່, ການສະໜອງຂໍ້ມູນຂ່າວ ສານ, ການຊ່ວຍເຫລືອຮ່າງເອກະ ສານ, ການແຕ່ງຕັ້ງທະນາຍຄວາມ ເປັນຜູ້ຕາງໜ້າ ລວມທັງໝົດ 161 ກໍລະນີ. ໃນນີ້, ການທຳຮ້າຍຈິດໃຈ 7 ກໍລະນີ, ການທຳຮ້າຍຮ່າງກາຍ 4 ກໍລະນີ ແລະ ຄວາມຮຸນແຮງທາງ ເພດ 150 ກໍລະນີ. ນອກຈາກນີ້, ຍັງໄດ້ສົມທົບກັບ ອົງການປົກຄອງທ້ອງຖິ່ນ ເປີດຫ້ອງ ການຊ່ວຍເຫລືອທາງດ້ານກົດໝາຍ ປະຈຳຢູ່ພະແນກຍຸຕິທຳ 17 ແຂວງ ແລະ ຫ້ອງການຍຸຕິທຳ 112 ເມືອງ, ຝຶກອົບຮົມວຽກງານຊ່ວຍເຫລືອ ທາງດ້ານກົດໝາຍໃຫ້ຜູ້ຮັບຜິດຊອບ ໄດ້ 30 ຊຸດ, ມີຜູ້ເຂົ້າຝຶກອົບຮົມ 387 ຄົນ, ໂຄສະນາເຜີຍແຜ່ວຽກ ງານຊ່ວຍເຫລືອທາງດ້ານກົດໝາຍ, ຕັ້ງໂຕະບໍລິການຊ່ວຍເຫລືອທາງ ດ້ານກົດໝາຍຫລາຍຄັ້ງ. ຜ່ານການໃຫ້ບໍລິການຊ່ວຍ ເຫລືອທາງດ້ານກົດໝາຍໄດ້ສ້າງ ຄວາມຮັບຮູ້ເຂົ້າໃຈເຖິງຄວາມໝາຍ ຄວາມສຳຄັນຂອງການຊ່ວຍເຫລືອ ທາງດ້ານກົດໝາຍ, ບັນດາກຸ່ມເປົ້າ ໝາຍໄດ້ຮັບຮູ້ສິດທິຂອງເຂົາເຈົ້າ ແລະ ເຂົ້າມາຂໍການຊ່ວຍເຫລືອນັບມື້ ຫລາຍຂຶ້ນ ສາມາດປົກປ້ອງສິດ ແລະ ຜົນປະໂຫຍດຂອງຜູ້ຖືກເສຍ ຫາຍໄດ້ຫລາຍພໍສົມຄວນ. ໃນ ໂອກາດນີ້, ທ່ານຮອງລັດຖະມົນຕີ ກະຊວງຍຸຕິທຳ, ໄດ້ຮຽກຮ້ອງມາ ຍັງບັນດາກຸ່ມເປົ້າໝາຍຈົ່ງຕັດສິນ ໃຈເຂົ້າມາຂໍການຊ່ວຍເຫລືອຈາກ ພວກເຮົາ, ບໍ່ໃຫ້ຢ້ານກົວ ຫລື ອັບ ອາຍແຕ່ຢ່າງໃດ. ທ່ານໄດ້ໃຫ້ຮູ້ວ່າ: ວັນທີ 25 ພະຈິກ ຄືວັນສາກົນ ວ່າດ້ວຍການລຶບລ້າງ ຄວາມຮຸນແຮງຕໍ່ແມ່ຍິງ ຊຶ່ງ ສປປ ລາວເຮົາ ພ້ອມດ້ວຍສາກົນ ກໍໄດ້ ພ້ອມກັນລະນຶກວັນສຳຄັນດັ່ງກ່າວ ພ້ອມກັນລຶບລ້າງຄວາມຮຸນແຮງຕໍ່ ແມ່ຍິງໃນລະດັບສາກົນ ກໍຄື ພາຍ ໃນປະເທດ ທັງໝົດນັ້ນມັນກ່ຽວພັນ ກັບບັນຫາສິດທິມະນຸດ ຊຶ່ງ ສປປ ລາວ ຍາມໃດກໍຖືສຳຄັນ ວຽກງານ ປົກປ້ອງ ແລະ ສົ່ງເສີມສິດທິມະ ນຸດດັ່ງທີ່ລະບຸໄວ້ໃນລັດຖະທຳມະ ນູນ ແລະ ກົດໝາຍຕ່າງໆຂອງ ສປປ ລາວ. ທ່ານ ທອງຜ່ານ ສະຫວັນເພັດ ຍັງໃຫ້ຮູ້ອີກວ່າ: ໃນລະດັບສາກົນ, ສປປ ລາວ ໄດ້ເຂົ້າຮ່ວມເປັນພາຄີ ຂອງສົນທິສັນຍາພື້ນຖານຂອງສິດ ທິມະນຸດ 7 ສະບັບຈາກທັງໝົດ 9 ສະບັບ, ພ້ອມກັນນັ້ນ, ກໍໄດ້ເຄື່ອນ ໄຫວຢ່າງຫ້າວຫັ້ນຢູ່ໃນກົນໄກວ່າ ດ້ວຍສິດທິມະນຸດສະຫະປະຊາຊາດ ກໍຄື ກົນໄກສົນທິສັນຍາວ່າດ້ວຍສິດ ທິມະນຸດ ທີ່ ສປປ ລາວ ເປັນພາຄີ. ສ່ວນໃນລະດັບພາກພື້ນ, ພວກເຮົາ ກໍໄດ້ເຄື່ອນໄຫວຢ່າງຫ້າວຫັ້ນ ຢູ່ໃນ ຄະນະກໍາມາທິການລະຫວ່າງລັດ ຖະບານອາຊຽນ ວ່າດ້ວຍສິດທິມະ ນຸດ (AICHR), ຄະນະກຳມາທິ ການອາຊຽນ ວ່າດ້ວຍການສົ່ງເສີມ ແລະ ປົກປ້ອງສິດທິຂອງແມ່ຍິງ ແລະເດັກນ້ອຍ(ACWC). ພ້ອມ ກັນນັ້ນ, ຄະນະກໍາມະການອາຊຽນ ວ່າດ້ວຍແມ່ຍິງ (ACW) ແລະ ຄະນະກຳມະການອາຊຽນວ່າດ້ວຍ ການຈັດຕັ້ງປະຕິບັດຖະແຫລງ ການອາຊຽນວ່າດ້ວຍການປົກປ້ອງ ສິດ ຂອງແຮງງານເຄື່ອນຍ້າຍ (ACMW) ຕື່ມອີກ. ສ່ວນໃນລະດັບຊາດ, ສປປ ລາວ ກໍໄດ້ມີລັດຖະທໍາມະນູນ ແລະ ກົດ ໝາຍ ທີ່ໄດ້ຜັນຂະຫຍາຍພັນທະ ສາກົນກ່ຽວກັບບັນຫາດັ່ງກ່າວ ໂດຍສະເພາະການຕ້ານໃຊ້ຄວາມ ຮຸນແຮງທີ່ມີຕໍ່ແມ່ຍິງ.
RkJQdWJsaXNoZXIy MTc3MTYxMQ==